תהילים 80

1 למנצח אל-ששנים עדות לאסף מזמור ב רעה ישראל האזינה-- נהג כצאן יוסף ישב הכרובים הופיעה

Abụ Ọma nke dịrị onyeisi Abụ. Ọ bụ olu abụ eji ekwe “Okoko lili nke Ọgbụgba Ndụ” Abụ Ọma nke Asaf. Nụrụ olu anyị, O Onye ọzụzụ atụrụ nke Izrel, gị onye na-edu Josef dịka igwe atụrụ. Gị onye na-anọdụ dịka eze, nʼetiti cherubim, nwupụta Ìhè

2 לפני אפרים ובנימן ומנשה-- עוררה את-גבורתך ולכה לישעתה לנו

nʼihu Ifrem, Benjamin na Manase. Kpọtee ịdị ike gị, bịa zọpụta anyị.

3 אלהים השיבנו והאר פניך ונושעה

O Chineke, kpọghachi anyị azụ, mee ka ihu gị nwukwasị anyị, ka e nwee ike ịzọpụta anyị.

4 יהוה אלהים צבאות-- עד-מתי עשנת בתפלת עמך

O Onyenwe anyị, Chineke, Onye pụrụ ime ihe niile ruo ole mgbe ka iwe gị ga-adị ọkụ megide ekpere ndị gị?

5 האכלתם לחם דמעה ותשקמו בדמעות שליש

I jirila anya mmiri dịka a ga-asị na ọ bụ achịcha zụọ ha nri; i meela ka ha ṅụọ anya mmiri nʼihe ọtụtụ.

6 תשימנו מדון לשכנינו ואיבינו ילעגו-למו

I meela ka anyị bụrụ ihe na-eweta esemokwu nʼetiti ndị agbataobi anyị, ndị iro anyị na-achịkwa anyị ọchị.

7 אלהים צבאות השיבנו והאר פניך ונושעה

O Chineke, Onye pụrụ ime ihe niile, kpọghachi anyị azụ, mee ka ihu gị nwukwasị anyị, ka e nwee ike ịzọpụta anyị.

8 גפן ממצרים תסיע תגרש גוים ותטעה

I sitere nʼala Ijipt wepụta osisi vaịnị; ị chụpụrụ mba ndị ọzọ, kụọ ya.

9 פנית לפניה ותשרש שרשיה ותמלא-ארץ

Ị sụchaara ya ala, mgbọrọgwụ ya bara nʼime ala nke ọma, o jupụtakwara ala ahụ niile.

10 כסו הרים צלה וענפיה ארזי-אל

Ndo ya kpuchiri ugwu niile, alaka ya gbasara kpuchie osisi sida ukwu sida.

11 תשלח קצירה עד-ים ואל-נהר יונקותיה

Ọ wasaala alaka ya ruo oke osimiri wasaakwa ume ya ruo osimiri.

12 למה פרצת גדריה וארוה כל-עברי דרך

Gịnị mere i ji tiwasịa mgbidi ya niile si otu a mee ka ndị niile na-agafe ghọrọ mkpụrụ ya?

13 יכרסמנה חזיר מיער וזיז שדי ירענה

Oke ezi si nʼoke ọhịa na-emebisi ya, ụmụ ahụhụ si nʼọhịa dị iche iche na-ejikwa ya emere ihe oriri.

14 אלהים צבאות שוב-נא הבט משמים וראה ופקד גפן זאת

Lọghachikwute anyị, O Chineke, Onye pụrụ ime ihe niile. Si nʼeluigwe ledata anya ma hụ! Letakwa osisi vaịnị a,

15 וכנה אשר-נטעה ימינך ועל-בן אמצתה לך

mgbọrọgwụ nke aka nri gị kụrụ, ọkpara nke ị zụlitere nye onwe gị.

16 שרפה באש כסוחה מגערת פניך יאבדו

E gbutuola osisi vaịnị gị, e ji ọkụ repịa ya; mgbe ị bara mba, ndị gị na-ala nʼiyi.

17 תהי-ידך על-איש ימינך על-בן-אדם אמצת לך

Ka aka gị dịkwasị nwoke ahụ nọ nʼaka nri gị, nwa nke mmadụ onye ị zụlitere nye onwe gị.

18 ולא-נסוג ממך תחינו ובשמך נקרא

Mgbe ahụ, anyị agaghị esikwa nʼebe ị nọ laghachi azụ; tutee anyị, anyị ga-akpọkukwa aha gị.

19 יהוה אלהים צבאות השיבנו האר פניך ונושעה

Kpọghachi anyị azụ, O Onyenwe anyị, Chineke, Onye pụrụ ime ihe niile mee ka ihu gị nwukwasị anyị, ka e nwee ike zọpụta anyị.