דברי הימים א 16

1 ויביאו את ארון האלהים ויציגו אתו בתוך האהל אשר נטה לו דויד ויקריבו עלות ושלמים לפני האלהים׃

Iwo anabwera nalo Bokosi la Mulungu ndipo analiyika pamalo pake mʼkati mwa tenti imene Davide anayimika ndipo iwo anapereka nsembe zopsereza ndi nsembe zachiyanjano pamaso pa Mulungu.

2 ויכל דויד מהעלות העלה והשלמים ויברך את העם בשם יהוה׃

Davide atatsiriza kupereka nsembe zopsereza ndi nsembe zachiyanjano, iye anadalitsa anthu mʼdzina la Yehova.

3 ויחלק לכל איש ישראל מאיש ועד אשה לאיש ככר לחם ואשפר ואשישה׃

Kenaka anagawira Mwisraeli aliyense, wamwamuna ndi wamkazi, aliyense buledi mmodzi, nthuli yanyama ndiponso keke yamphesa zowuma.

4 ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל׃

Iye anasankha Alevi ena kuti azitumikira pamene panali Bokosi la Yehova, kuti azipemphera, azithokoza ndi kulemekeza Yehova Mulungu wa Israeli.

5 אסף הראש ומשנהו זכריה יעיאל ושמירמות ויחיאל ומתתיה ואליאב ובניהו ועבד אדם ויעיאל בכלי נבלים ובכנרות ואסף במצלתים משמיע׃

Mtsogoleri wawo anali Asafu, wachiwiri anali Zekariya, kenaka Yeiyeli, Semiramoti, Yehieli, Matitiya, Eliabu, Benaya, Obedi-Edomu ndi Yeiyeli. Iwo amayimba azeze ndi apangwe, Asafu amayimba ziwaya za malipenga,

6 ובניהו ויחזיאל הכהנים בחצצרות תמיד לפני ארון ברית האלהים׃

ndipo ansembe Benaya ndi Yahazieli amawomba malipenga nthawi zonse pamaso pa Bokosi la Chipangano la Mulungu.

7 ביום ההוא אז נתן דויד בראש להדות ליהוה ביד אסף ואחיו׃

Tsiku limeneli Davide anayamba nʼkusankha Asafu ndi anzake kuti ndiwo apereke nyimbo iyi ya matamando kwa Yehova:

8 הודו ליהוה קראו בשמו הודיעו בעמים עלילתיו׃

Yamikani Yehova, itanani dzina lake; lalikani za ntchito zake pakati pa mitundu ya anthu.

9 שירו לו זמרו לו שיחו בכל נפלאתיו׃

Imbirani Iye, muyimbireni nyimbo zamatamando; nenani za ntchito zake zonse zodabwitsa.

10 התהללו בשם קדשו ישמח לב מבקשי יהוה׃

Nyadirani dzina lake loyera; ikondwere mitima ya iwo akufunafuna Yehova.

11 דרשו יהוה ועזו בקשו פניו תמיד׃

Dalirani Yehova ndi mphamvu zake; funafunani nkhope yake nthawi zonse.

12 זכרו נפלאתיו אשר עשה מפתיו ומשפטי פיהו׃

Kumbukirani ntchito zodabwitsa wazichita, zozizwitsa zake, ndi kuweruza kwa mʼkamwa mwake,

13 זרע ישראל עבדו בני יעקב בחיריו׃

inu zidzukulu za Israeli mtumiki wake, inu ana a Yakobo, osankhidwa ake.

14 הוא יהוה אלהינו בכל הארץ משפטיו׃

Iye ndiye Yehova Mulungu wathu; chiweruzo chake chili pa dziko lonse lapansi.

15 זכרו לעולם בריתו דבר צוה לאלף דור׃

Iye amakumbukira pangano lake nthawi zonse, mawu amene Iye analamula, kwa mibado miyandamiyanda,

16 אשר כרת את אברהם ושבועתו ליצחק׃

pangano limene anachita ndi Abrahamu, lonjezo limene analumbira kwa Isake.

17 ויעמידה ליעקב לחק לישראל ברית עולם׃

Iye analitsimikiza kwa Yakobo monga lamulo, kwa Israeli monga pangano lamuyaya.

18 לאמר לך אתן ארץ כנען חבל נחלתכם׃

“Kwa iwe, ine ndidzapereka dziko la Kanaani monga cholowa chimene udzachilandira.”

19 בהיותכם מתי מספר כמעט וגרים בה׃

Ali anthu owerengeka, ochepa ndithu, komanso alendo mʼdzikomo,

20 ויתהלכו מגוי אל גוי ומממלכה אל עם אחר׃

iwo anayendayenda kuchoka ku mtundu wina kupita ku mtundu wina, ku ufumu wina kupita ku ufumu wina.

21 לא הניח לאיש לעשקם ויוכח עליהם מלכים׃

Iye sanalole munthu aliyense kuti awapondereze; chifukwa cha iwo, Iye anadzudzula mafumu:

22 אל תגעו במשיחי ובנביאי אל תרעו׃

“Musakhudze odzozedwa anga; musawachitire choyipa aneneri anga.”

23 שירו ליהוה כל הארץ בשרו מיום אל יום ישועתו׃

Imbirani Yehova, dziko lonse lapansi; lalikani za chipulumutso chake tsiku ndi tsiku.

24 ספרו בגוים את כבודו בכל העמים נפלאתיו׃

Lengezani za ulemerero wake kwa mitundu yonse, ntchito zake zonse zodabwitsa kwa anthu onse.

25 כי גדול יהוה ומהלל מאד ונורא הוא על כל אלהים׃

Pakuti Yehova ndi wamkulu ndi woyenera kwambiri kumutamanda; Iyeyo ayenera kuopedwa kuposa milungu yonse.

26 כי כל אלהי העמים אלילים ויהוה שמים עשה׃

Pakuti milungu yonse ya anthu a mitundu ina ndi mafano wopanda pake, koma Yehova analenga kumwamba.

27 הוד והדר לפניו עז וחדוה במקמו׃

Ulemerero ndi ufumu zili pamaso pake; mphamvu ndi chimwemwe zili pa malo pokhala Iye.

28 הבו ליהוה משפחות עמים הבו ליהוה כבוד ועז׃

Perekani kwa Yehova, Inu mabanja a anthu a mitundu ina, perekani kwa Yehova ulemerero ndi mphamvu,

29 הבו ליהוה כבוד שמו שאו מנחה ובאו לפניו השתחוו ליהוה בהדרת קדש׃

perekani kwa Yehova ulemerero woyenera dzina lake. Bweretsani chopereka ndipo mufike pamaso pake; pembedzani Yehova mu ulemerero wachiyero chake.

30 חילו מלפניו כל הארץ אף תכון תבל בל תמוט׃

Njenjemerani pamaso pake, dziko lonse lapansi! Dziko linakhazikika kolimba; silingasunthidwe.

31 ישמחו השמים ותגל הארץ ויאמרו בגוים יהוה מלך׃

Zakumwamba zisangalale, dziko lapansi likondwere; anene anthu a mitundu ina, “Yehova ndi mfumu!”

32 ירעם הים ומלואו יעלץ השדה וכל אשר בו׃

Nyanja ikokome, ndi zonse zili mʼmenemo; minda ikondwere, ndi zonse zili mʼmenemo!

33 אז ירננו עצי היער מלפני יהוה כי בא לשפוט את הארץ׃

Ndipo mitengo ya mʼnkhalango idzayimba, idzayimba chifukwa cha chimwemwe pamaso pa Yehova, pakuti akubwera kudzaweruza dziko lapansi.

34 הודו ליהוה כי טוב כי לעולם חסדו׃

Yamikani Yehova, pakuti Iye ndi wabwino; chikondi chake chikhala mpaka muyaya.

35 ואמרו הושיענו אלהי ישענו וקבצנו והצילנו מן הגוים להדות לשם קדשך להשתבח בתהלתך׃

Fuwulani kuti, “Tipulumutseni, Inu Mulungu wa chipulumutso chathu, mutisonkhanitse ndipo mutipulumutse kwa anthu a mitundu ina, kuti tiyamike dzina lanu loyera, kuti tikutamandeni.”

36 ברוך יהוה אלהי ישראל מן העולם ועד העלם ויאמרו כל העם אמן והלל ליהוה׃

Atamandike Yehova Mulungu wa Israeli, kuyambira muyaya mpaka muyaya. Ndipo anthu onse anati, “Ameni” ndipo “Tikutamandani Yehova.”

37 ויעזב שם לפני ארון ברית יהוה לאסף ולאחיו לשרת לפני הארון תמיד לדבר יום ביומו׃

Ndipo Davide anasiya Asafu pamodzi ndi anzake kumene kunali Bokosi la Chipangano la Yehova kuti azitumikira kumeneko nthawi zonse, monga mwa zoyenera kuchita pa tsiku lililonse.

38 ועבד אדם ואחיהם ששים ושמונה ועבד אדם בן ידיתון וחסה לשערים׃

Iye anasiyanso Obedi-Edomu pamodzi ndi anzake 68 kuti azitumikira nawo pamodzi. Obedi-Edomu mwana wa Yedutuni ndi Hosa anali alonda a pa chipata.

39 ואת צדוק הכהן ואחיו הכהנים לפני משכן יהוה בבמה אשר בגבעון׃

Davide anasiya wansembe Zadoki ndi ansembe anzake ku chihema cha Yehova ku malo achipembedzo ku Gibiyoni

40 להעלות עלות ליהוה על מזבח העלה תמיד לבקר ולערב ולכל הכתוב בתורת יהוה אשר צוה על ישראל׃

kuti azipereka nsembe zopsereza kwa Yehova pa guwa lansembe nthawi zonse mmawa ndi madzulo, potsata zonse zimene zinalembedwa mʼbuku la malamulo a Yehova, amene anawapereka kwa Aisraeli.

41 ועמהם הימן וידותון ושאר הברורים אשר נקבו בשמות להדות ליהוה כי לעולם חסדו׃

Anthuwo anali pamodzi ndi Hemani ndi Yedutuni ndi onse amene anawasankha mowatchula dzina kuti apereke mayamiko kwa Yehova, “pakuti chikondi chake ndi chosatha.”

42 ועמהם הימן וידותון חצצרות ומצלתים למשמיעים וכלי שיר האלהים ובני ידותון לשער׃

Hemani ndi Yedutuni anali oyangʼanira malipenga ndi ziwaya ndiponso zipangizo zina zoyimbira nyimbo zachipembedzo. Ana a Yedutuni anawayika kuti aziyangʼanira pa chipata.

43 וילכו כל העם איש לביתו ויסב דויד לברך את ביתו׃

Kenaka anthu onse anachoka, aliyense kupita kwawo. Ndipo Davide anabwerera ku nyumba kwake kukadalitsa banja lake.