תהילים 138

1 לְדָוִד ׀ אוֹדְךָ בְכָל־לִבִּי נֶגֶד אֱלֹהִים אֲזַמְּרֶֽךָּ׃

大卫的诗。 我要一心称谢你， 在诸神面前歌颂你。

2 אֶשְׁתַּחֲוֶה אֶל־הֵיכַל קָדְשְׁךָ וְאוֹדֶה אֶת־שְׁמֶךָ עַל־חַסְדְּךָ וְעַל־אֲמִתֶּךָ כִּֽי־הִגְדַּלְתָּ עַל־כָּל־שִׁמְךָ אִמְרָתֶֽךָ׃

我要向你的圣殿下拜， 为你的慈爱和诚实称赞你的名； 因你使你的话显为大， 过于你所应许的。

3 בְּיוֹם קָרָֽאתִי וַֽתַּעֲנֵנִי תַּרְהִבֵנִי בְנַפְשִׁי עֹֽז׃

我呼求的日子，你就应允我， 鼓励我，使我心里有能力。

4 יוֹדוּךָ יְהוָה כָּל־מַלְכֵי־אָרֶץ כִּי שָׁמְעוּ אִמְרֵי־פִֽיךָ׃

耶和华啊，地上的君王都要称谢你， 因他们听见了你口中的言语。

5 וְיָשִׁירוּ בְּדַרְכֵי יְהוָה כִּי גָדוֹל כְּבוֹד יְהוָֽה׃

他们要歌颂耶和华的作为， 因耶和华大有荣耀。

6 כִּי־רָם יְהוָה וְשָׁפָל יִרְאֶה וְגָבֹהַּ מִמֶּרְחָק יְיֵדָֽע׃

耶和华虽高，仍看顾低微的人； 他却从远处看出骄傲的人。

7 אִם־אֵלֵךְ ׀ בְּקֶרֶב צָרָה תְּחַיֵּנִי עַל אַף אֹיְבַי תִּשְׁלַח יָדֶךָ וְתוֹשִׁיעֵנִי יְמִינֶֽךָ׃

我虽行在患难中，你必将我救活； 我的仇敌发怒，你必伸手抵挡他们； 你的右手也必救我。

8 יְהוָה יִגְמֹר בַּעֲדִי יְהוָה חַסְדְּךָ לְעוֹלָם מַעֲשֵׂי יָדֶיךָ אַל־תֶּֽרֶף׃

耶和华必成全关乎我的事； 耶和华啊，你的慈爱永远长存！ 求你不要离弃你手所造的。