תהילים 21

1 לַמְנַצֵּחַ מִזְמוֹר לְדָוִֽד׃ יְֽהוָה בְּעָזְּךָ יִשְׂמַח־מֶלֶךְ וּבִישׁוּעָתְךָ מַה־יגיל יָּגֶל מְאֹֽד׃

大卫的诗，交与伶长。 耶和华啊，王必因你的能力欢喜； 因你的救恩，他的快乐何其大！

2 תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל־מָנַעְתָּ סֶּֽלָה׃

他心里所愿的，你已经赐给他； 他嘴唇所求的，你未尝不应允。 (细拉)

3 כִּֽי־תְקַדְּמֶנּוּ בִּרְכוֹת טוֹב תָּשִׁית לְרֹאשׁוֹ עֲטֶרֶת פָּֽז׃

你以美福迎接他， 把精金的冠冕戴在他头上。

4 חַיִּים ׀ שָׁאַל מִמְּךָ נָתַתָּה לּוֹ אֹרֶךְ יָמִים עוֹלָם וָעֶֽד׃

他向你求寿，你便赐给他， 就是日子长久，直到永远。

5 גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָֽיו׃

他因你的救恩大有荣耀； 你又将尊荣威严加在他身上。

6 כִּֽי־תְשִׁיתֵהוּ בְרָכוֹת לָעַד תְּחַדֵּהוּ בְשִׂמְחָה אֶת־פָּנֶֽיךָ׃

你使他有洪福，直到永远， 又使他在你面前欢喜快乐。

7 כִּֽי־הַמֶּלֶךְ בֹּטֵחַ בַּיהוָה וּבְחֶסֶד עֶלְיוֹן בַּל־יִמּֽוֹט׃

王倚靠耶和华， 因至高者的慈爱必不摇动。

8 תִּמְצָא יָדְךָ לְכָל־אֹיְבֶיךָ יְמִֽינְךָ תִּמְצָא שֹׂנְאֶֽיךָ׃

你的手要搜出你的一切仇敌； 你的右手要搜出那些恨你的人。

9 תְּשִׁיתֵמוֹ ׀ כְּתַנּוּר אֵשׁ לְעֵת פָּנֶיךָ יְהוָה בְּאַפּוֹ יְבַלְּעֵם וְֽתֹאכְלֵם אֵֽשׁ׃

你发怒的时候，要使他们如在炎热的火炉中。 耶和华要在他的震怒中吞灭他们； 那火要把他们烧尽了。

10 פִּרְיָמוֹ מֵאֶרֶץ תְּאַבֵּד וְזַרְעָם מִבְּנֵי אָדָֽם׃

你必从世上灭绝他们的子孙， 从人间灭绝他们的后裔。

11 כִּי־נָטוּ עָלֶיךָ רָעָה חָֽשְׁבוּ מְזִמָּה בַּל־יוּכָֽלוּ׃

因为他们有意加害于你； 他们想出计谋，却不能作成。

12 כִּי תְּשִׁיתֵמוֹ שֶׁכֶם בְּמֵֽיתָרֶיךָ תְּכוֹנֵן עַל־פְּנֵיהֶֽם׃

你必使他们转背逃跑， 向他们的脸搭箭在弦。

13 רוּמָה יְהוָה בְּעֻזֶּךָ נָשִׁירָה וּֽנְזַמְּרָה גְּבוּרָתֶֽךָ׃

耶和华啊，愿你因自己的能力显为至高！ 这样，我们就唱诗，歌颂你的大能。