תהילים 114

1 בְּצֵאת יִשְׂרָאֵל מִמִּצְרָיִם בֵּית יַעֲקֹב מֵעַם לֹעֵֽז׃

以色列出了埃及， 雅各家離開說異言之民；

2 הָיְתָה יְהוּדָה לְקׇדְשׁוֹ יִשְׂרָאֵל מַמְשְׁלוֹתָֽיו׃

那時，猶大為主的聖所， 以色列為他所治理的國度。

3 הַיָּם רָאָה וַיָּנֹס הַיַּרְדֵּן יִסֹּב לְאָחֽוֹר׃

滄海看見就奔逃； 約旦河也倒流。

4 הֶהָרִים רָקְדוּ כְאֵילִים גְּבָעוֹת כִּבְנֵי־צֹֽאן׃

大山踴躍，如公羊； 小山跳舞，如羊羔。

5 מַה־לְּךָ הַיָּם כִּי תָנוּס הַיַּרְדֵּן תִּסֹּב לְאָחֽוֹר׃

滄海啊，你為何奔逃？ 約旦哪，你為何倒流？

6 הֶהָרִים תִּרְקְדוּ כְאֵילִים גְּבָעוֹת כִּבְנֵי־צֹֽאן׃

大山哪，你為何踴躍，如公羊？ 小山哪，你為何跳舞，如羊羔？

7 מִלִּפְנֵי אָדוֹן חוּלִי אָרֶץ מִלִּפְנֵי אֱלוֹהַּ יַעֲקֹֽב׃

大地啊，你因見主的面， 就是雅各上帝的面，便要震動。

8 הַהֹפְכִי הַצּוּר אֲגַם־מָיִם חַלָּמִישׁ לְמַעְיְנוֹ־מָֽיִם׃

他叫磐石變為水池， 叫堅石變為泉源。