מִשְׁלֵי 15

1 מַֽעֲנֶה־רַּךְ יָשִׁיב חֵמָה וּדְבַר־עֶצֶב יַעֲלֶה־אָֽף׃

柔かい答は憤りをとどめ、激しい言葉は怒りをひきおこす。

2 לְשׁוֹן חֲכָמִים תֵּיטִיב דָּעַת וּפִי כְסִילִים יַבִּיעַ אִוֶּֽלֶת׃

知恵ある者の舌は知識をわかち与え、愚かな者の口は愚かを吐き出す。

3 בְּֽכׇל־מָקוֹם עֵינֵי יְהֹוָה צֹפוֹת רָעִים וְטוֹבִֽים׃

主の目はどこにでもあって、悪人と善人とを見張っている。

4 מַרְפֵּא לָשׁוֹן עֵץ חַיִּים וְסֶלֶף בָּהּ שֶׁבֶר בְּרֽוּחַ׃

優しい舌は命の木である、乱暴な言葉は魂を傷つける。

5 אֱוִיל יִנְאַץ מוּסַר אָבִיו וְשֹׁמֵר תּוֹכַחַת יַעְרִֽים׃

愚かな者は父の教訓を軽んじる、戒めを守る者は賢い者である。

6 בֵּית צַדִּיק חֹסֶן רָב וּבִתְבוּאַת רָשָׁע נֶעְכָּֽרֶת׃

正しい者の家には多くの宝がある、悪しき者の所得には煩いがある。

7 שִׂפְתֵי חֲכָמִים יְזָרוּ דָעַת וְלֵב כְּסִילִים לֹא־כֵֽן׃

知恵ある者のくちびるは知識をひろめる、愚かな者の心はそうでない。

8 זֶבַח רְשָׁעִים תּוֹעֲבַת יְהֹוָה וּתְפִלַּת יְשָׁרִים רְצוֹנֽוֹ׃

悪しき者の供え物は主に憎まれ、正しい者の祈は彼に喜ばれる。

9 תּוֹעֲבַת יְהֹוָה דֶּרֶךְ רָשָׁע וּמְרַדֵּף צְדָקָה יֶאֱהָֽב׃

悪しき者の道は主に憎まれ、正義を求める者は彼に愛せられる。

10 מוּסָר רָע לְעֹזֵב אֹרַח שׂוֹנֵא תוֹכַחַת יָמֽוּת׃

道を捨てる者には、きびしい懲しめがあり、戒めを憎む者は死に至る。

11 שְׁאוֹל וַאֲבַדּוֹן נֶגֶד יְהֹוָה אַף כִּֽי־לִבּוֹת בְּֽנֵי־אָדָֽם׃ (Sheol h7585)

陰府と滅びとは主の目の前にあり、人の心はなおさらである。 (Sheol h7585)

12 לֹא יֶאֱהַב־לֵץ הוֹכֵחַֽ לוֹ אֶל־חֲכָמִים לֹא יֵלֵֽךְ׃

あざける者は戒められることを好まない、また知恵ある者に近づかない。

13 לֵב שָׂמֵחַ יֵיטִב פָּנִים וּבְעַצְּבַת־לֵב רוּחַ נְכֵאָֽה׃

心に楽しみがあれば顔色も喜ばしい、心に憂いがあれば気はふさぐ。

14 לֵב נָבוֹן יְבַקֶּשׁ־דָּעַת (ופני) [וּפִי] כְסִילִים יִרְעֶה אִוֶּֽלֶת׃

さとき者の心は知識をたずね、愚かな者の口は愚かさを食物とする。

15 כׇּל־יְמֵי עָנִי רָעִים וְטֽוֹב־לֵב מִשְׁתֶּה תָמִֽיד׃

悩んでいる者の日々はことごとくつらく、心の楽しい人は常に宴会をもつ。

16 טוֹב־מְעַט בְּיִרְאַת יְהֹוָה מֵאוֹצָר רָב וּמְהוּמָה בֽוֹ׃

少しの物を所有して主を恐れるのは、多くの宝をもって苦労するのにまさる。

17 טוֹב אֲרֻחַת יָרָק וְאַהֲבָה־שָׁם מִשּׁוֹר אָבוּס וְשִׂנְאָה־בֽוֹ׃

野菜を食べて互に愛するのは、肥えた牛を食べて互に憎むのにまさる。

18 אִישׁ חֵמָה יְגָרֶה מָדוֹן וְאֶרֶךְ אַפַּיִם יַשְׁקִיט רִֽיב׃

憤りやすい者は争いをおこし、怒りをおそくする者は争いをとどめる。

19 דֶּרֶךְ עָצֵל כִּמְשֻׂכַת חָדֶק וְאֹרַח יְשָׁרִים סְלֻלָֽה׃

なまけ者の道には、いばらがはえしげり、正しい者の道は平らかである。

20 בֵּן חָכָם יְשַׂמַּח־אָב וּכְסִיל אָדָם בּוֹזֶה אִמּֽוֹ׃

知恵ある子は父を喜ばせる、愚かな人はその母を軽んじる。

21 אִוֶּלֶת שִׂמְחָה לַחֲסַר־לֵב וְאִישׁ תְּבוּנָה יְיַשֶּׁר־לָֽכֶת׃

無知な者は愚かなことを喜び、さとき者はまっすぐに歩む。

22 הָפֵר מַחֲשָׁבוֹת בְּאֵין סוֹד וּבְרֹב יוֹעֲצִים תָּקֽוּם׃

相はかることがなければ、計画は破れる、はかる者が多ければ、それは必ず成る。

23 שִׂמְחָה לָאִישׁ בְּמַעֲנֵה־פִיו וְדָבָר בְּעִתּוֹ מַה־טּֽוֹב׃

人は口から出る好ましい答によって喜びを得る、時にかなった言葉は、いかにも良いものだ。

24 אֹרַח חַיִּים לְמַעְלָה לְמַשְׂכִּיל לְמַעַן סוּר מִשְּׁאוֹל מָֽטָּה׃ (Sheol h7585)

知恵ある人の道は上って命に至る、こうしてその人は下にある陰府を離れる。 (Sheol h7585)

25 בֵּית גֵּאִים יִסַּח ׀ יְהֹוָה וְיַצֵּב גְּבוּל אַלְמָנָֽה׃

主は高ぶる者の家を滅ぼし、やもめの地境を定められる。

26 תּוֹעֲבַת יְהֹוָה מַחְשְׁבוֹת רָע וּטְהֹרִים אִמְרֵי־נֹֽעַם׃

悪人の計りごとは主に憎まれ、潔白な人の言葉は彼に喜ばれる。

27 עֹכֵר בֵּיתוֹ בּוֹצֵעַ בָּצַע וְשׂוֹנֵא מַתָּנֹת יִחְיֶֽה׃

不正な利をむさぼる者はその家を煩らわせる、まいないを憎む者は生きながらえる。

28 לֵב צַדִּיק יֶהְגֶּה לַעֲנוֹת וּפִי רְשָׁעִים יַבִּיעַ רָעֽוֹת׃

正しい者の心は答えるべきことを考える、悪しき者の口は悪を吐き出す。

29 רָחוֹק יְהֹוָה מֵרְשָׁעִים וּתְפִלַּת צַדִּיקִים יִשְׁמָֽע׃

主は悪しき者に遠ざかり、正しい者の祈を聞かれる。

30 מְֽאוֹר־עֵינַיִם יְשַׂמַּֽח־לֵב שְׁמוּעָה טוֹבָה תְּדַשֶּׁן־עָֽצֶם׃

目の光は心を喜ばせ、よい知らせは骨を潤す。

31 אֹזֶן שֹׁמַעַת תּוֹכַחַת חַיִּים בְּקֶרֶב חֲכָמִים תָּלִֽין׃

ためになる戒めを聞く耳をもつ者は、知恵ある者の中にとどまる。

32 פּוֹרֵעַ מוּסָר מוֹאֵס נַפְשׁוֹ וְשׁוֹמֵעַ תּוֹכַחַת קוֹנֶה לֵּֽב׃

教訓を捨てる者はおのれの命を軽んじ、戒めを重んじる者は悟りを得る。

33 יִרְאַת יְהֹוָה מוּסַר חׇכְמָה וְלִפְנֵי כָבוֹד עֲנָוָֽה׃

主を恐れることは知恵の教訓である、謙遜は、栄誉に先だつ。