תהילים 85

1 לַמְנַצֵּחַ ׀ לִבְנֵי־קֹרַח מִזְמֽוֹר׃ רָצִיתָ יְהֹוָה אַרְצֶךָ שַׁבְתָּ (שבות) [שְׁבִית] יַעֲקֹֽב׃

可拉後裔的詩，交與伶長。 耶和華啊，你已經向你的地施恩， 救回被擄的雅各。

2 נָשָׂאתָ עֲוֺן עַמֶּךָ כִּסִּיתָ כׇל־חַטָּאתָם סֶֽלָה׃

你赦免了你百姓的罪孽， 遮蓋了他們一切的過犯。 (細拉)

3 אָסַפְתָּ כׇל־עֶבְרָתֶךָ הֱשִׁיבוֹתָ מֵחֲרוֹן אַפֶּֽךָ׃

你收轉了所發的忿怒 和你猛烈的怒氣。

4 שׁוּבֵנוּ אֱלֹהֵי יִשְׁעֵנוּ וְהָפֵר כַּעַסְךָ עִמָּֽנוּ׃

拯救我們的上帝啊，求你使我們回轉， 叫你的惱恨向我們止息。

5 הַלְעוֹלָם תֶּאֱנַף־בָּנוּ תִּמְשֹׁךְ אַפְּךָ לְדֹר וָדֹֽר׃

你要向我們發怒到永遠嗎？ 你要將你的怒氣延留到萬代嗎？

6 הֲֽלֹא־אַתָּה תָּשׁוּב תְּחַיֵּנוּ וְעַמְּךָ יִשְׂמְחוּ־בָֽךְ׃

你不再將我們救活， 使你的百姓靠你歡喜嗎？

7 הַרְאֵנוּ יְהֹוָה חַסְדֶּךָ וְיֶשְׁעֲךָ תִּתֶּן־לָֽנוּ׃

耶和華啊，求你使我們得見你的慈愛， 又將你的救恩賜給我們。

8 אֶשְׁמְעָה מַה־יְדַבֵּר הָאֵל ׀ יְהֹוָה כִּי ׀ יְדַבֵּר שָׁלוֹם אֶל־עַמּוֹ וְאֶל־חֲסִידָיו וְאַל־יָשׁוּבוּ לְכִסְלָֽה׃

我要聽上帝－耶和華所說的話； 因為他必應許將平安賜給他的百姓－他的聖民； 他們卻不可再轉去妄行。

9 אַךְ קָרוֹב לִירֵאָיו יִשְׁעוֹ לִשְׁכֹּן כָּבוֹד בְּאַרְצֵֽנוּ׃

他的救恩誠然與敬畏他的人相近， 叫榮耀住在我們的地上。

10 חֶסֶד־וֶאֱמֶת נִפְגָּשׁוּ צֶדֶק וְשָׁלוֹם נָשָֽׁקוּ׃

慈愛和誠實彼此相遇； 公義和平安彼此相親。

11 אֱמֶת מֵאֶרֶץ תִּצְמָח וְצֶדֶק מִשָּׁמַיִם נִשְׁקָֽף׃

誠實從地而生； 公義從天而現。

12 גַּם־יְהֹוָה יִתֵּן הַטּוֹב וְאַרְצֵנוּ תִּתֵּן יְבוּלָֽהּ׃

耶和華必將好處賜給我們； 我們的地也要多出土產。

13 צֶדֶק לְפָנָיו יְהַלֵּךְ וְיָשֵׂם לְדֶרֶךְ פְּעָמָֽיו׃

公義要行在他面前， 叫他的腳蹤成為可走的路。