תהילים 76

1 למנצח בנגינת מזמור לאסף שיר ב נודע ביהודה אלהים בישראל גדול שמו

Al la ĥorestro. Por kordaj instrumentoj. Psalmo de Asaf. Kanto. Dio estas konata en Judujo; Granda estas Lia nomo en Izrael.

2 ויהי בשלם סוכו ומעונתו בציון

En Salem estas Lia tendo, Kaj Lia loĝejo sur Cion.

3 שמה שבר רשפי-קשת מגן וחרב ומלחמה סלה

Tie Li rompis la sagojn de pafarko, Ŝildon, glavon, kaj militon. (Sela)

4 נאור אתה אדיר-- מהררי-טרף

Vi estas majesta kaj potenca sur la sovaĝbestaj montoj.

5 אשתוללו אבירי לב-- נמו שנתם ולא-מצאו כל-אנשי-חיל ידיהם

Senarmiĝis la fortkoruloj, endormiĝis; Kaj ĉiuj militistoj restis kvazaŭ sen manoj.

6 מגערתך אלהי יעקב נרדם ורכב וסוס

De Via minaco, ho Dio de Jakob, Paraliziĝis rajdisto kaj ĉevalo.

7 אתה נורא אתה--ומי-יעמד לפניך מאז אפך

Vi, Vi estas timinda; Kaj kiu restos staranta antaŭ Vi, kiam ekflamas Via kolero?

8 משמים השמעת דין ארץ יראה ושקטה

El la ĉielo Vi aŭdigis juĝon; La tero ektimis kaj eksilentis,

9 בקום-למשפט אלהים-- להושיע כל-ענוי-ארץ סלה

Kiam Dio leviĝis, por juĝi, Por savi ĉiujn humilulojn sur la tero. (Sela)

10 כי-חמת אדם תודך שארית חמת תחגר

Ĉar la kolero de homo fariĝas Via gloro, Kiam Vi zonas Vin per la resto de Via kolero.

11 נדרו ושלמו ליהוה אלהיכם כל-סביביו--יבילו שי למורא

Faru kaj plenumu promesojn al la Eternulo, via Dio; Vi ĉiuj, kiuj Lin ĉirkaŭas, alportu donacojn al la Timindulo.

12 יבצר רוח נגידים נורא למלכי-ארץ

Li humiligis la spiriton de potenculoj; Li estas timinda por la reĝoj de la tero.