תהילים 81

1 למנצח על-הגתית לאסף ב הרנינו לאלהים עוזנו הריעו לאלהי יעקב

Thaburi ya Asafu Inĩrai Ngai, o we hinya witũ, nĩ ũndũ wa gũkena; anĩrĩrai mũinĩre Ngai wa Jakubu!

2 שאו-זמרה ותנו-תף כנור נעים עם-נבל

Ambĩrĩriai kũina, hũũrai kĩhembe, na mũhũũre kĩnanda kĩa mũgeeto kĩrĩa kĩgambi wega, o na gĩa kĩnũbi.

3 תקעו בחדש שופר בכסה ליום חגנו

Huhai coro hĩndĩ ya Karũgamo ka Mweri, na ningĩ rĩrĩa mweri waiganana, mũthenya ũrĩa wa Gĩathĩ giitũ;

4 כי חק לישראל הוא משפט לאלהי יעקב

ũyũ nĩ watho wa kĩrĩra gĩa kũrũmĩrĩrwo kũrĩ Isiraeli, o guo watho wa Ngai wa Jakubu.

5 עדות ביהוסף שמו-- בצאתו על-ארץ מצרים שפת לא-ידעתי אשמע

We nĩaũhaandire ũtuĩke kĩrĩra harĩ Jusufu hĩndĩ ĩrĩa aathiire gũtharĩkĩra bũrũri wa Misiri, kũrĩa twaiguire mwario tũtaamenyire.

6 הסירותי מסבל שכמו כפיו מדוד תעברנה

Ekuuga atĩrĩ, “Nĩndeheririe mũrigo kuuma ciande-inĩ ciao; moko mao nĩndameheririe kuuma thĩinĩ wa gĩkabũ.

7 בצרה קראת ואחלצך אענך בסתר רעם אבחנך על-מי מריבה סלה

Wangaĩire ũrĩ na mĩnyamaro na niĩ ngĩkũhatũra, ngĩgwĩtĩka ndĩ thĩinĩ wa mũrurumo wa ngwa; ndakũgeririe ũrĩ kũu maaĩ-inĩ ma Meriba.

8 שמע עמי ואעידה בך ישראל אם-תשמע-לי

“Inyuĩ andũ akwa, iguai ngĩmũkaania, naarĩ korwo no mũũthikĩrĩrie, inyuĩ Isiraeli!

9 לא-יהיה בך אל זר ולא תשתחוה לאל נכר

Mũtikanagĩe na ngai ngʼeni gatagatĩ-inĩ kanyu; mũtikanainamĩrĩre ngai ya kũngĩ.

10 אנכי יהוה אלהיך-- המעלך מארץ מצרים הרחב-פיך ואמלאהו

Nĩ niĩ Jehova Ngai waku, ũrĩa wakũrutire bũrũri wa Misiri. Athamia kanua gaku na nĩngũkũhe gĩa kũrĩa.

11 ולא-שמע עמי לקולי וישראל לא-אבה לי

“No andũ akwa matiigana gũũthikĩrĩria; Isiraeli ndaigana kũnjathĩkĩra.

12 ואשלחהו בשרירות לבם ילכו במועצותיהם

Nĩ ũndũ ũcio ngĩmarekereria marũmĩrĩre ũremi wa ngoro ciao, na marũmagĩrĩre mwĩĩro wao ene.

13 לו--עמי שמע לי ישראל בדרכי יהלכו

“Korwo andũ akwa no maathikĩrĩrie, korwo Isiraeli no marũmĩrĩre njĩra ciakwa,

14 כמעט אויביהם אכניע ועל צריהם אשיב ידי

ndamatooreria thũ ciao o na ihenya, na njũkĩrĩre andũ arĩa marĩ muku nao na ũndũ wa guoko gwakwa!

15 משנאי יהוה יכחשו-לו ויהי עתם לעולם

Andũ arĩa mathũire Jehova mangĩĩthuna marĩ mbere yake, na iherithia rĩao rĩtũũre nginya tene.

16 ויאכילהו מחלב חטה ומצור דבש אשביעך

No inyuĩ ingĩmũhe ngano ĩrĩa njega mũno mũrĩĩage; ingĩmũhũũnagia na ũũkĩ wa kuuma rwaro-inĩ rwa ihiga.”