תהילים 88
| שיר מזמור לבני-קרח למנצח על-מחלת לענות משכיל להימן האזרחי ב יהוה אלהי ישועתי-- יום-צעקתי בלילה נגדך | 1 |
| תבוא לפניך תפלתי הטה אזנך לרנתי | 2 |
| כי-שבעה ברעות נפשי וחיי לשאול הגיעו (Sheol h7585) | 3 |
| נחשבתי עם-יורדי בור הייתי כגבר אין-איל | 4 |
| במתים חפשי כמו חללים שכבי קבר-- אשר לא זכרתם עוד והמה מידך נגזרו | 5 |
| שתני בבור תחתיות במחשכים במצלות | 6 |
| עלי סמכה חמתך וכל-משבריך ענית סלה | 7 |
| הרחקת מידעי ממני שתני תועבות למו כלא ולא אצא | 8 |
| עיני דאבה מני-עני קראתיך יהוה בכל-יום שטחתי אליך כפי | 9 |
| הלמתים תעשה-פלא אם-רפאים יקומו יודוך סלה | 10 |
| היספר בקבר חסדך אמונתך באבדון | 11 |
| היודע בחשך פלאך וצדקתך בארץ נשיה | 12 |
| ואני אליך יהוה שועתי ובבקר תפלתי תקדמך | 13 |
| למה יהוה תזנח נפשי תסתיר פניך ממני | 14 |
| עני אני וגוע מנער נשאתי אמיך אפונה | 15 |
| עלי עברו חרוניך בעותיך צמתותני | 16 |
| סבוני כמים כל-היום הקיפו עלי יחד | 17 |
| הרחקת ממני אהב ורע מידעי מחשך | 18 |
