תהילים 95

1 לכו נרננה ליהוה נריעה לצור ישענו

Hungun, Yahweh Pakai vahchoiyu te! Eihuhdoh uva Elohim Pathen ah kipah tah'in vahchoila sau te!

2 נקדמה פניו בתודה בזמרות נריע לו

Thangvah pum in a angsung jon u hite. Avahchoina la sau te.

3 כי אל גדול יהוה ומלך גדול על-כל-אלהים

Ajeh chu Yahweh Pakai chu loupitah Pathen Elohim ahin, pathen dang chung a leng loupi ahi.

4 אשר בידו מחקרי-ארץ ותועפת הרים לו

Mollen penle leiset laigil athuhlai abon'a Aman akhut a atuhchah ahi.

5 אשר-לו הים והוא עשהו ויבשת ידיו יצרו

Twikhanglen hi Ama a ahi, ajeh chu Ama sem ahi. Ama khut in leigo jonghi asem ahi.

6 באו נשתחוה ונכרעה נברכה לפני-יהוה עשנו

Hungun, eisempau Yahweh Pakai angsungah dilsu-u hitin ama hou u te,

7 כי הוא אלהינו-- ואנחנו עם מרעיתו וצאן ידו היום אם-בקלו תשמעו

ajeh chu Ama iPathen'u ahin, eihohi aman achinjing amite ihiuvin akaihoijing akelngoihon ihiuve.

8 אל-תקשו לבבכם כמריבה כיום מסה במדבר

Yahweh Pakai in asei e, “Israelten gamthipnoi masah a abol bangu leh Meribah a alungtah bang bangun nalung tahsah hih'un.

9 אשר נסוני אבותיכם בחנוני גם-ראו פעלי

Ajeh chu hilai munna chun napu napateuvin kathilbol ho chengse hi amu uvin chule eipatep'un ahi.

10 ארבעים שנה אקוט בדור-- ואמר עם תעי לבב הם והם לא-ידעו דרכי

Kum somli sunga hin keima achung uva kana lunghang'in chuleh Keiman kasei in ahi, ‘amahohi keija kon a kinung heidoh mipi chu ahiuvin, keiman kasei dungjui a chon nomlou ahiuve.’

11 אשר-נשבעתי באפי אם-יבאון אל-מנוחתי

Hijeh chun kalunghan jehin kana kihahsel'in: ‘amahohi kachol ngahna munna hunglut theilou heldiu ahi!’”