תהילים 75

1 למנצח אל-תשחת מזמור לאסף שיר ב הודינו לך אלהים--הודינו וקרוב שמך ספרו נפלאותיך

Kwa mtsogoleri wa mayimbidwe, potsata mayimbidwe a “Musawononge.” Salimo la Asafu. Nyimbo. Tikuthokoza Inu Mulungu, tikuthokoza, pakuti dzina lanu lili pafupi nafe, anthutu amafotokoza za ntchito zanu zodabwitsa.

2 כי אקח מועד אני מישרים אשפט

Mumati, “Ine ndimayika nthawi yoyenera, ndine amene ndimaweruza mwachilungamo.

3 נמגים ארץ וכל-ישביה אנכי תכנתי עמודיה סלה

Pamene dziko lapansi ndi anthu ake onse anjenjemera, ndine amene ndimagwiriziza mizati yake molimba. (Sela)

4 אמרתי להוללים אל-תהלו ולרשעים אל-תרימו קרן

Kwa odzitama ndikuti, ‘Musadzitamenso,’ ndipo kwa oyipa, ‘Musatukulenso nyanga zanu.

5 אל-תרימו למרום קרנכם תדברו בצואר עתק

Musatukule nyanga zanu motsutsana ndi kumwamba; musayankhule ndi khosi losololoka.’”

6 כי לא ממוצא וממערב ולא ממדבר הרים

Kugamula milandu sikuchokera kummawa kapena kumadzulo kapena ku chipululu.

7 כי-אלהים שפט זה ישפיל וזה ירים

Koma ndi Mulungu amene amaweruza: Iyeyo amatsitsa wina, nakwezanso wina.

8 כי כוס ביד-יהוה ויין חמר מלא מסך-- ויגר מזה אך-שמריה ימצו ישתו כל רשעי-ארץ

Mʼdzanja la Yehova muli chikho chodzaza ndi vinyo wochita thovu, wosakanizidwa ndi zokometsera; Iye amamutsanulira pansi ndipo onse oyipa a dziko lapansi amamwa ndi senga zake zonse.

9 ואני אגיד לעלם אזמרה לאלהי יעקב

Kunena za ine, ndidzalengeza izi kwamuyaya; ndidzayimba matamando kwa Mulungu wa Yakobo.

10 וכל-קרני רשעים אגדע תרוממנה קרנות צדיק

Ndidzadula nyanga za onse oyipa koma nyanga za olungama zidzakwezedwa.