תהילים 73
| מזמור לאסף אך טוב לישראל אלהים-- לברי לבב | 1 |
Yahweh Pakai chu Isreal te din aphai, hitobanga lungthimtheng ho dinga chun.
| ואני--כמעט נטוי (נטיו) רגלי כאין שפכה (שפכו) אשרי | 2 |
Keima din vang, kalamjotna beikoncha bou ahitai. Kalamlhong anal in lhulham pai ding kahitai.
| כי-קנאתי בהוללים שלום רשעים אראה | 3 |
Ajeh chu keiman mikiletsahho gitlou bol pum hijong leu akhangtou u kamuteng ka otchalheh jin ahi.
| כי אין חרצבות למותם ובריא אולם | 4 |
Amaho hi atahsa'u aphatheiyin, adamthei un, ahattheiyun lungkhamna imacha neilou dan'in aum jiuve.
| בעמל אנוש אינמו ועם-אדם לא ינגעו | 5 |
Amaho hin midang bang'in boina imacha aneipouvin midangho'n aneiyu lunggimna amahon imacha aneipouve.
| לכן ענקתמו גאוה יעטף-שית חמס למו | 6 |
Amahon kiletsahna songmantam a kisem khivui bang'in aki ouvin, gitlouna chu pon bang'in akisil'un ahi.
| יצא מחלב עינמו עברו משכיות לבב | 7 |
Hiche miboltheiho hin alungsung uva angaichat chan'u anei un ahi.
| ימיקו וידברו ברע עשק ממרום ידברו | 8 |
Amahon mi jahda dingngen aseijun kiletsah tah in midang chu suhmang ding ago uvin ahi.
| שתו בשמים פיהם ולשונם תהלך בארץ | 9 |
Amahon van douna'n thu asei uvin a-o cheng'un leiset pumpi asamsesoh jeng'un ahi.
| לכן ישיב (ישוב) עמו הלם ומי מלא ימצו למו | 10 |
Hiti chun mipiho'n athusei u hi ajah uleh akicha uvin akisulungdong gam tauvin ahi.
| ואמרו איכה ידע-אל ויש דעה בעליון | 11 |
Elohim Pathen'in ipi ahet am? “Hatchungnung in thilsohho hi ahena dem?” atiuve.
| הנה-אלה רשעים ושלוי עולם השגו-חיל | 12 |
Hiche migilouho hi veuvin hinkhonom amang un ahao tultul jeng'un ahi.
| אך-ריק זכיתי לבבי וארחץ בנקיון כפי | 13 |
Imacha phachomlou ding'a lungthim theng ka put ham? Themmona beihel'a hinkho ka man hi mohseh ham?
| ואהי נגוע כל-היום ותוכחתי לבקרים | 14 |
Nilhumkei in imacha phatchomna ka mupon hahsatna ngen ka mu jo'n ahi, jingkah seh in lunggimna ngen in eilonvuh in ahi.
| אם-אמרתי אספרה כמו הנה דור בניך בגדתי | 15 |
Keiman hitiahi ka seikhah a ahileh na mi ka hilou hijeng inte.
| ואחשבה לדעת זאת עמל היא (הוא) בעיני | 16 |
Hijeh chun keiman miphalouho hi i-atileh khangtou cheh cheh u ham ti hetchet ding'in ka khol'in ahi. Ahinla iti hahsat hitam?
| עד-אבוא אל-מקדשי-אל אבינה לאחריתם | 17 |
Hichun O Pathen Elohim, nangma muntheng'a ka lut'in ahileh ajona in migiloute akhankho diu chu kahin hedoh tan ahi.
| אך בחלקות תשית למו הפלתם למשואות | 18 |
Tahbeh in nang'in amaho hi lhuh nathei munjeng a nakoi ahin alhuh gam nadiu a kiling gih geh songpi chung a nakoi joh ahi.
| איך היו לשמה כרגע ספו תמו מן-בלהות | 19 |
Chomkah lou in amaho amahthahgam tauvin ahi, tijatna'n alhohmang gam tauve.
| כחלום מהקיץ-- אדני בעיר צלמם תבזה | 20 |
O Yahweh Pakai nangma na hung kipatdoh tengleh nang'in amaho ngolna chu na nuisat ding ahi, mikhat in jingkah lang'a amang anuisat tobang bou ahi.
| כי יתחמץ לבבי וכליותי אשתונן | 21 |
Hijouchun ka lungsung analheh jeng'in, hiti chun ka sunggil lang achiplha jeng'in ahi.
| ואני-בער ולא אדע בהמות הייתי עמך | 22 |
Keima vang mingol le thilhethemlou kana hi-Nang a ding chun khohephalou gamsa tobang bep ka na hi bouve.
| ואני תמיד עמך אחזת ביד-ימיני | 23 |
Henge keima nang'a ka hi jing'e, nang man ka jetlang na tuh jingnai.
| בעצתך תנחני ואחר כבוד תקחני | 24 |
Na chihna'n eikaihoi jing in, munloupi tah chu neilhut ding ahi.
| מי-לי בשמים ועמך לא-חפצתי בארץ | 25 |
Van a nang tailou koidangba ka nei ding ham? Leiset chung'a thildang jouse sang'in jong kalung in na ngaicha joi.
| כלה שארי ולבבי צור-לבבי וחלקי--אלהים לעולם | 26 |
Ka tahsa bei henlang ka lhagao lhadai jongleh, Elohim Pathen chu ka lungthim'a ka hatna ahijing'in Amahi tonsot a kei a ahijing'e.
| כי-הנה רחקיך יאבדו הצמתה כל-זונה ממך | 27 |
Ama dalhaho jouse chu mahthah ding ahiuve, ajeh chu nangma dalhaho jouse chu nangman na sumang jin ahi.
| ואני קרבת אלהים-- לי-טוב שתי באדני יהוה מחסי לספר כל-מלאכותיך | 28 |
Ahinla keima ding'in Elohim Pathen kom nai hi iti phat a hitam! Keiman vang Yahweh Pakai Lengchungnung chu ka kiselna ahijing e, chule keiman na thilbol kidangho hi mijouse ka seipeh ding ahi.
