תהילים 8

1 למנצח על-הגתית מזמור לדוד ב יהוה אדנינו-- מה-אדיר שמך בכל-הארץ אשר תנה הודך על-השמים

2 מפי עוללים וינקים-- יסדת-עז למען צורריך להשבית אויב ומתנקם

3 כי-אראה שמיך מעשה אצבעתיך-- ירח וכוכבים אשר כוננתה

4 מה-אנוש כי-תזכרנו ובן-אדם כי תפקדנו

5 ותחסרהו מעט מאלהים וכבוד והדר תעטרהו

6 תמשילהו במעשי ידיך כל שתה תחת-רגליו

7 צנה ואלפים כלם וגם בהמות שדי

8 צפור שמים ודגי הים עבר ארחות ימים

9 יהוה אדנינו מה-אדיר שמך בכל-הארץ