מִשְׁלֵי 14

1 חַכְמוֹת נָשִׁים בָּנְתָה בֵיתָהּ וְאִוֶּלֶת בְּיָדֶיהָ תֶהֶרְסֶֽנּוּ׃

知恵はその家を建て、愚かさは自分の手でそれをこわす。

2 הוֹלֵךְ בְּיׇשְׁרוֹ יְרֵא יְהֹוָה וּנְלוֹז דְּרָכָיו בּוֹזֵֽהוּ׃

まっすぐに歩む者は主を恐れる、曲って歩む者は主を侮る。

3 בְּֽפִי־אֱוִיל חֹטֶר גַּאֲוָה וְשִׂפְתֵי חֲכָמִים תִּשְׁמוּרֵֽם׃

愚かな者の言葉は自分の背にむちを当てる、知恵ある者のくちびるはその身を守る。

4 בְּאֵין אֲלָפִים אֵבוּס בָּר וְרׇב־תְּבוּאוֹת בְּכֹחַ שֽׁוֹר׃

牛がなければ穀物はない、牛の力によって農作物は多くなる。

5 עֵד אֱמוּנִים לֹא יְכַזֵּב וְיָפִיחַ כְּזָבִים עֵד שָֽׁקֶר׃

真実な証人はうそをいわない、偽りの証人はうそをつく。

6 בִּקֶּשׁ־לֵץ חׇכְמָה וָאָיִן וְדַעַת לְנָבוֹן נָקָֽל׃

あざける者は知恵を求めても得られない、さとき者は知識を得ることがたやすい。

7 לֵךְ מִנֶּגֶד לְאִישׁ כְּסִיל וּבַל־יָדַעְתָּ שִׂפְתֵי־דָֽעַת׃

愚かな者の前を離れ去れ、そこには知識の言葉がないからである。

8 חׇכְמַת עָרוּם הָבִין דַּרְכּוֹ וְאִוֶּלֶת כְּסִילִים מִרְמָֽה׃

さとき者の知恵は自分の道をわきまえることにあり、愚かな者の愚かは、欺くことにある。

9 אֱוִלִים יָלִיץ אָשָׁם וּבֵין יְשָׁרִים רָצֽוֹן׃

神は悪しき者をあざけられる、正しい者は、その恵みを受ける。

10 לֵב יוֹדֵעַ מָרַּת נַפְשׁוֹ וּבְשִׂמְחָתוֹ לֹא־יִתְעָרַב זָֽר׃

心の苦しみは心みずからが知る、その喜びには他人はあずからない。

11 בֵּית רְשָׁעִים יִשָּׁמֵד וְאֹהֶל יְשָׁרִים יַפְרִֽיחַ׃

悪しき者の家は滅ぼされ、正しい者の幕屋は栄える。

12 יֵשׁ דֶּרֶךְ יָשָׁר לִפְנֵי־אִישׁ וְאַחֲרִיתָהּ דַּרְכֵי־מָֽוֶת׃

人が見て自ら正しいとする道でも、その終りはついに死に至る道となるものがある。

13 גַּם־בִּשְׂחֹק יִכְאַב־לֵב וְאַחֲרִיתָהּ שִׂמְחָה תוּגָֽה׃

笑う時にも心に悲しみがあり、喜びのはてに憂いがある。

14 מִדְּרָכָיו יִשְׂבַּע סוּג לֵב וּמֵעָלָיו אִישׁ טֽוֹב׃

心のもとれる者はそのしわざの実を刈り取り、善良な人もまたその行いの実を刈り取る。

15 פֶּתִי יַאֲמִין לְכׇל־דָּבָר וְעָרוּם יָבִין לַאֲשֻׁרֽוֹ׃

思慮のない者はすべてのことを信じる、さとき者は自分の歩みを慎む。

16 חָכָם יָרֵא וְסָר מֵרָע וּכְסִיל מִתְעַבֵּר וּבוֹטֵֽחַ׃

知恵ある者は用心ぶかく、悪を離れる、愚かな者は高ぶって用心しない。

17 קְֽצַר־אַפַּיִם יַעֲשֶׂה אִוֶּלֶת וְאִישׁ מְזִמּוֹת יִשָּׂנֵֽא׃

怒りやすい者は愚かなことを行い、賢い者は忍耐強い。

18 נָחֲלוּ פְתָאיִם אִוֶּלֶת וַעֲרוּמִים יַכְתִּרוּ דָֽעַת׃

思慮のない者は愚かなことを自分のものとする、さとき者は知識をもって冠とする。

19 שַׁחוּ רָעִים לִפְנֵי טוֹבִים וּרְשָׁעִים עַֽל־שַׁעֲרֵי צַדִּֽיק׃

悪人は善人の前にひれ伏し、悪しき者は正しい者の門にひれ伏す。

20 גַּם־לְרֵעֵהוּ יִשָּׂנֵא רָשׁ וְאֹהֲבֵי עָשִׁיר רַבִּֽים׃

貧しい者はその隣にさえも憎まれる、しかし富める者は多くの友をもつ。

21 בׇּז־לְרֵעֵהוּ חוֹטֵא וּמְחוֹנֵן (עניים) [עֲנָוִים] אַשְׁרָֽיו׃

隣り人を卑しめる者は罪びとである、貧しい人をあわれむ者はさいわいである。

22 הֲֽלוֹא־יִתְעוּ חֹרְשֵׁי רָע וְחֶסֶד וֶאֱמֶת חֹרְשֵׁי טֽוֹב׃

悪を計る者はおのれを誤るではないか、善を計る者にはいつくしみと、まこととがある。

23 בְּכׇל־עֶצֶב יִהְיֶה מוֹתָר וּדְבַר־שְׂפָתַיִם אַךְ־לְמַחְסֽוֹר׃

すべての勤労には利益がある、しかし口先だけの言葉は貧乏をきたらせるだけだ。

24 עֲטֶרֶת חֲכָמִים עׇשְׁרָם אִוֶּלֶת כְּסִילִים אִוֶּֽלֶת׃

知恵ある者の冠はその知恵である、愚かな者の花の冠はただ愚かさである。

25 מַצִּיל נְפָשׁוֹת עֵד אֱמֶת וְיָפִחַ כְּזָבִים מִרְמָֽה׃

まことの証人は人の命を救う、偽りを吐く者は裏切者である。

26 בְּיִרְאַת יְהֹוָה מִבְטַח־עֹז וּלְבָנָיו יִהְיֶה מַחְסֶֽה׃

主を恐れることによって人は安心を得、その子らはのがれ場を得る。

27 יִרְאַת יְהֹוָה מְקוֹר חַיִּים לָסוּר מִמֹּקְשֵׁי מָֽוֶת׃

主を恐れることは命の泉である、人を死のわなからのがれさせる。

28 בְּרׇב־עָם הַדְרַת־מֶלֶךְ וּבְאֶפֶס לְאֹם מְחִתַּת רָזֽוֹן׃

王の栄えは民の多いことにあり、君の滅びは民を失うことにある。

29 אֶרֶךְ אַפַּיִם רַב־תְּבוּנָה וּקְצַר־רוּחַ מֵרִים אִוֶּֽלֶת׃

怒りをおそくする者は大いなる悟りがあり、気の短い者は愚かさをあらわす。

30 חַיֵּי בְשָׂרִים לֵב מַרְפֵּא וּרְקַב עֲצָמוֹת קִנְאָֽה׃

穏やかな心は身の命である、しかし興奮は骨を腐らせる。

31 עֹשֵֽׁק דָּל חֵרֵף עֹשֵׂהוּ וּמְכַבְּדוֹ חֹנֵן אֶבְיֽוֹן׃

貧しい者をしえたげる者はその造り主を侮る、乏しい者をあわれむ者は、主をうやまう。

32 בְּֽרָעָתוֹ יִדָּחֶה רָשָׁע וְחֹסֶה בְמוֹתוֹ צַדִּֽיק׃

悪しき者はその悪しき行いによって滅ぼされ、正しい者はその正しきによって、のがれ場を得る。

33 בְּלֵב נָבוֹן תָּנוּחַ חׇכְמָה וּבְקֶרֶב כְּסִילִים תִּוָּדֵֽעַ׃

知恵はさとき者の心にとどまり、愚かな者の心に知られない。

34 צְדָקָה תְרוֹמֵֽם־גּוֹי וְחֶסֶד לְאֻמִּים חַטָּֽאת׃

正義は国を高くし、罪は民をはずかしめる。

35 רְֽצוֹן־מֶלֶךְ לְעֶבֶד מַשְׂכִּיל וְעֶבְרָתוֹ תִּהְיֶה מֵבִֽישׁ׃

賢いしもべは王の恵みをうけ、恥をきたらす者はその怒りにあう。