תהילים 110

1 לְדָוִד מִזְמוֹר נְאֻם יְהֹוָה ׀ לַֽאדֹנִי שֵׁב לִֽימִינִי עַד־אָשִׁית אֹיְבֶיךָ הֲדֹם לְרַגְלֶֽיךָ׃

大衛的詩。 耶和華對我主說： 你坐在我的右邊， 等我使你仇敵作你的腳凳。

2 מַטֵּֽה־עֻזְּךָ יִשְׁלַח יְהֹוָה מִצִּיּוֹן רְדֵה בְּקֶרֶב אֹיְבֶֽיךָ׃

耶和華必使你從錫安伸出能力的杖來； 你要在你仇敵中掌權。

3 עַמְּךָ נְדָבֹת בְּיוֹם חֵילֶךָ בְּֽהַדְרֵי־קֹדֶשׁ מֵרֶחֶם מִשְׁחָר לְךָ טַל יַלְדֻתֶֽיךָ׃

當你掌權的日子， 你的民要以聖潔的妝飾為衣， 甘心犧牲自己； 你的民多如清晨的甘露。

4 נִשְׁבַּע יְהֹוָה ׀ וְלֹא יִנָּחֵם אַתָּֽה־כֹהֵן לְעוֹלָם עַל־דִּבְרָתִי מַלְכִּי־צֶֽדֶק׃

耶和華起了誓，決不後悔，說： 你是照着麥基洗德的等次永遠為祭司。

5 אֲדֹנָי עַל־יְמִֽינְךָ מָחַץ בְּיוֹם־אַפּוֹ מְלָכִֽים׃

在你右邊的主， 當他發怒的日子，必打傷列王。

6 יָדִין בַּגּוֹיִם מָלֵא גְוִיּוֹת מָחַץ רֹאשׁ עַל־אֶרֶץ רַבָּֽה׃

他要在列邦中刑罰惡人， 屍首就遍滿各處； 他要在許多國中打破仇敵的頭。

7 מִנַּחַל בַּדֶּרֶךְ יִשְׁתֶּה עַל־כֵּן יָרִים רֹֽאשׁ׃

他要喝路旁的河水， 因此必抬起頭來。