תהילים 113

1 הַלְלוּ יָהּ ׀ הַלְלוּ עַבְדֵי יְהוָה הֽ͏ַלְלוּ אֶת־שֵׁם יְהוָֽה׃

Lwanj pou Seyè a! Nou menm k'ap sèvi Seyè a, fè lwanj li!

2 יְהִי שֵׁם יְהוָה מְבֹרָךְ מֵֽעַתָּה וְעַד־עוֹלָֽם׃

Se pou nou nonmen non l' depi koulye a epi pou tout tan tout tan.

3 מִמִּזְרַח־שֶׁמֶשׁ עַד־מְבוֹאוֹ מְהֻלָּל שֵׁם יְהוָֽה׃

Depi kote solèy leve jouk kote solèy kouche, se pou yo fè lwanj Seyè a!

4 רָם עַל־כָּל־גּוֹיִם ׀ יְהוָה עַל הַשָּׁמַיִם כְּבוֹדֽוֹ׃

Seyè a dominen sou tout nasyon yo. Pouvwa li moute pi wo pase syèl la.

5 מִי כַּיהוָה אֱלֹהֵינוּ הַֽמַּגְבִּיהִי לָשָֽׁבֶת׃

Pa gen tankou Seyè a, Bondye nou an. Li chita anwo nèt.

6 הַֽמַּשְׁפִּילִי לִרְאוֹת בַּשָּׁמַיִם וּבָאָֽרֶץ׃

Li bese je l' pou l' wè sa k'ap pase nan syèl la ak sou latè a.

7 מְקִֽימִי מֵעָפָר דָּל מֵֽאַשְׁפֹּת יָרִים אֶבְיֽוֹן׃

Li bay pòv malere a men pou fè l' leve soti nan pousyè a. Li wete l' nan mizè.

8 לְהוֹשִׁיבִי עִם־נְדִיבִים עִם נְדִיבֵי עַמּֽוֹ׃

Li fè l' chita menm kote ak chèf yo, wi, sou menm tab ak chèf pèp li a.

9 מֽוֹשִׁיבִי ׀ עֲקֶרֶת הַבַּיִת אֵֽם־הַבָּנִים שְׂמֵחָה הַֽלְלוּ־יָֽהּ׃

Li bay fanm ki pa ka fè pitit la yon fanmi. Li fè kè l' kontan lakay li, li ba l' pitit. Lwanj pou Seyè a!