תהילים 10

1 לָמָה יְהֹוָה תַּֽעֲמֹד בְּרָחוֹק תַּעְלִים לְעִתּוֹת בַּצָּרָֽה׃

耶和華啊，你為甚麼站在遠處？ 在患難的時候為甚麼隱藏？

2 בְּגַאֲוַת רָשָׁע יִדְלַק עָנִי יִתָּֽפְשׂוּ ׀ בִּמְזִמּוֹת זוּ חָשָֽׁבוּ׃

惡人在驕橫中把困苦人追得火急； 願他們陷在自己所設的計謀裏。

3 כִּֽי־הִלֵּל רָשָׁע עַל־תַּאֲוַת נַפְשׁוֹ וּבֹצֵעַ בֵּרֵךְ נִאֵץ ׀ יְהֹוָֽה׃

因為惡人以心願自誇； 貪財的背棄耶和華，並且輕慢他。

4 רָשָׁע כְּגֹבַהּ אַפּוֹ בַּל־יִדְרֹשׁ אֵין אֱלֹהִים כׇּל־מְזִמּוֹתָֽיו׃

惡人面帶驕傲，說：耶和華必不追究； 他一切所想的都以為沒有上帝。

5 יָחִילוּ דְרָכָו ׀ בְּכׇל־עֵת מָרוֹם מִשְׁפָּטֶיךָ מִנֶּגְדּוֹ כׇּל־צוֹרְרָיו יָפִיחַ בָּהֶֽם׃

凡他所做的，時常穩固； 你的審判超過他的眼界。 至於他一切的敵人， 他都向他們噴氣。

6 אָמַר בְּלִבּוֹ בַּל־אֶמּוֹט לְדֹר וָדֹר אֲשֶׁר לֹֽא־בְרָֽע׃

他心裏說：我必不動搖， 世世代代不遭災難。

7 אָלָה ׀ פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָֽוֶן׃

他滿口是咒罵、詭詐、欺壓， 舌底是毒害、奸惡。

8 יֵשֵׁב ׀ בְּמַאְרַב חֲצֵרִים בַּֽמִּסְתָּרִים יַהֲרֹג נָקִי עֵינָיו לְֽחֵלְכָה יִצְפֹּֽנוּ׃

他在村莊埋伏等候； 他在隱密處殺害無辜的人。 他的眼睛窺探無倚無靠的人；

9 יֶאֱרֹב בַּמִּסְתָּר ׀ כְּאַרְיֵה בְסֻכֹּה יֶאֱרֹב לַחֲטוֹף עָנִי יַחְטֹף עָנִי בְּמׇשְׁכוֹ בְרִשְׁתּֽוֹ׃

他埋伏在暗地，如獅子蹲在洞中。 他埋伏，要擄去困苦人； 他拉網，就把困苦人擄去。

10 (ודכה) [יִדְכֶּה] יָשֹׁחַ וְנָפַל בַּעֲצוּמָיו (חלכאים) [חֵל כָּאִֽים]׃

他屈身蹲伏， 無倚無靠的人就倒在他爪牙 之下。

11 אָמַר בְּלִבּוֹ שָׁכַֽח אֵל הִסְתִּיר פָּנָיו בַּל־רָאָה לָנֶֽצַח׃

他心裏說：上帝竟忘記了； 他掩面永不觀看。

12 קוּמָה יְהֹוָה אֵל נְשָׂא יָדֶךָ אַל־תִּשְׁכַּח (עניים) [עֲנָוִֽים]׃

耶和華啊，求你起來！ 上帝啊，求你舉手，不要忘記困苦人！

13 עַל־מֶה ׀ נִאֵץ רָשָׁע ׀ אֱלֹהִים אָמַר בְּלִבּוֹ לֹא תִדְרֹֽשׁ׃

惡人為何輕慢上帝， 心裏說：你必不追究？

14 רָאִתָה כִּי־אַתָּה ׀ עָמָל וָכַעַס ׀ תַּבִּיט לָתֵת בְּיָדֶךָ עָלֶיךָ יַעֲזֹב חֵלֵכָה יָתוֹם אַתָּה ׀ הָיִיתָ עוֹזֵֽר׃

其實你已經觀看； 因為奸惡毒害，你都看見了， 為要以手施行報應。 無倚無靠的人把自己交託你； 你向來是幫助孤兒的。

15 שְׁבֹר זְרוֹעַ רָשָׁע וָרָע תִּֽדְרוֹשׁ־רִשְׁעוֹ בַל־תִּמְצָֽא׃

願你打斷惡人的膀臂； 至於壞人，願你追究他的惡，直到淨盡。

16 יְהֹוָה מֶלֶךְ עוֹלָם וָעֶד אָבְדוּ גוֹיִם מֵאַרְצֽוֹ׃

耶和華永永遠遠為王； 外邦人從他的地已經滅絕了。

17 תַּאֲוַת עֲנָוִים שָׁמַעְתָּ יְהֹוָה תָּכִין לִבָּם תַּקְשִׁיב אׇזְנֶֽךָ׃

耶和華啊，謙卑人的心願， 你早已知道。 你必預備他們的心， 也必側耳聽他們的祈求，

18 לִשְׁפֹּט יָתוֹם וָדָךְ בַּל־יוֹסִיף עוֹד לַעֲרֹץ אֱנוֹשׁ מִן־הָאָֽרֶץ׃

為要給孤兒和受欺壓的人伸冤， 使強橫的人不再威嚇他們。