זכריה 9

1 מַשָּׂא דְבַר־יְהֹוָה בְּאֶרֶץ חַדְרָךְ וְדַמֶּשֶׂק מְנֻחָתוֹ כִּי לַֽיהֹוָה עֵין אָדָם וְכֹל שִׁבְטֵי יִשְׂרָאֵֽל׃

耶和華的默示應驗在哈得拉地大馬士革 －世人和以色列各支派的眼目都仰望耶和華－

2 וְגַם־חֲמָת תִּגְבׇּל־בָּהּ צֹר וְצִידוֹן כִּי חָֽכְמָה מְאֹֽד׃

和靠近的哈馬，並泰爾、西頓； 因為這二城的人大有智慧。

3 וַתִּבֶן צֹר מָצוֹר לָהּ וַתִּצְבׇּר־כֶּסֶף כֶּֽעָפָר וְחָרוּץ כְּטִיט חוּצֽוֹת׃

泰爾為自己修築保障， 積蓄銀子如塵沙， 堆起精金如街上的泥土。

4 הִנֵּה אֲדֹנָי יֽוֹרִשֶׁנָּה וְהִכָּה בַיָּם חֵילָהּ וְהִיא בָּאֵשׁ תֵּאָכֵֽל׃

主必趕出她， 打敗她海上的權利； 她必被火燒滅。

5 תֵּרֶא אַשְׁקְלוֹן וְתִירָא וְעַזָּה וְתָחִיל מְאֹד וְעֶקְרוֹן כִּֽי־הֹבִישׁ מֶבָּטָהּ וְאָבַד מֶלֶךְ מֵֽעַזָּה וְאַשְׁקְלוֹן לֹא תֵשֵֽׁב׃

亞實基倫看見必懼怕； 迦薩看見甚痛苦； 以革倫因失了盼望蒙羞。 迦薩必不再有君王； 亞實基倫也不再有居民。

6 וְיָשַׁב מַמְזֵר בְּאַשְׁדּוֹד וְהִכְרַתִּי גְּאוֹן פְּלִשְׁתִּֽים׃

私生子必住在亞實突； 我必除滅非利士人的驕傲。

7 וַהֲסִרֹתִי דָמָיו מִפִּיו וְשִׁקֻּצָיו מִבֵּין שִׁנָּיו וְנִשְׁאַר גַּם־הוּא לֵֽאלֹהֵינוּ וְהָיָה כְּאַלֻּף בִּֽיהוּדָה וְעֶקְרוֹן כִּיבוּסִֽי׃

我必除去他口中帶血之肉 和牙齒內可憎之物。 他必作為餘剩的人歸與我們的上帝， 必在猶大像族長； 以革倫人必如耶布斯人。

8 וְחָנִיתִי לְבֵיתִי מִצָּבָה מֵעֹבֵר וּמִשָּׁב וְלֹֽא־יַעֲבֹר עֲלֵיהֶם עוֹד נֹגֵשׂ כִּי עַתָּה רָאִיתִי בְעֵינָֽי׃

我必在我家的四圍安營， 使敵軍不得任意往來， 暴虐的人也不再經過， 因為我親眼看顧我的家。

9 גִּילִי מְאֹד בַּת־צִיּוֹן הָרִיעִי בַּת יְרוּשָׁלַ͏ִם הִנֵּה מַלְכֵּךְ יָבוֹא לָךְ צַדִּיק וְנוֹשָׁע הוּא עָנִי וְרֹכֵב עַל־חֲמוֹר וְעַל־עַיִר בֶּן־אֲתֹנֽוֹת׃

錫安的民哪，應當大大喜樂； 耶路撒冷的民哪，應當歡呼。 看哪，你的王來到你這裏！ 他是公義的，並且施行拯救， 謙謙和和地騎着驢， 就是騎着驢的駒子。

10 וְהִכְרַתִּי־רֶכֶב מֵאֶפְרַיִם וְסוּס מִירוּשָׁלַ͏ִם וְנִכְרְתָה קֶשֶׁת מִלְחָמָה וְדִבֶּר שָׁלוֹם לַגּוֹיִם וּמׇשְׁלוֹ מִיָּם עַד־יָם וּמִנָּהָר עַד־אַפְסֵי־אָֽרֶץ׃

我必除滅以法蓮的戰車 和耶路撒冷的戰馬； 爭戰的弓也必除滅。 他必向列國講和平； 他的權柄必從這海管到那海， 從大河管到地極。

11 גַּם־אַתְּ בְּדַם־בְּרִיתֵךְ שִׁלַּחְתִּי אֲסִירַיִךְ מִבּוֹר אֵין מַיִם בּֽוֹ׃

錫安哪，我因與你立約的血， 將你中間被擄而囚的人從無水的坑中釋放出來。

12 שׁוּבוּ לְבִצָּרוֹן אֲסִירֵי הַתִּקְוָה גַּם־הַיּוֹם מַגִּיד מִשְׁנֶה אָשִׁיב לָֽךְ׃

你們被囚而有指望的人都要轉回保障。 我今日說明，我必加倍賜福給你們。

13 כִּֽי־דָרַכְתִּי לִי יְהוּדָה קֶשֶׁת מִלֵּאתִי אֶפְרַיִם וְעוֹרַרְתִּי בָנַיִךְ צִיּוֹן עַל־בָּנַיִךְ יָוָן וְשַׂמְתִּיךְ כְּחֶרֶב גִּבּֽוֹר׃

我拿猶大作上弦的弓； 我拿以法蓮為張弓的箭。 錫安哪，我要激發你的眾子， 攻擊希臘的眾子，使你如勇士的刀。

14 וַֽיהֹוָה עֲלֵיהֶם יֵֽרָאֶה וְיָצָא כַבָּרָק חִצּוֹ וַֽאדֹנָי יֱהֹוִה בַּשּׁוֹפָר יִתְקָע וְהָלַךְ בְּסַעֲרוֹת תֵּימָֽן׃

耶和華必顯現在他們以上； 他的箭必射出像閃電。 主耶和華必吹角， 乘南方的旋風而行。

15 יְהֹוָה צְבָאוֹת יָגֵן עֲלֵיהֶם וְאָכְלוּ וְכָֽבְשׁוּ אַבְנֵי־קֶלַע וְשָׁתוּ הָמוּ כְּמוֹ־יָיִן וּמָֽלְאוּ כַּמִּזְרָק כְּזָוִיּוֹת מִזְבֵּֽחַ׃

萬軍之耶和華必保護他們； 他們必吞滅仇敵，踐踏彈石。 他們必喝血吶喊，猶如飲酒； 他們必像盛滿血的碗， 又像壇的四角滿了血。

16 וְֽהוֹשִׁיעָם יְהֹוָה אֱלֹהֵיהֶם בַּיּוֹם הַהוּא כְּצֹאן עַמּוֹ כִּי אַבְנֵי־נֵזֶר מִֽתְנוֹסְסוֹת עַל־אַדְמָתֽוֹ׃

當那日，耶和華－他們的上帝 必看他的民如群羊，拯救他們； 因為他們必像冠冕上的寶石， 高舉在他的地以上。

17 כִּי מַה־טּוּבוֹ וּמַה־יׇּפְיוֹ דָּגָן בַּחוּרִים וְתִירוֹשׁ יְנוֹבֵב בְּתֻלֽוֹת׃

他的恩慈何等大！ 他的榮美何其盛！ 五穀健壯少男； 新酒培養處女。