תהילים 72

1 לשלמה אלהים--משפטיך למלך תן וצדקתך לבן-מלך

Ha na Solomo. O! Mawu, tsɔ wò afia nyui tsotso do na fia la, kple wò dzɔdzɔenyenye na fiavi la.

2 ידין עמך בצדק וענייך במשפט

Adrɔ̃ ʋɔnu na wò dukɔ la le dzɔdzɔenyenye me, eye wòatso afia nyui na ame siwo ƒe dzi gbã la.

3 ישאו הרים שלום לעם וגבעות בצדקה

Towo atsɔ kesinɔnuwo vɛ na wò dukɔ, eye togbɛwo atsɔ dzɔdzɔenyenye ƒe kutsetse vɛ na wo.

4 ישפט עניי-עם--יושיע לבני אביון וידכא עושק

Aʋli ame siwo ƒe dzi gbã la ta, axɔ na hiãtɔwo ƒe viwo, eye wòagbã ameteɖetola la nyanyanya.

5 ייראוך עם-שמש ולפני ירח דור דורים

Zi ale si ɣe kple ɣleti li la, anɔ te le dzidzimewo katã me.

6 ירד כמטר על-גז כרביבים זרזיף ארץ

Anɔ abe tsidzadza ɖe anyigba si dzi woƒo gbe le kple agbafie si dza ɖe anyigba hede tsii ene.

7 יפרח-בימיו צדיק ורב שלום עד-בלי ירח

Ame dzɔdzɔewo ayi ŋgɔ le eƒe ɣeyiɣiwo me, eye kesinɔnuwo ado agbogbo va se ɖe esime ɣleti magaɖi o.

8 וירד מים עד-ים ומנהר עד-אפסי-ארץ

Aɖu fia tso atsiaƒu ƒe go sia dzi ayi go kemɛ dzi, tso tɔsisi to ase ɖe anyigba la ƒe mlɔenuwo ke.

9 לפניו יכרעו ציים ואיביו עפר ילחכו

Dukɔ siwo le gbegbe la ade ta agu nɛ, eye eƒe futɔwo aɖuɖɔ ʋuʋudedi.

10 מלכי תרשיש ואיים מנחה ישיבו מלכי שבא וסבא אשכר יקריבו

Tarsis fia kple didiƒe ƒutatɔwo ahe adzɔ vɛ nɛ, eye Sieba kple Seba fiawo atsɔ nunanawo vɛ nɛ.

11 וישתחוו-לו כל-מלכים כל-גוים יעבדוהו

Fiawo katã ade ta agu nɛ, eye dukɔwo katã asubɔe,

12 כי-יציל אביון משוע ועני ואין-עזר לו

elabena aɖe hiãtɔ si le avi fam kple wɔmenɔ si xɔnametɔ aɖeke meli na o.

13 יחס על-דל ואביון ונפשות אביונים יושיע

Akpɔ nublanui na ame gblɔewo kple hiãtɔwo, eye wòaɖe ame dahewo tso ku me.

14 מתוך ומחמס יגאל נפשם וייקר דמם בעיניו

Aɖe wo le teteɖeanyi kple ŋutasesẽ me, elabena woƒe ʋu xɔ asi le eŋkume.

15 ויחי-- ויתן-לו מזהב שבא ויתפלל בעדו תמיד כל-היום יברכנהו

Fia la nenɔ agbe tegbee! Wonetsɔ Seba sika nɛ. Amewo nedo gbe ɖa ɖe eta ɖaa, eye wòayra ŋkeke blibo la.

16 יהי פסת-בר בארץ-- בראש הרים ירעש כלבנון פריו ויציצו מעיר כעשב הארץ

Bli nedo agbogbo ɖe anyigba la katã dzi; eye neʋã ɖe togbɛwo katã dzi. Blitiawo netri abe Lebanontɔwo ene, eye woanɔ abe gbe le gbedzi ene.

17 יהי שמו לעולם-- לפני-שמש ינין (ינון) שמו ויתברכו בו כל-גוים יאשרוהו

Eƒe ŋkɔ nenɔ anyi ɖaa, eye nenɔ anyi zi ale si ɣe le keklẽm. Woayra dukɔwo katã to eya amea dzi, eye woayɔe be yayratɔ.

18 ברוך יהוה אלהים--אלהי ישראל עשה נפלאות לבדו

Woakafu Yehowa Mawu, Israel ƒe Mawu la, eya ame si ko wɔa nu dzɔatsuwo.

19 וברוך שם כבודו-- לעולם וימלא כבודו את-כל הארץ-- אמן ואמן

Woakafu eƒe ŋkɔ si ŋu ŋutikɔkɔe le la tso mavɔ me yi ɖe mavɔ me; eƒe ŋutikɔkɔe neyɔ anyigba blibo la dzi.

20 כלו תפלות-- דוד בן-ישי

Esiawo wu Yese ƒe vi, David ƒe gbedodoɖawo nu.