תהילים 118

1 הוֹדוּ לַיהֹוָה כִּי־טוֹב כִּי לְעוֹלָם חַסְדּֽוֹ׃

主に感謝せよ、主は恵みふかく、そのいつくしみはとこしえに絶えることがない。

2 יֹאמַר־נָא יִשְׂרָאֵל כִּי לְעוֹלָם חַסְדּֽוֹ׃

イスラエルは言え、「そのいつくしみはとこしえに絶えることがない」と。

3 יֹאמְרוּ־נָא בֵֽית־אַהֲרֹן כִּי לְעוֹלָם חַסְדּֽוֹ׃

アロンの家は言え、「そのいつくしみはとこしえに絶えることがない」と。

4 יֹאמְרוּ־נָא יִרְאֵי יְהֹוָה כִּי לְעוֹלָם חַסְדּֽוֹ׃

主をおそれる者は言え、「そのいつくしみはとこしえに絶えることがない」と。

5 מִֽן־הַמֵּצַר קָרָאתִי יָּהּ עָנָנִי בַמֶּרְחָב יָֽהּ׃

わたしが悩みのなかから主を呼ぶと、主は答えて、わたしを広い所に置かれた。

6 יְהֹוָה לִי לֹא אִירָא מַה־יַּעֲשֶׂה לִי אָדָֽם׃

主がわたしに味方されるので、恐れることはない。人はわたしに何をなし得ようか。

7 יְהֹוָה לִי בְּעֹזְרָי וַאֲנִי אֶרְאֶה בְשֹׂנְאָֽי׃

主はわたしに味方し、わたしを助けられるので、わたしを憎む者についての願いを見るであろう。

8 טוֹב לַחֲסוֹת בַּיהֹוָה מִבְּטֹחַ בָּאָדָֽם׃

主に寄り頼むは人にたよるよりも良い。

9 טוֹב לַחֲסוֹת בַּיהֹוָה מִבְּטֹחַ בִּנְדִיבִֽים׃

主に寄り頼むはもろもろの君にたよるよりも良い。

10 כׇּל־גּוֹיִם סְבָבוּנִי בְּשֵׁם יְהֹוָה כִּי אֲמִילַֽם׃

もろもろの国民はわたしを囲んだ。わたしは主のみ名によって彼らを滅ぼす。

11 סַבּוּנִי גַם־סְבָבוּנִי בְּשֵׁם יְהֹוָה כִּי אֲמִילַֽם׃

彼らはわたしを囲んだ、わたしを囲んだ。わたしは主のみ名によって彼らを滅ぼす。

12 סַבּוּנִי כִדְבוֹרִים דֹּעֲכוּ כְּאֵשׁ קוֹצִים בְּשֵׁם יְהֹוָה כִּי אֲמִילַֽם׃

彼らは蜂のようにわたしを囲み、いばらの火のように燃えたった。わたしは主のみ名によって彼らを滅ぼす。

13 דַּחֹה דְחִיתַנִי לִנְפֹּל וַיהֹוָה עֲזָרָֽנִי׃

わたしはひどく押されて倒れようとしたが、主はわたしを助けられた。

14 עׇזִּי וְזִמְרָת יָהּ וַֽיְהִי־לִי לִישׁוּעָֽה׃

主はわが力、わが歌であって、わが救となられた。

15 קוֹל ׀ רִנָּה וִישׁוּעָה בְּאׇהֳלֵי צַדִּיקִים יְמִין יְהֹוָה עֹשָׂה חָֽיִל׃

聞け、勝利の喜ばしい歌が正しい者の天幕にある。「主の右の手は勇ましいはたらきをなし、

16 יְמִין יְהֹוָה רוֹמֵמָה יְמִין יְהֹוָה עֹשָׂה חָֽיִל׃

主の右の手は高くあがり、主の右の手は勇ましいはたらきをなす」。

17 לֹא־אָמוּת כִּֽי־אֶחְיֶה וַאֲסַפֵּר מַעֲשֵׂי יָֽהּ׃

わたしは死ぬことなく、生きながらえて、主のみわざを物語るであろう。

18 יַסֹּר יִסְּרַנִּי יָּהּ וְלַמָּוֶת לֹא נְתָנָֽנִי׃

主はいたくわたしを懲らされたが、死にはわたされなかった。

19 פִּתְחוּ־לִי שַׁעֲרֵי־צֶדֶק אָבֹא־בָם אוֹדֶה יָֽהּ׃

わたしのために義の門を開け、わたしはその内にはいって、主に感謝しよう。

20 זֶה־הַשַּׁעַר לַיהֹוָה צַדִּיקִים יָבֹאוּ בֽוֹ׃

これは主の門である。正しい者はその内にはいるであろう。

21 אוֹדְךָ כִּי עֲנִיתָנִי וַתְּהִי־לִי לִישׁוּעָֽה׃

わたしはあなたに感謝します。あなたがわたしに答えて、わが救となられたことを。

22 אֶבֶן מָאֲסוּ הַבּוֹנִים הָיְתָה לְרֹאשׁ פִּנָּֽה׃

家造りらの捨てた石は隅のかしら石となった。

23 מֵאֵת יְהֹוָה הָיְתָה זֹּאת הִיא נִפְלָאת בְּעֵינֵֽינוּ׃

これは主のなされた事でわれらの目には驚くべき事である。

24 זֶה־הַיּוֹם עָשָׂה יְהֹוָה נָגִילָה וְנִשְׂמְחָה בֽוֹ׃

これは主が設けられた日であって、われらはこの日に喜び楽しむであろう。

25 אָנָּא יְהֹוָה הוֹשִׁיעָה נָּא אָנָּא יְהֹוָה הַצְלִיחָה נָּֽא׃

主よ、どうぞわれらをお救いください。主よ、どうぞわれらを栄えさせてください。

26 בָּרוּךְ הַבָּא בְּשֵׁם יְהֹוָה בֵּרַכְנוּכֶם מִבֵּית יְהֹוָֽה׃

主のみ名によってはいる者はさいわいである。われらは主の家からあなたをたたえます。

27 אֵל ׀ יְהֹוָה וַיָּאֶר לָנוּ אִסְרוּ־חַג בַּעֲבֹתִים עַד־קַרְנוֹת הַמִּזְבֵּֽחַ׃

主は神であって、われらを照された。枝を携えて祭の行列を祭壇の角にまで進ませよ。

28 אֵלִי אַתָּה וְאוֹדֶךָּ אֱלֹהַי אֲרוֹמְמֶֽךָּ׃

あなたはわが神、わたしはあなたに感謝します。あなたはわが神、わたしはあなたをあがめます。

29 הוֹדוּ לַיהֹוָה כִּי־טוֹב כִּי לְעוֹלָם חַסְדּֽוֹ׃

主に感謝せよ、主は恵みふかく、そのいつくしみはとこしえに絶えることがない。