מִשְׁלֵי 11

1 מֹאזְנֵי מִרְמָה תּוֹעֲבַת יְהֹוָה וְאֶבֶן שְׁלֵמָה רְצוֹנֽוֹ׃

偽りのはかりは主に憎まれ、正しいふんどうは彼に喜ばれる。

2 בָּֽא־זָדוֹן וַיָּבֹא קָלוֹן וְֽאֶת־צְנוּעִים חׇכְמָֽה׃

高ぶりが来れば、恥もまた来る、へりくだる者には知恵がある。

3 תֻּמַּת יְשָׁרִים תַּנְחֵם וְסֶלֶף בֹּגְדִים (ושדם) [יְשָׁדֵּֽם]׃

正しい者の誠実はその人を導き、不信実な者のよこしまはその人を滅ぼす。

4 לֹא־יוֹעִיל הוֹן בְּיוֹם עֶבְרָה וּצְדָקָה תַּצִּיל מִמָּֽוֶת׃

宝は怒りの日に益なく、正義は人を救い出して、死を免れさせる。

5 צִדְקַת תָּמִים תְּיַשֵּׁר דַּרְכּוֹ וּבְרִשְׁעָתוֹ יִפֹּל רָשָֽׁע׃

誠実な者は、その正義によって、その道をまっすぐにせられ、悪しき者は、その悪によって倒れる。

6 צִדְקַת יְשָׁרִים תַּצִּילֵם וּבְהַוַּת בֹּגְדִים יִלָּכֵֽדוּ׃

正しい者はその正義によって救われ、不信実な者は自分の欲によって捕えられる。

7 בְּמוֹת אָדָם רָשָׁע תֹּאבַד תִּקְוָה וְתוֹחֶלֶת אוֹנִים אָבָֽדָה׃

悪しき者は死ぬとき、その望みは絶え、不信心な者の望みもまた絶える。

8 צַדִּיק מִצָּרָה נֶחֱלָץ וַיָּבֹא רָשָׁע תַּחְתָּֽיו׃

正しい者は、悩みから救われ、悪しき者は代ってそれに陥る。

9 בְּפֶה חָנֵף יַשְׁחִת רֵעֵהוּ וּבְדַעַת צַדִּיקִים יֵחָלֵֽצוּ׃

不信心な者はその口をもって隣り人を滅ぼす、正しい者は知識によって救われる。

10 בְּטוּב צַדִּיקִים תַּעֲלֹץ קִרְיָה וּבַאֲבֹד רְשָׁעִים רִנָּֽה׃

正しい者が、しあわせになれば、その町は喜び、悪しき者が滅びると、喜びの声がおこる。

11 בְּבִרְכַּת יְשָׁרִים תָּרוּם קָרֶת וּבְפִי רְשָׁעִים תֵּהָרֵֽס׃

町は正しい者の祝福によって、高くあげられ、悪しき者の口によって、滅ぼされる。

12 בׇּז־לְרֵעֵהוּ חֲסַר־לֵב וְאִישׁ תְּבוּנוֹת יַחֲרִֽישׁ׃

隣り人を侮る者は知恵がない、さとき人は口をつぐむ。

13 הוֹלֵךְ רָכִיל מְגַלֶּה־סּוֹד וְנֶאֱמַן־רוּחַ מְכַסֶּה דָבָֽר׃

人のよしあしを言いあるく者は秘密をもらす、心の忠信なる者は事を隠す。

14 בְּאֵין תַּחְבֻּלוֹת יִפׇּל־עָם וּתְשׁוּעָה בְּרֹב יוֹעֵֽץ׃

指導者がなければ民は倒れ、助言者が多ければ安全である。

15 רַע־יֵרוֹעַ כִּי־עָרַב זָר וְשֹׂנֵא תֹקְעִים בּוֹטֵֽחַ׃

他人のために保証をする者は苦しみをうけ、保証をきらう者は安全である。

16 אֵֽשֶׁת־חֵן תִּתְמֹךְ כָּבוֹד וְעָרִיצִים יִתְמְכוּ־עֹֽשֶׁר׃

しとやかな女は、誉を得、強暴な男は富を得る。

17 גֹּמֵל נַפְשׁוֹ אִישׁ חָסֶד וְעֹכֵר שְׁאֵרוֹ אַכְזָרִֽי׃

いつくしみある者はおのれ自身に益を得、残忍な者はおのれの身をそこなう。

18 רָשָׁע עֹשֶׂה פְעֻלַּת־שָׁקֶר וְזֹרֵעַ צְדָקָה שֶׂכֶר אֱמֶֽת׃

悪しき者の得る報いはむなしく、正義を播く者は確かな報いを得る。

19 כֵּן־צְדָקָה לְחַיִּים וּמְרַדֵּף רָעָה לְמוֹתֽוֹ׃

正義を堅く保つ者は命に至り、悪を追い求める者は死を招く。

20 תּוֹעֲבַת יְהֹוָה עִקְּשֵׁי־לֵב וּרְצוֹנוֹ תְּמִימֵי דָֽרֶךְ׃

心のねじけた者は主に憎まれ、まっすぐに道を歩む者は彼に喜ばれる。

21 יָד לְיָד לֹא־יִנָּקֶה רָּע וְזֶרַע צַדִּיקִים נִמְלָֽט׃

確かに、悪人は罰を免れない、しかし正しい人は救を得る。

22 נֶזֶם זָהָב בְּאַף חֲזִיר אִשָּׁה יָפָה וְסָרַת טָֽעַם׃

美しい女の慎みがないのは、金の輪の、ぶたの鼻にあるようだ。

23 תַּאֲוַת צַדִּיקִים אַךְ־טוֹב תִּקְוַת רְשָׁעִים עֶבְרָֽה׃

正しい者の願いは、すべて良い結果を得、悪しき者の望みは怒りに至る。

24 יֵשׁ מְפַזֵּר וְנוֹסָף עוֹד וְחֹשֵׂךְ מִיֹּשֶׁר אַךְ־לְמַחְסֽוֹר׃

施し散らして、なお富を増す人があり、与えるべきものを惜しんで、かえって貧しくなる者がある。

25 נֶֽפֶשׁ־בְּרָכָה תְדֻשָּׁן וּמַרְוֶה גַּם־הוּא יוֹרֶֽא׃

物惜しみしない者は富み、人を潤す者は自分も潤される。

26 מֹנֵֽעַ בָּר יִקְּבֻהוּ לְאוֹם וּבְרָכָה לְרֹאשׁ מַשְׁבִּֽיר׃

穀物を、しまい込んで売らない者は民にのろわれる、それを売る者のこうべには祝福がある。

27 שֹׁחֵֽר טוֹב יְבַקֵּשׁ רָצוֹן וְדֹרֵשׁ רָעָה תְבוֹאֶֽנּוּ׃

善を求める者は恵みを得る、悪を求める者には悪が来る。

28 בּוֹטֵחַ בְּעׇשְׁרוֹ הוּא יִפּוֹל וְכֶעָלֶה צַדִּיקִים יִפְרָֽחוּ׃

自分の富を頼む者は衰える、正しい者は木の青葉のように栄える。

29 עֹכֵר בֵּיתוֹ יִנְחַל־רוּחַ וְעֶבֶד אֱוִיל לַֽחֲכַם־לֵֽב׃

自分の家族を苦しめる者は風を所有とする、愚かな者は心のさとき者のしもべとなる。

30 פְּֽרִי־צַדִּיק עֵץ חַיִּים וְלֹקֵחַ נְפָשׁוֹת חָכָֽם׃

正しい者の結ぶ実は命の木である、不法な者は人の命をとる。

31 הֵן צַדִּיק בָּאָרֶץ יְשֻׁלָּם אַף כִּֽי־רָשָׁע וְחוֹטֵֽא׃

もし正しい者がこの世で罰せられるならば、悪しき者と罪びととは、なおさらである。