תהילים 145

1 תְּהִלָּה לְדָוִד אֲרוֹמִמְךָ אֱלוֹהַי הַמֶּלֶךְ וַאֲבָרְכָה שִׁמְךָ לְעוֹלָם וָעֶֽד׃

我的天主，君王，我要頌揚您，歌頌您的名，世世代代不停止。

2 בְּכׇל־יוֹם אֲבָֽרְכֶךָּ וַאֲהַֽלְלָה שִׁמְךָ לְעוֹלָם וָעֶֽד׃

我要每日不斷讚美您，頌揚您的名，永遠不停止。

3 גָּדוֹל יְהֹוָה וּמְהֻלָּל מְאֹד וְלִגְדֻלָּתוֹ אֵין חֵֽקֶר׃

偉大的上主，實在應受讚美，上主的偉大，高深不可推測；

4 דּוֹר לְדוֹר יְשַׁבַּח מַעֲשֶׂיךָ וּגְבוּרֹתֶיךָ יַגִּֽידוּ׃

世世代代應宣揚上主的工程，世世代代應傳述上主的大能：

5 הֲדַר כְּבוֹד הוֹדֶךָ וְדִבְרֵי נִפְלְאֹתֶיךָ אָשִֽׂיחָה׃

講述您的威嚴尊榮，彰明您的奇異化工，

6 וֶעֱזוּז נֽוֹרְאֹתֶיךָ יֹאמֵרוּ (וגדלותיך) [וּגְדֻלָּתְךָ] אֲסַפְּרֶֽנָּה׃

述說您驚天動地的威能，不斷宣揚您的偉大無朋；

7 זֵכֶר רַב־טוּבְךָ יַבִּיעוּ וְצִדְקָתְךָ יְרַנֵּֽנוּ׃

廣傳您無窮慈愛的事跡，歡呼歌唱您的公義無限。

8 חַנּוּן וְרַחוּם יְהֹוָה אֶרֶךְ אַפַּיִם וּגְדׇל־חָֽסֶד׃

主慈悲為懷，寬宏大方；他常緩於發怒，仁愛無量。

9 טוֹב־יְהֹוָה לַכֹּל וְרַחֲמָיו עַל־כׇּל־מַעֲשָֽׂיו׃

上主對待萬有，溫和善良，對他的受造物，仁愛慈祥。

10 יוֹדוּךָ יְהֹוָה כׇּל־מַעֲשֶׂיךָ וַחֲסִידֶיךָ יְבָרְכֽוּכָה׃

上主，願您的一切受造物稱謝您，上主，願您的一切聖徒們讚美您，

11 כְּבוֹד מַלְכוּתְךָ יֹאמֵרוּ וּגְבוּרָתְךָ יְדַבֵּֽרוּ׃

宣傳您王國的光榮，講處述您的威力大能，

12 לְהוֹדִיעַ ׀ לִבְנֵי הָאָדָם גְּבוּרֹתָיו וּכְבוֹד הֲדַר מַלְכוּתֽוֹ׃

讓世人盡知您的威能，您王國的偉大光榮。

13 מַֽלְכוּתְךָ מַלְכוּת כׇּל־עֹלָמִים וּמֶֽמְשַׁלְתְּךָ בְּכׇל־דּוֹר וָדֹֽר׃

您的王國，是萬代的王國，您的王權，存留於無窮世；上主對自己的一切諾言，忠信不欺，上主對自己的一切受造，勝善無比。

14 סוֹמֵךְ יְהֹוָה לְכׇל־הַנֹּפְלִים וְזוֹקֵף לְכׇל־הַכְּפוּפִֽים׃

凡跌倒的，上主必要扶持，凡被壓抑的，使他們起立。

15 עֵֽינֵי־כֹל אֵלֶיךָ יְשַׂבֵּרוּ וְאַתָּה נֽוֹתֵן־לָהֶם אֶת־אׇכְלָם בְּעִתּֽוֹ׃

眾生的眼睛都仰望您，您準時賞給他們糧食。

16 פּוֹתֵחַ אֶת־יָדֶךָ וּמַשְׂבִּיעַ לְכׇל־חַי רָצֽוֹן׃

您伸出了您的雙手，滿足了眾生的需求。

17 צַדִּיק יְהֹוָה בְּכׇל־דְּרָכָיו וְחָסִיד בְּכׇל־מַעֲשָֽׂיו׃

上主在他的一切路徑上，至公至義；上主在他的一切化工上，聖善無比。

18 קָרוֹב יְהֹוָה לְכׇל־קֹרְאָיו לְכֹל אֲשֶׁר יִקְרָאֻהוּ בֶֽאֱמֶֽת׃

上主接近一切呼求祂的人，就是一切誠心呼求祂的人。

19 רְצוֹן־יְרֵאָיו יַעֲשֶׂה וְֽאֶת־שַׁוְעָתָם יִשְׁמַע וְיוֹשִׁיעֵֽם׃

他必成全敬愛自己者的心願，聽到他們的呼號，必施以救援。

20 שׁוֹמֵר יְהֹוָה אֶת־כׇּל־אֹהֲבָיו וְאֵת כׇּל־הָרְשָׁעִים יַשְׁמִֽיד׃

凡愛慕上主的，上主必保護他們；凡作惡犯罪的，上主必消除他們。

21 תְּהִלַּת יְהֹוָה יְֽדַבֶּר ־ פִּי וִיבָרֵךְ כׇּל־בָּשָׂר שֵׁם קׇדְשׁוֹ לְעוֹלָם וָעֶֽד׃

願我的口舌稱述上主的光榮，願眾生讚美他的聖名於無窮！