תהילים 92

1 מזמור שיר ליום השבת ב טוב להדות ליהוה ולזמר לשמך עליון

Nĩ wega mũno gũcookagĩria Jehova ngaatho o na gũkumagia rĩĩtwa rĩaku na rwĩmbo, Wee Ũrĩa-ũrĩ-Igũrũ-Mũno,

2 להגיד בבקר חסדך ואמונתך בלילות

nĩ wega mũno kwanagĩrĩra wendo waku o rũciinĩ, o na kwanĩrĩra wĩhokeku waku ũtukũ,

3 עלי-עשור ועלי-נבל עלי הגיון בכנור

tũkĩinagia kĩnanda gĩa kĩnũbi kĩa ndigi ikũmi, o hamwe na kĩnanda kĩa mũgeeto kĩrĩa kĩgambi wega.

4 כי שמחתני יהוה בפעלך במעשי ידיך ארנן

Nĩgũkorwo, Wee Jehova, nĩũngenetie nĩ ũndũ wa ciĩko ciaku; nĩngũina ngenete nĩ ũndũ wa wĩra wa moko maku.

5 מה-גדלו מעשיך יהוה מאד עמקו מחשבתיך

Ĩĩ mawĩra maku matikĩrĩ manene, Wee Jehova, meciiria maku-rĩ, matikĩrĩ marikĩru!

6 איש-בער לא ידע וכסיל לא-יבין את-זאת

Mũndũ ũrĩa ũtarĩ ũũgĩ ndangĩmamenya, mũndũ mũkĩĩgu ndangĩkũũrana ũndũ ũyũ,

7 בפרח רשעים כמו עשב ויציצו כל-פעלי און להשמדם עדי-עד

atĩ o na arĩa aaganu mangĩkũra ta nyeki, o na arĩa othe mekaga ũũru mangĩgaacĩra, makaaniinwo nginya tene na tene.

8 ואתה מרום-- לעלם יהוה

No Wee Jehova, ũtũũraga ũtũũgĩrĩtio nginya tene.

9 כי הנה איביך יהוה-- כי-הנה איביך יאבדו יתפרדו כל-פעלי און

Nĩgũkorwo thũ ciaku, Wee Jehova, ti-itherũ thũ ciaku nĩigathira; arĩa othe mekaga ũũru nĩmakaharaganio.

10 ותרם כראים קרני בלתי בשמן רענן

Wee nĩwambararĩtie rũhĩa rwakwa o ta rwa mbogo; ndĩĩmũitĩrĩrie maguta marĩa mega mũno.

11 ותבט עיני בשורי בקמים עלי מרעים-- תשמענה אזני

Maitho makwa nĩmeyoneire gũtoorio gwa thũ ciakwa; matũ makwa nĩmeiguĩrĩire ũrĩa thũ ciakwa icio njaganu itooretio.

12 צדיק כתמר יפרח כארז בלבנון ישגה

Andũ arĩa athingu marĩtheeremaga o ta mũtĩ wa mũkĩndũ, makũre o ta mũtarakwa wa Lebanoni;

13 שתולים בבית יהוה בחצרות אלהינו יפריחו

mahaandĩtwo kũu nyũmba-inĩ ya Jehova, marĩtheeremaga kũu nja-inĩ cia Ngai witũ.

14 עוד ינובון בשיבה דשנים ורעננים יהיו

Magatũũra maciaraga maciaro o na marĩ akũrũ, matũũre marĩ na hinya wa wĩthĩ wao, na marĩ aruru,

15 להגיד כי-ישר יהוה צורי ולא-עלתה (עולתה) בו

maanagĩrĩre, makiugaga atĩrĩ, “Jehova nĩ mũrũngĩrĩru; we nĩwe Rwaro rwakwa rwa Ihiga, na gũtirĩ waganu ũngĩoneka thĩinĩ wake.”