תהילים 83

1 שיר מזמור לאסף ב אלהים אל-דמי-לך אל-תחרש ואל-תשקט אל

Ko e Hiva pe ko e Saame ʻa ʻAsafi. ‌ʻE ʻOtua, ʻoua naʻa ke fakalongo pē: ʻE ʻOtua, ʻoua naʻa ke taʻeʻafioʻi, pea ʻoua naʻa ke nofo pē.

2 כי-הנה אויביך יהמיון ומשנאיך נשאו ראש

Vakai, ʻoku fakatupu maveuveu ʻe ho ngaahi fili: pea ko kinautolu ʻoku fehiʻa kiate koe kuo nau hiki hake honau ʻulu.

3 על-עמך יערימו סוד ויתיעצו על-צפוניך

Naʻa nau alea fakalilolilo ki hoʻo kakai, pea nau fakakaukau fakataha ki he kakai ʻoku ke maluʻi.

4 אמרו--לכו ונכחידם מגוי ולא-יזכר שם-ישראל עוד

Naʻa nau pehē, “Haʻu, ketau fakaʻauha ʻakinautolu ke ʻoua naʻa toe ui ʻakinautolu ko e puleʻanga; ke ʻoua naʻa kei manatu ki he hingoa ʻo ʻIsileli.”

5 כי נועצו לב יחדו עליך ברית יכרתו

He kuo nau fakakaukau ʻi he loto taha: ʻoku nau fuakava ʻo angatuʻu kiate koe:

6 אהלי אדום וישמעאלים מואב והגרים

Ko e ngaahi fale fehikitaki ʻo ʻItomi, mo e kau ʻIsimeʻeli; ʻa Moape, mo e hako ʻo Hekaʻā;

7 גבל ועמון ועמלק פלשת עם-ישבי צור

‌ʻA Kepale, mo ʻAmoni, mo ʻAmaleki, ko e kau Filisitia mo e kakai ʻo Taia;

8 גם-אשור נלוה עמם היו זרוע לבני-לוט סלה

‌ʻOku fakataha mo kinautolu foki ʻa ʻAsilia: kuo nau tokoni ki he fānau ʻa Lote. (Sila)

9 עשה-להם כמדין כסיסרא כיבין בנחל קישון

Fai kiate kinautolu ʻo hangē ko hoʻo fai ki he kau Mitiani; ʻo hangē ko Sisela, mo Sapini, ʻi he vaitafe ʻo Kisoni:

10 נשמדו בעין-דאר היו דמן לאדמה

‌ʻAia naʻe ʻauha ʻi Enitoa: naʻa nau hoko ʻo hangē ko e kinohaʻa ki he kelekele.

11 שיתמו נדיבימו כערב וכזאב וכזבח וכצלמנע כל-נסיכימו

Ngaohi honau ngaahi ʻeiki ke hangē ko Olipi, pea tatau mo Siipi: ʻio, ʻa ʻenau houʻeiki kotoa pē ʻo hangē ko Sipaa, mo Salimuna.

12 אשר אמרו נירשה לנו-- את נאות אלהים

‌ʻAia naʻa nau pehē, “Ketau maʻu ʻae ngaahi fale ʻoe ʻOtua moʻotautolu.”

13 אלהי שיתמו כגלגל כקש לפני-רוח

‌ʻE hoku ʻOtua, ke ke ngaohi ʻakinautolu ke hangē ko e teka; ke hangē ko e veve ʻoku vilingia ʻi he matangi.

14 כאש תבער-יער וכלהבה תלהט הרים

‌ʻO hangē ko e vela ʻoe vao ʻakau ʻi he afi, pea hangē kuo tutu ʻae ngaahi moʻunga ʻe he ulo afi.

15 כן תרדפם בסערך ובסופתך תבהלם

Ke fakatanga pehē ʻakinautolu ʻaki hoʻo fuʻu taufa, pea fakamanavahēʻi ʻakinautolu ʻaki hoʻo afā.

16 מלא פניהם קלון ויבקשו שמך יהוה

‌ʻE Sihova, fakafonu honau mata ʻi he mā; koeʻuhi kenau kumi ki ho huafa.

17 יבשו ויבהלו עדי-עד ויחפרו ויאבדו

Tuku kenau puputuʻu mo mamahi ʻo taʻengata; ʻio, tuku ke mā mo ʻauha ʻakinautolu.

18 וידעו-- כי-אתה שמך יהוה לבדך עליון על-כל-הארץ

Koeʻuhi ke ʻilo ʻe he kakai ko koe, ko ho huafa ʻoʻou ko Sihova, ko e Fungani Māʻolunga ʻi māmani kotoa pē.