מִשְׁלֵי 21

1 פַּלְגֵי־מַיִם לֶב־מֶלֶךְ בְּיַד־יְהֹוָה עַֽל־כׇּל־אֲשֶׁר יַחְפֹּץ יַטֶּֽנּוּ׃

王的心在耶和華手中， 好像隴溝的水隨意流轉。

2 כׇּֽל־דֶּרֶךְ־אִישׁ יָשָׁר בְּעֵינָיו וְתֹכֵן לִבּוֹת יְהֹוָֽה׃

人所行的，在自己眼中都看為正； 惟有耶和華衡量人心。

3 עֲשֹׂה צְדָקָה וּמִשְׁפָּט נִבְחָר לַיהֹוָה מִזָּֽבַח׃

行仁義公平 比獻祭更蒙耶和華悅納。

4 רוּם־עֵינַיִם וּרְחַב־לֵב נִר רְשָׁעִים חַטָּֽאת׃

惡人發達，眼高心傲， 這乃是罪。

5 מַחְשְׁבוֹת חָרוּץ אַךְ־לְמוֹתָר וְכׇל־אָץ אַךְ־לְמַחְסֽוֹר׃

殷勤籌劃的，足致豐裕； 行事急躁的，都必缺乏。

6 פֹּעַל אֹצָרוֹת בִּלְשׁוֹן שָׁקֶר הֶבֶל נִדָּף מְבַקְשֵׁי־מָֽוֶת׃

用詭詐之舌求財的，就是自己取死； 所得之財乃是吹來吹去的浮雲。

7 שֹׁד־רְשָׁעִים יְגוֹרֵם כִּי מֵאֲנוּ לַעֲשׂוֹת מִשְׁפָּֽט׃

惡人的強暴必將自己掃除， 因他們不肯按公平行事。

8 הֲפַכְפַּךְ דֶּרֶךְ אִישׁ וָזָר וְזַךְ יָשָׁר פׇּעֳלֽוֹ׃

負罪之人的路甚是彎曲； 至於清潔的人，他所行的乃是正直。

9 טוֹב לָשֶׁבֶת עַל־פִּנַּת־גָּג מֵאֵשֶׁת מִדְיָנִים וּבֵית חָֽבֶר׃

寧可住在房頂的角上， 不在寬闊的房屋與爭吵的婦人同住。

10 נֶפֶשׁ רָשָׁע אִוְּתָה־רָע לֹֽא־יֻחַן בְּעֵינָיו רֵעֵֽהוּ׃

惡人的心樂人受禍； 他眼並不憐恤鄰舍。

11 בַּֽעֲנׇשׁ־לֵץ יֶחְכַּם־פֶּתִי וּבְהַשְׂכִּיל לְחָכָם יִקַּח־דָּֽעַת׃

褻慢的人受刑罰，愚蒙的人就得智慧； 智慧人受訓誨，便得知識。

12 מַשְׂכִּיל צַדִּיק לְבֵית רָשָׁע מְסַלֵּף רְשָׁעִים לָרָֽע׃

義人思想惡人的家， 知道惡人傾倒，必致滅亡。

13 אֹטֵם אׇזְנוֹ מִזַּעֲקַת־דָּל גַּֽם־הוּא יִקְרָא וְלֹא יֵעָנֶֽה׃

塞耳不聽窮人哀求的， 他將來呼籲也不蒙應允。

14 מַתָּן בַּסֵּתֶר יִכְפֶּה־אָף וְשֹׁחַד בַּחֵק חֵמָה עַזָּֽה׃

暗中送的禮物挽回怒氣； 懷中搋的賄賂止息暴怒。

15 שִׂמְחָה לַצַּדִּיק עֲשׂוֹת מִשְׁפָּט וּמְחִתָּה לְפֹעֲלֵי אָֽוֶן׃

秉公行義使義人喜樂， 使作孽的人敗壞。

16 אָדָם תּוֹעֶה מִדֶּרֶךְ הַשְׂכֵּל בִּקְהַל רְפָאִים יָנֽוּחַ׃

迷離通達道路的， 必住在陰魂的會中。

17 אִישׁ מַחְסוֹר אֹהֵב שִׂמְחָה אֹהֵב יַֽיִן־וָשֶׁמֶן לֹא יַעֲשִֽׁיר׃

愛宴樂的，必致窮乏； 好酒，愛膏油的，必不富足。

18 כֹּפֶר לַצַּדִּיק רָשָׁע וְתַחַת יְשָׁרִים בּוֹגֵֽד׃

惡人作了義人的贖價； 奸詐人代替正直人。

19 טוֹב שֶׁבֶת בְּאֶֽרֶץ־מִדְבָּר מֵאֵשֶׁת (מדונים) [מִדְיָנִים] וָכָֽעַס׃

寧可住在曠野， 不與爭吵使氣的婦人同住。

20 אוֹצָר ׀ נֶחְמָד וָשֶׁמֶן בִּנְוֵה חָכָם וּכְסִיל אָדָם יְבַלְּעֶֽנּוּ׃

智慧人家中積蓄寶物膏油； 愚昧人隨得來隨吞下。

21 רֹדֵף צְדָקָה וָחָסֶד יִמְצָא חַיִּים צְדָקָה וְכָבֽוֹד׃

追求公義仁慈的， 就尋得生命、公義，和尊榮。

22 עִיר גִּבֹּרִים עָלָה חָכָם וַיֹּרֶד עֹז מִבְטֶחָֽהֿ׃

智慧人爬上勇士的城牆， 傾覆他所倚靠的堅壘。

23 שֹׁמֵר פִּיו וּלְשׁוֹנוֹ שֹׁמֵר מִצָּרוֹת נַפְשֽׁוֹ׃

謹守口與舌的， 就保守自己免受災難。

24 זֵד יָהִיר לֵץ שְׁמוֹ עוֹשֶׂה בְּעֶבְרַת זָדֽוֹן׃

心驕氣傲的人名叫褻慢； 他行事狂妄，都出於驕傲。

25 תַּאֲוַת עָצֵל תְּמִיתֶנּוּ כִּֽי־מֵאֲנוּ יָדָיו לַעֲשֽׂוֹת׃

懶惰人的心願將他殺害， 因為他手不肯做工。

26 כׇּל־הַיּוֹם הִתְאַוָּה תַאֲוָה וְצַדִּיק יִתֵּן וְלֹא יַחְשֹֽׂךְ׃

有終日貪得無饜的； 義人施捨而不吝惜。

27 זֶבַח רְשָׁעִים תּוֹעֵבָה אַף כִּֽי־בְזִמָּה יְבִיאֶֽנּוּ׃

惡人的祭物是可憎的； 何況他存惡意來獻呢？

28 עֵד־כְּזָבִים יֹאבֵד וְאִישׁ שׁוֹמֵעַ לָנֶצַח יְדַבֵּֽר׃

作假見證的必滅亡； 惟有聽真情而言的，其言長存。

29 הֵעֵז אִישׁ רָשָׁע בְּפָנָיו וְיָשָׁר הוּא ׀ (יכין דרכיו) [יָבִין דַּרְכּֽוֹ]׃

惡人臉無羞恥； 正直人行事堅定。

30 אֵין חׇכְמָה וְאֵין תְּבוּנָה וְאֵין עֵצָה לְנֶגֶד יְהֹוָֽה׃

沒有人能以智慧、聰明、 謀略敵擋耶和華。

31 סוּס מוּכָן לְיוֹם מִלְחָמָה וְלַיהֹוָה הַתְּשׁוּעָֽה׃

馬是為打仗之日預備的； 得勝乃在乎耶和華。