מיכה 6

1 שִׁמְעוּ־נָא אֵת אֲשֶׁר־יְהֹוָה אֹמֵר קוּם רִיב אֶת־הֶהָרִים וְתִשְׁמַעְנָה הַגְּבָעוֹת קוֹלֶֽךָ׃

以色列人哪，当听耶和华的话！ 要起来向山岭争辩， 使冈陵听你的话。

2 שִׁמְעוּ הָרִים אֶת־רִיב יְהֹוָה וְהָאֵתָנִים מוֹסְדֵי אָרֶץ כִּי רִיב לַֽיהֹוָה עִם־עַמּוֹ וְעִם־יִשְׂרָאֵל יִתְוַכָּֽח׃

山岭和地永久的根基啊， 要听耶和华争辩的话！ 因为耶和华要与他的百姓争辩， 与以色列争论。

3 עַמִּי מֶה־עָשִׂיתִי לְךָ וּמָה הֶלְאֵתִיךָ עֲנֵה בִֽי׃

我的百姓啊，我向你做了什么呢？ 我在什么事上使你厌烦？ 你可以对我证明。

4 כִּי הֶעֱלִתִיךָ מֵאֶרֶץ מִצְרַיִם וּמִבֵּית עֲבָדִים פְּדִיתִיךָ וָאֶשְׁלַח לְפָנֶיךָ אֶת־מֹשֶׁה אַהֲרֹן וּמִרְיָֽם׃

我曾将你从埃及地领出来， 从作奴仆之家救赎你； 我也差遣摩西、亚伦，和米利暗在你前面行。

5 עַמִּי זְכׇר־נָא מַה־יָּעַץ בָּלָק מֶלֶךְ מוֹאָב וּמֶה־עָנָה אֹתוֹ בִּלְעָם בֶּן־בְּעוֹר מִן־הַשִּׁטִּים עַד־הַגִּלְגָּל לְמַעַן דַּעַת צִדְקוֹת יְהֹוָֽה׃

我的百姓啊，你们当追念摩押王巴勒所设的谋 和比珥的儿子巴兰回答他的话， 并你们从什亭到吉甲所遇见的事， 好使你们知道耶和华公义的作为。

6 בַּמָּה אֲקַדֵּם יְהֹוָה אִכַּף לֵאלֹהֵי מָרוֹם הַאֲקַדְּמֶנּוּ בְעוֹלוֹת בַּעֲגָלִים בְּנֵי שָׁנָֽה׃

我朝见耶和华， 在至高 神面前跪拜，当献上什么呢？ 岂可献一岁的牛犊为燔祭吗？

7 הֲיִרְצֶה יְהֹוָה בְּאַלְפֵי אֵילִים בְּרִֽבְבוֹת נַחֲלֵי־שָׁמֶן הַאֶתֵּן בְּכוֹרִי פִּשְׁעִי פְּרִי בִטְנִי חַטַּאת נַפְשִֽׁי׃

耶和华岂喜悦千千的公羊， 或是万万的油河吗？ 我岂可为自己的罪过献我的长子吗？ 为心中的罪恶献我身所生的吗？

8 הִגִּיד לְךָ אָדָם מַה־טּוֹב וּמָֽה־יְהֹוָה דּוֹרֵשׁ מִמְּךָ כִּי אִם־עֲשׂוֹת מִשְׁפָּט וְאַהֲבַת חֶסֶד וְהַצְנֵעַ לֶכֶת עִם־אֱלֹהֶֽיךָ׃

世人哪，耶和华已指示你何为善。 他向你所要的是什么呢？ 只要你行公义，好怜悯， 存谦卑的心，与你的 神同行。

9 קוֹל יְהֹוָה לָעִיר יִקְרָא וְתוּשִׁיָּה יִרְאֶה שְׁמֶךָ שִׁמְעוּ מַטֶּה וּמִי יְעָדָֽהּ׃

耶和华向这城呼叫， 智慧人必敬畏他的名。 你们当听是谁派定刑杖的惩罚。

10 עוֹד הַאִשׁ בֵּית רָשָׁע אֹצְרוֹת רֶשַׁע וְאֵיפַת רָזוֹן זְעוּמָֽה׃

恶人家中不仍有非义之财 和可恶的小升斗吗？

11 הַאֶזְכֶּה בְּמֹאזְנֵי רֶשַׁע וּבְכִיס אַבְנֵי מִרְמָֽה׃

我若用不公道的天平和囊中诡诈的法码， 岂可算为清洁呢？

12 אֲשֶׁר עֲשִׁירֶיהָ מָלְאוּ חָמָס וְיֹשְׁבֶיהָ דִּבְּרוּ־שָׁקֶר וּלְשׁוֹנָם רְמִיָּה בְּפִיהֶֽם׃

城里的富户满行强暴； 其中的居民也说谎言， 口中的舌头是诡诈的。

13 וְגַם־אֲנִי הֶֽחֱלֵיתִי הַכּוֹתֶךָ הַשְׁמֵם עַל־חַטֹּאתֶֽךָ׃

因此，我击打你， 使你的伤痕甚重， 使你因你的罪恶荒凉。

14 אַתָּה תֹאכַל וְלֹא תִשְׂבָּע וְיֶשְׁחֲךָ בְּקִרְבֶּךָ וְתַסֵּג וְלֹא תַפְלִיט וַאֲשֶׁר תְּפַלֵּט לַחֶרֶב אֶתֵּֽן׃

你要吃，却吃不饱； 你的虚弱必显在你中间。 你必挪去，却不得救护； 所救护的，我必交给刀剑。

15 אַתָּה תִזְרַע וְלֹא תִקְצוֹר אַתָּה תִדְרֹֽךְ־זַיִת וְלֹא־תָסוּךְ שֶׁמֶן וְתִירוֹשׁ וְלֹא תִשְׁתֶּה־יָּֽיִן׃

你必撒种，却不得收割； 踹橄榄，却不得油抹身； 踹葡萄，却不得酒喝。

16 וְיִשְׁתַּמֵּר חֻקּוֹת עׇמְרִי וְכֹל מַעֲשֵׂה בֵית־אַחְאָב וַתֵּלְכוּ בְּמֹעֲצוֹתָם לְמַעַן תִּתִּי אֹתְךָ לְשַׁמָּה וְיֹשְׁבֶיהָ לִשְׁרֵקָה וְחֶרְפַּת עַמִּי תִּשָּֽׂאוּ׃

因为你守暗利的恶规， 行亚哈家一切所行的， 顺从他们的计谋； 因此，我必使你荒凉， 使你的居民令人嗤笑， 你们也必担当我民的羞辱。