תהילים 94

1 אֵל־נְקָמוֹת יְהֹוָה אֵל נְקָמוֹת הוֹפִֽיעַ׃

耶和華啊，你是伸冤的上帝； 伸冤的上帝啊，求你發出光來！

2 הִנָּשֵׂא שֹׁפֵט הָאָרֶץ הָשֵׁב גְּמוּל עַל־גֵּאִֽים׃

審判世界的主啊，求你挺身而立， 使驕傲人受應得的報應！

3 עַד־מָתַי רְשָׁעִים ׀ יְהֹוָה עַד־מָתַי רְשָׁעִים יַעֲלֹֽזוּ׃

耶和華啊，惡人誇勝要到幾時呢？ 要到幾時呢？

4 יַבִּיעוּ יְדַבְּרוּ עָתָק יִתְאַמְּרוּ כׇּל־פֹּעֲלֵי אָֽוֶן׃

他們絮絮叨叨說傲慢的話； 一切作孽的人都自己誇張。

5 עַמְּךָ יְהֹוָה יְדַכְּאוּ וְֽנַחֲלָתְךָ יְעַנּֽוּ׃

耶和華啊，他們強壓你的百姓， 苦害你的產業。

6 אַלְמָנָה וְגֵר יַהֲרֹגוּ וִיתוֹמִים יְרַצֵּֽחוּ׃

他們殺死寡婦和寄居的， 又殺害孤兒。

7 וַיֹּאמְרוּ לֹא יִרְאֶה־יָּהּ וְלֹא־יָבִין אֱלֹהֵי יַעֲקֹֽב׃

他們說：耶和華必不看見； 雅各的上帝必不思念。

8 בִּינוּ בֹּעֲרִים בָּעָם וּכְסִילִים מָתַי תַּשְׂכִּֽילוּ׃

你們民間的畜類人當思想； 你們愚頑人到幾時才有智慧呢？

9 הֲנֹטַֽע אֹזֶן הֲלֹא יִשְׁמָע אִֽם־יֹצֵֽר עַיִן הֲלֹא יַבִּֽיט׃

造耳朵的，難道自己不聽見嗎？ 造眼睛的，難道自己不看見嗎？

10 הֲיֹסֵר גּוֹיִם הֲלֹא יוֹכִיחַ הַֽמְלַמֵּד אָדָם דָּֽעַת׃

管教列邦的，就是叫人得知識的， 難道自己不懲治人嗎？

11 יְֽהֹוָה יֹדֵעַ מַחְשְׁבוֹת אָדָם כִּי־הֵמָּה הָֽבֶל׃

耶和華知道人的意念是虛妄的。

12 אַשְׁרֵי ׀ הַגֶּבֶר אֲשֶׁר־תְּיַסְּרֶנּוּ יָּהּ וּֽמִתּוֹרָתְךָ תְלַמְּדֶֽנּוּ׃

耶和華啊，你所管教、 用律法所教訓的人是有福的！

13 לְהַשְׁקִיט לוֹ מִימֵי רָע עַד יִכָּרֶה לָרָשָׁע שָֽׁחַת׃

你使他在遭難的日子得享平安； 惟有惡人陷在所挖的坑中。

14 כִּי ׀ לֹא־יִטֹּשׁ יְהֹוָה עַמּוֹ וְנַחֲלָתוֹ לֹא יַעֲזֹֽב׃

因為耶和華必不丟棄他的百姓， 也不離棄他的產業。

15 כִּֽי־עַד־צֶדֶק יָשׁוּב מִשְׁפָּט וְאַחֲרָיו כׇּל־יִשְׁרֵי־לֵֽב׃

審判要轉向公義； 心裏正直的，必都隨從。

16 מִֽי־יָקוּם לִי עִם־מְרֵעִים מִי־יִתְיַצֵּב לִי עִם־פֹּעֲלֵי אָֽוֶן׃

誰肯為我起來攻擊作惡的？ 誰肯為我站起抵擋作孽的？

17 לוּלֵי יְהֹוָה עֶזְרָתָה לִּי כִּמְעַט ׀ שָׁכְנָה דוּמָה נַפְשִֽׁי׃

若不是耶和華幫助我， 我就住在寂靜之中了。

18 אִם־אָמַרְתִּי מָטָה רַגְלִי חַסְדְּךָ יְהֹוָה יִסְעָדֵֽנִי׃

我正說我失了腳， 耶和華啊，那時你的慈愛扶助我。

19 בְּרֹב שַׂרְעַפַּי בְּקִרְבִּי תַּנְחוּמֶיךָ יְֽשַׁעַשְׁעוּ נַפְשִֽׁי׃

我心裏多憂多疑， 你安慰我，就使我歡樂。

20 הַֽיְחׇבְרְךָ כִּסֵּא הַוּוֹת יֹצֵר עָמָל עֲלֵי־חֹֽק׃

那藉着律例架弄殘害、 在位上行奸惡的，豈能與你相交嗎？

21 יָגוֹדּוּ עַל־נֶפֶשׁ צַדִּיק וְדָם נָקִי יַרְשִֽׁיעוּ׃

他們大家聚集攻擊義人， 將無辜的人定為死罪。

22 וַיְהִי יְהֹוָה לִי לְמִשְׂגָּב וֵאלֹהַי לְצוּר מַחְסִֽי׃

但耶和華向來作了我的高臺； 我的上帝作了我投靠的磐石。

23 וַיָּשֶׁב עֲלֵיהֶם ׀ אֶת־אוֹנָם וּבְרָעָתָם יַצְמִיתֵם יַצְמִיתֵם יְהֹוָה אֱלֹהֵֽינוּ׃

他叫他們的罪孽歸到他們身上。 他們正在行惡之中，他要剪除他們； 耶和華－我們的上帝要把他們剪除。