תהילים 99

1 יהוה מלך ירגזו עמים ישב כרובים תנוט הארץ

Yehova akulamulira, mitundu ya anthu injenjemere; Iye wakhala pa mpando wake waufumu, pakati pa akerubi, dziko lapansi ligwedezeke.

2 יהוה בציון גדול ורם הוא על-כל-העמים

Mʼziyoni wamkulu ndi Yehova; Iye ndi wokwezeka pamwamba pa mitundu yonse ya anthu.

3 יודו שמך גדול ונורא קדוש הוא

Anthu atamande dzina lanu lalikulu ndi loopsa kwambiri, Iye ndi woyera.

4 ועז מלך משפט אהב אתה כוננת מישרים משפט וצדקה ביעקב אתה עשית

Mfumu yamphamvu, iyo imakonda chilungamo Inu mwakhazikitsa khalidwe losakondera; mwachita zolungama ndi zoyenera mwa Yakobo.

5 רוממו יהוה אלהינו והשתחוו להדם רגליו קדוש הוא

Kwezani Yehova Mulungu wathu ndipo mulambireni pa mapazi ake; Iye ndi woyera.

6 משה ואהרן בכהניו ושמואל בקראי שמו קראים אל-יהוה והוא יענם

Mose ndi Aaroni anali ena mwa ansembe ake, Samueli anali pamodzi ndi iwo amene anayitana pa dzina lake; iwo anayitana Yehova ndipo Iyeyo anawayankha.

7 בעמוד ענן ידבר אליהם שמרו עדתיו וחק נתן-למו

Iye anayankhula nawo kuchokera mʼchipilala cha mtambo; iwo anasunga malamulo ake ndi zophunzitsa zomwe anawapatsa.

8 יהוה אלהינו אתה עניתם אל נשא היית להם ונקם על-עלילותם

Inu Yehova Mulungu wathu, munawayankha iwo; Inu kwa Israeli munali Mulungu wokhululuka, ngakhale munawalanga pa zochita zawo zoyipa.

9 רוממו יהוה אלהינו והשתחוו להר קדשו כי-קדוש יהוה אלהינו

Kwezani Yehova Mulungu wathu ndipo mumulambire pa phiri lake loyera, pakuti Yehova Mulungu wathu ndi woyera.