תהילים 91

1 ישב בסתר עליון בצל שדי יתלונן

Kiu loĝas sub la ŝirmo de la Plejaltulo, Tiu ripozas en la ombro de la Plejpotenculo.

2 אמר--ליהוה מחסי ומצודתי אלהי אבטח-בו

Mi diras al la Eternulo: Mia rifuĝejo kaj mia fortikaĵo Estas Dio, kiun mi fidas.

3 כי הוא יצילך מפח יקוש מדבר הוות

Ĉar Li savos vin de la reto de kaptisto, De la pereiga pesto.

4 באברתו יסך לך--ותחת-כנפיו תחסה צנה וסחרה אמתו

Per Siaj plumoj Li ŝirmos vin, Kaj sub Liaj flugiloj vi rifuĝos; Lia fideleco estas ŝildo kaj kiraso.

5 לא-תירא מפחד לילה מחץ יעוף יומם

Ne timu la teruron de nokto, Nek sagon, kiu flugas tage,

6 מדבר באפל יהלך מקטב ישוד צהרים

Nek peston, kiu iras en mallumo, Nek epidemion, kiu ekstermas tagmeze.

7 יפל מצדך אלף--ורבבה מימינך אליך לא יגש

Ĉe via flanko falos milo, Kaj dek miloj ĉe via dekstra flanko; Sed vin ĝi ne tuŝos.

8 רק בעיניך תביט ושלמת רשעים תראה

Vi nur rigardos per viaj okuloj, Kaj vi vidos la redonon al la malvirtuloj.

9 כי-אתה יהוה מחסי עליון שמת מעונך

Ĉar Vi, ho Eternulo, estas mia defendo! La Plejaltulon vi elektis kiel vian rifuĝejon.

10 לא-תאנה אליך רעה ונגע לא-יקרב באהלך

Ne trafos vin malbono, Kaj frapo ne atingos vian tendon.

11 כי מלאכיו יצוה-לך לשמרך בכל-דרכיך

Ĉar al Siaj anĝeloj Li ordonis pri vi, Ke ili vin gardu sur ĉiuj viaj vojoj.

12 על-כפים ישאונך פן-תגף באבן רגלך

Sur la manoj ili vin portos, Por ke vi ne falpuŝiĝu sur ŝtono per via piedo.

13 על-שחל ופתן תדרך תרמס כפיר ותנין

Sur leonon kaj aspidon vi paŝos, Vi piedpremos leonidon kaj drakon.

14 כי בי חשק ואפלטהו אשגבהו כי-ידע שמי

Ĉar li ekamis Min, tial Mi lin savos; Mi defendos lin, ĉar li konas Mian nomon.

15 יקראני ואענהו--עמו-אנכי בצרה אחלצהו ואכבדהו

Li vokos Min, kaj Mi lin aŭskultos; Mi estos kun li en mizero; Mi lin liberigos kaj honoratigos.

16 ארך ימים אשביעהו ואראהו בישועתי

Mi satigos lin per longa vivo, Kaj aperigos al li Mian helpon.