דברי הימים א 14

1 וישלח חירם מלך צר מלאכים אל דויד ועצי ארזים וחרשי קיר וחרשי עצים לבנות לו בית׃

泰爾王希蘭將香柏木運到大衛那裏，又差遣使者和石匠、木匠給大衛建造宮殿。

2 וידע דויד כי הכינו יהוה למלך על ישראל כי נשאת למעלה מלכותו בעבור עמו ישראל׃

大衛就知道耶和華堅立他作以色列王，又為自己的民以色列，使他的國興旺。

3 ויקח דויד עוד נשים בירושלם ויולד דויד עוד בנים ובנות׃

大衛在耶路撒冷又立后妃，又生兒女。

4 ואלה שמות הילודים אשר היו לו בירושלם שמוע ושובב נתן ושלמה׃

在耶路撒冷所生的眾子是沙母亞、朔罷、拿單、所羅門、

5 ויבחר ואלישוע ואלפלט׃

益轄、以利書亞、以法列、

6 ונגה ונפג ויפיע׃

挪迦、尼斐、雅非亞、

7 ואלישמע ובעלידע ואליפלט׃

以利沙瑪、比利雅大、以利法列。

8 וישמעו פלשתים כי נמשח דויד למלך על כל ישראל ויעלו כל פלשתים לבקש את דויד וישמע דויד ויצא לפניהם׃

非利士人聽見大衛受膏作以色列眾人的王，非利士眾人就上來尋索大衛。大衛聽見，就出去迎敵。

9 ופלשתים באו ויפשטו בעמק רפאים׃

非利士人來了，布散在利乏音谷。

10 וישאל דויד באלהים לאמר האעלה על פלשתיים ונתתם בידי ויאמר לו יהוה עלה ונתתים בידך׃

大衛求問上帝，說：「我可以上去攻打非利士人嗎？你將他們交在我手裏嗎？」耶和華說：「你可以上去，我必將他們交在你手裏。」

11 ויעלו בבעל פרצים ויכם שם דויד ויאמר דויד פרץ האלהים את אויבי בידי כפרץ מים על כן קראו שם המקום ההוא בעל פרצים׃

非利士人來到巴力‧毗拉心，大衛在那裏殺敗他們。大衛說：「上帝藉我的手沖破敵人，如同水沖去一般」；因此稱那地方為巴力‧毗拉心。

12 ויעזבו שם את אלהיהם ויאמר דויד וישרפו באש׃

非利士人將神像撇在那裏，大衛吩咐人用火焚燒了。

13 ויסיפו עוד פלשתים ויפשטו בעמק׃

非利士人又布散在利乏音谷。

14 וישאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים׃

大衛又求問上帝。上帝說：「不要一直地上去，要轉到他們後頭，從桑林對面攻打他們。

15 ויהי כשמעך את קול הצעדה בראשי הבכאים אז תצא במלחמה כי יצא האלהים לפניך להכות את מחנה פלשתים׃

你聽見桑樹梢上有腳步的聲音，就要出戰，因為上帝已經在你前頭去攻打非利士人的軍隊。」

16 ויעש דויד כאשר צוהו האלהים ויכו את מחנה פלשתים מגבעון ועד גזרה׃

大衛就遵着上帝所吩咐的，攻打非利士人的軍隊，從基遍直到基色。

17 ויצא שם דויד בכל הארצות ויהוה נתן את פחדו על כל הגוים׃

於是大衛的名傳揚到列國，耶和華使列國都懼怕他。