תהילים 82

1 מזמור לאסף אלהים נצב בעדת-אל בקרב אלהים ישפט

Salimo la Asafu. Mulungu akutsogolera msonkhano waukulu; Iye akuweruza pakati pa “milungu.”

2 עד-מתי תשפטו-עול ופני רשעים תשאו-סלה

“Mudzateteza osalungama mpaka liti, ndi kukondera anthu oyipa?

3 שפטו-דל ויתום עני ורש הצדיקו

Tetezani anthu ofowoka ndi amasiye; mukhazikitse ufulu wa anthu osauka ndi ozunzika.

4 פלטו-דל ואביון מיד רשעים הצילו

Landitsani anthu ofowoka ndi osowa; apulumutseni mʼdzanja la anthu oyipa.

5 לא ידעו ולא יבינו-- בחשכה יתהלכו ימוטו כל-מוסדי ארץ

“Iwo sadziwa kanthu, sazindikira kalikonse. Amayendayenda mu mdima; maziko onse a dziko lapansi agwedezeka.

6 אני-אמרתי אלהים אתם ובני עליון כלכם

“Ndinati, ‘Inu ndinu Mulungu, nonsenu ndinu ana a Wammwambamwamba.’

7 אכן כאדם תמותון וכאחד השרים תפלו

Koma mudzafa ngati anthu wamba; mudzagwa ngati wolamula wina aliyense.”

8 קומה אלהים שפטה הארץ כי-אתה תנחל בכל-הגוים

Dzukani Inu Mulungu, weruzani dziko lapansi, pakuti mayiko onse ndi cholowa chanu.