תהילים 139

1 לַמְנַצֵּחַ לְדָוִד מִזְמוֹר יְהֹוָה חֲקַרְתַּנִי וַתֵּדָֽע׃

大衛的詩，交與伶長。 耶和華啊，你已經鑒察我，認識我。

2 אַתָּה יָדַעְתָּ שִׁבְתִּי וְקוּמִי בַּנְתָּה לְרֵעִי מֵרָחֽוֹק׃

我坐下，我起來，你都曉得； 你從遠處知道我的意念。

3 אׇרְחִי וְרִבְעִי זֵרִיתָ וְֽכׇל־דְּרָכַי הִסְכַּֽנְתָּה׃

我行路，我躺臥，你都細察； 你也深知我一切所行的。

4 כִּי אֵין מִלָּה בִּלְשׁוֹנִי הֵן יְהֹוָה יָדַעְתָּ כֻלָּֽהּ׃

耶和華啊，我舌頭上的話， 你沒有一句不知道的。

5 אָחוֹר וָקֶדֶם צַרְתָּנִי וַתָּשֶׁת עָלַי כַּפֶּֽכָה׃

你在我前後環繞我， 按手在我身上。

6 (פלאיה) [פְּלִיאָֽה] דַעַת מִמֶּנִּי נִשְׂגְּבָה לֹא־אוּכַֽל לָֽהּ׃

這樣的知識奇妙，是我不能測的， 至高，是我不能及的。

7 אָנָֽה אֵלֵךְ מֵרוּחֶךָ וְאָנָה מִפָּנֶיךָ אֶבְרָֽח׃

我往哪裏去躲避你的靈？ 我往哪裏逃、躲避你的面？

8 אִם־אֶסַּק שָׁמַיִם שָׁם אָתָּה וְאַצִּיעָה שְּׁאוֹל הִנֶּֽךָּ׃ (Sheol h7585)

我若升到天上，你在那裏； 我若在陰間下榻，你也在那裏。 (Sheol h7585)

9 אֶשָּׂא כַנְפֵי־שָׁחַר אֶשְׁכְּנָה בְּאַחֲרִית יָֽם׃

我若展開清晨的翅膀， 飛到海極居住，

10 גַּם־שָׁם יָדְךָ תַנְחֵנִי וְֽתֹאחֲזֵנִי יְמִינֶֽךָ׃

就是在那裏，你的手必引導我； 你的右手也必扶持我。

11 וָאֹמַר אַךְ־חֹשֶׁךְ יְשׁוּפֵנִי וְלַיְלָה אוֹר בַּעֲדֵֽנִי׃

我若說：黑暗必定遮蔽我， 我周圍的亮光必成為黑夜；

12 גַּם־חֹשֶׁךְ לֹא־יַחְשִׁיךְ מִמֶּךָּ וְלַיְלָה כַּיּוֹם יָאִיר כַּחֲשֵׁיכָה כָּאוֹרָֽה׃

黑暗也不能遮蔽我，使你不見， 黑夜卻如白晝發亮。 黑暗和光明，在你看都是一樣。

13 כִּֽי־אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽי׃

我的肺腑是你所造的； 我在母腹中，你已覆庇我。

14 אוֹדְךָ עַל כִּי נֽוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽד׃

我要稱謝你，因我受造，奇妙可畏； 你的作為奇妙，這是我心深知道的。

15 לֹֽא־נִכְחַד עׇצְמִי מִמֶּךָּ אֲשֶׁר־עֻשֵּׂיתִי בַסֵּתֶר רֻקַּמְתִּי בְּֽתַחְתִּיּוֹת אָֽרֶץ׃

我在暗中受造，在地的深處被聯絡； 那時，我的形體並不向你隱藏。

16 גׇּלְמִי ׀ רָאוּ עֵינֶיךָ וְעַֽל־סִפְרְךָ כֻּלָּם יִכָּתֵבוּ יָמִים יֻצָּרוּ (ולא) [וְלוֹ] אֶחָד בָּהֶֽם׃

我未成形的體質，你的眼早已看見了； 你所定的日子，我尚未度一日， 你都寫在你的冊上了。

17 וְלִי מַה־יָּקְרוּ רֵעֶיךָ אֵל מֶה עָצְמוּ רָאשֵׁיהֶֽם׃

上帝啊，你的意念向我何等寶貴！ 其數何等眾多！

18 אֶסְפְּרֵם מֵחוֹל יִרְבּוּן הֱקִיצֹתִי וְעוֹדִי עִמָּֽךְ׃

我若數點，比海沙更多； 我睡醒的時候，仍和你同在。

19 אִם־תִּקְטֹל אֱלוֹהַּ ׀ רָשָׁע וְאַנְשֵׁי דָמִים סוּרוּ מֶֽנִּי׃

上帝啊，你必要殺戮惡人； 所以，你們好流人血的，離開我去吧！

20 אֲשֶׁר יֹמְרוּךָ לִמְזִמָּה נָשׂוּא לַשָּׁוְא עָרֶֽיךָ׃

因為他們說惡言頂撞你； 你的仇敵也妄稱你的名。

21 הֲלֽוֹא־מְשַׂנְאֶיךָ יְהֹוָה ׀ אֶשְׂנָא וּבִתְקוֹמְמֶיךָ אֶתְקוֹטָֽט׃

耶和華啊，恨惡你的，我豈不恨惡他們嗎？ 攻擊你的，我豈不憎嫌他們嗎？

22 תַּכְלִית שִׂנְאָה שְׂנֵאתִים לְאוֹיְבִים הָיוּ לִֽי׃

我切切地恨惡他們， 以他們為仇敵。

23 חׇקְרֵנִי אֵל וְדַע לְבָבִי בְּחָנֵנִי וְדַע שַׂרְעַפָּֽי׃

上帝啊，求你鑒察我，知道我的心思， 試煉我，知道我的意念，

24 וּרְאֵה אִם־דֶּֽרֶךְ־עֹצֶב בִּי וּנְחֵנִי בְּדֶרֶךְ עוֹלָֽם׃

看在我裏面有甚麼惡行沒有， 引導我走永生的道路。