תהילים 84

1 לַמְנַצֵּחַ עַֽל־הַגִּתִּית לִבְנֵי־קֹרַח מִזְמֽוֹר׃ מַה־יְּדִידוֹת מִשְׁכְּנוֹתֶיךָ יְהֹוָה צְבָאֽוֹת׃

可拉後裔的詩，交與伶長。用迦特樂器。 萬軍之耶和華啊， 你的居所何等可愛！

2 נִכְסְפָה וְגַם־כָּֽלְתָה ׀ נַפְשִׁי לְחַצְרוֹת יְהֹוָה לִבִּי וּבְשָׂרִי יְרַנְּנוּ אֶל אֵֽל־חָֽי׃

我羨慕渴想耶和華的院宇； 我的心腸，我的肉體向永生上帝呼籲。

3 גַּם־צִפּוֹר מָצְאָה בַיִת וּדְרוֹר ׀ קֵ ן לָהּ אֲשֶׁר־שָׁתָה אֶפְרֹחֶיהָ אֶֽת־מִזְבְּחוֹתֶיךָ יְהֹוָה צְבָאוֹת מַלְכִּי וֵאלֹהָֽי׃

萬軍之耶和華－我的王，我的上帝啊， 在你祭壇那裏，麻雀為自己找着房屋， 燕子為自己找着菢雛之窩。

4 אַשְׁרֵי יוֹשְׁבֵי בֵיתֶךָ עוֹד יְֽהַלְלוּךָ סֶּֽלָה׃

如此住在你殿中的便為有福！ 他們仍要讚美你。 (細拉)

5 אַשְׁרֵי אָדָם עֽוֹז־לוֹ בָךְ מְסִלּוֹת בִּלְבָבָֽם׃

靠你有力量、心中想往錫安大道的， 這人便為有福！

6 עֹבְרֵי ׀ בְּעֵמֶק הַבָּכָא מַעְיָן יְשִׁיתוּהוּ גַּם־בְּרָכוֹת יַעְטֶה מוֹרֶֽה׃

他們經過「流淚谷」，叫這谷變為泉源之地； 並有秋雨之福蓋滿了全谷。

7 יֵלְכוּ מֵחַיִל אֶל־חָיִל יֵרָאֶה אֶל־אֱלֹהִים בְּצִיּֽוֹן׃

他們行走，力上加力， 各人到錫安朝見上帝。

8 יְהֹוָה אֱלֹהִים צְבָאוֹת שִׁמְעָה תְפִלָּתִי הַאֲזִינָה אֱלֹהֵי יַעֲקֹב סֶֽלָה׃

耶和華－萬軍之上帝啊，求你聽我的禱告！ 雅各的上帝啊，求你留心聽！ (細拉)

9 מָגִנֵּנוּ רְאֵה אֱלֹהִים וְהַבֵּט פְּנֵי מְשִׁיחֶֽךָ׃

上帝啊，你是我們的盾牌； 求你垂顧觀看你受膏者的面！

10 כִּי טֽוֹב־יוֹם בַּחֲצֵרֶיךָ מֵאָלֶף בָּחַרְתִּי הִסְתּוֹפֵף בְּבֵית אֱלֹהַי מִדּוּר בְּאׇהֳלֵי־רֶֽשַׁע׃

在你的院宇住一日， 勝似在別處住千日； 寧可在我上帝殿中看門， 不願住在惡人的帳棚裏。

11 כִּי שֶׁמֶשׁ ׀ וּמָגֵן יְהֹוָה אֱלֹהִים חֵן וְכָבוֹד יִתֵּן יְהֹוָה לֹא יִמְנַע־טוֹב לַֽהֹלְכִים בְּתָמִֽים׃

因為耶和華－上帝是日頭，是盾牌， 要賜下恩惠和榮耀。 他未嘗留下一樣好處不給那些行動正直的人。

12 יְהֹוָה צְבָאוֹת אַֽשְׁרֵי אָדָם בֹּטֵחַ בָּֽךְ׃

萬軍之耶和華啊， 倚靠你的人便為有福！