תהילים 97

1 יהוה מלך תגל הארץ ישמחו איים רבים

Jehova nĩarathamaka, thĩ nĩĩgĩkene; mabũrũri marĩa marĩ ndwere-inĩ cia iria nĩmacanjamũke.

2 ענן וערפל סביביו צדק ומשפט מכון כסאו

Athiũrũrũkĩirio nĩ matu na nduma ndumanu; ũthingu na kĩhooto nĩcio mũthingi wa gĩtĩ gĩake kĩa ũnene.

3 אש לפניו תלך ותלהט סביב צריו

Mwaki ũmũthiiaga mbere ũgĩcinaga thũ ciake na mĩena yothe.

4 האירו ברקיו תבל ראתה ותחל הארץ

Heni ciake imũrĩkaga thĩ yothe; thĩ ĩcionaga ĩkainaina.

5 הרים--כדונג נמסו מלפני יהוה מלפני אדון כל-הארץ

Irĩma itwekaga o ta mũhũra mbere ya Jehova, igatweka irĩ mbere ya Mwathani wa thĩ yothe.

6 הגידו השמים צדקו וראו כל-העמים כבודו

Igũrũ rĩanagĩrĩra ũthingu wake, nao andũ othe makoona riiri wake.

7 יבשו כל-עבדי פסל-- המתהללים באלילים השתחוו-לו כל-אלהים

Andũ arĩa othe mahooyaga mĩhianano mĩicũhie nĩmaconorithagio, acio meerahaga na mĩhianano: inyuĩ ngai ici, mũinamĩrĩrei mũmũhooe.

8 שמעה ותשמח ציון ותגלנה בנות יהודה-- למען משפטיך יהוה

Zayuni ĩiguaga ũguo ĩgakena, namo matũũra ma Juda magacanjamũka, tondũ wa matuĩro maku ma ciira, Wee Jehova.

9 כי-אתה יהוה עליון על-כל-הארץ מאד נעלית על-כל-אלהים

Nĩgũkorwo Wee Jehova, nĩwe Ũrĩa-Ũrĩ-Igũrũ-Mũno wa thĩ yothe; wee nĩũtũũgĩrĩtio mũno igũrũ rĩa ngai ciothe.

10 אהבי יהוה שנאו-רע שמר נפשות חסידיו מיד רשעים יצילם

Arĩa endi Jehova nĩmathũũre ũũru, nĩgũkorwo nĩagitagĩra mĩoyo ya arĩa ake ehokeku, na akamateithũra kuuma moko-inĩ ma arĩa aaganu.

11 אור זרע לצדיק ולישרי-לב שמחה

Ũtheri nĩwarĩire arĩa athingu na arĩa arũngĩrĩru ngoro makaiyũrwo nĩ gĩkeno.

12 שמחו צדיקים ביהוה והודו לזכר קדשו

Kenerai Jehova, inyuĩ arĩa athingu, mũkĩgooce rĩĩtwa rĩake rĩamũre.