תהילים 69
| למנצח על-שושנים לדוד ב הושיעני אלהים-- כי באו מים עד-נפש | 1 |
[Psalm lal David] Moliyula, O God; Tuh kof uh lapak sun inkwawuk.
| טבעתי ביון מצולה-- ואין מעמד באתי במעמקי-מים ושבלת שטפתני | 2 |
Nga tili in acn furarrar na loal, Ac wangin acn nga in tu fac. Nga oasr in kof loallana, Ac noa uh apkuran in utiyuwi.
| יגעתי בקראי נחר גרוני כלו עיני--מיחל לאלהי | 3 |
Nga totola in tung; Kapinsrulyuk paola. Mutuk munasla Ke nga tupan kasru lom.
| רבו משערות ראשי-- שנאי חנם עצמו מצמיתי איבי שקר-- אשר לא-גזלתי אז אשיב | 4 |
Elos su srungayu ke wangin sripa Elos pus liki na aunsifuk. Mwet lokoalok luk fahk kas kikiap lainyu; Elos arulana fokoko ac kena in uniyuwi. Elos oru nga folokonang ma su nga tia pisrala.
| אלהים--אתה ידעת לאולתי ואשמותי ממך לא-נכחדו | 5 |
O God, ma koluk luk tiana wikla liki kom, Kom etu lupan nikin luk.
| אל-יבשו בי קויך-- אדני יהוה צבאות אל-יכלמו בי מבקשיך-- אלהי ישראל | 6 |
Nikmet lela tuh nga in akmwekinyalos su lulalfongi kom, O LEUM GOD Kulana. Nikmet lela in nga pa pwanang pilesreyuk elos su alu nu sum, O God lun Israel.
| כי-עליך נשאתי חרפה כסתה כלמה פני | 7 |
Ke sripom nga akkolukyeyuk, Ac mwekin apinyula.
| מוזר הייתי לאחי ונכרי לבני אמי | 8 |
Nga oana sie mwet tia eteyuk sin mwet lik, Ac oana sie mwetsac in sou luk.
| כי-קנאת ביתך אכלתני וחרפות חורפיך נפלו עלי | 9 |
Moniyuk luk nu ke Tempul lom firirrir in nga oana sie e; Ac kas in akkoluk lun mwet keim putati nu fuk.
| ואבכה בצום נפשי ותהי לחרפות לי | 10 |
Nga sifacna akpusiselyeyu ke lalo luk, Ac mwet uh fahk kas in akkolukyeyu.
| ואתנה לבושי שק ואהי להם למשל | 11 |
Nga nokomang nuknuk in asor Ac elos isrunyu.
| ישיחו בי ישבי שער ונגינות שותי שכר | 12 |
Elos sramsramkinyu inkanek uh, Ac mwet sruhi elos kinala on keik.
| ואני תפלתי-לך יהוה עת רצון-- אלהים ברב-חסדך ענני באמת ישעך | 13 |
A funu nga, LEUM GOD, nga ac pre nu sum; Topukyu, O God, in pacl kom sulela, Topukyu ke lungse yohk lom, Ke sripen kom akpwayeye wulela lom in molela.
| הצילני מטיט ואל-אטבעה אנצלה משנאי וממעמקי מים | 14 |
Moliyula tuh nga in tia tili yen furarrar, Langoeyula liki mwet lokoalok luk, Ac liki inkof loal.
| אל-תשטפני שבלת מים-- ואל-תבלעני מצולה ואל-תאטר-עלי באר פיה | 15 |
Tia lela sronot in afinyula, Nikmet lela nga in walomla yen loal Ku tili nu in kulyuk.
| ענני יהוה כי-טוב חסדך כרב רחמיך פנה אלי | 16 |
Topukyu, O LEUM GOD, ke wolana lun lungse kawil lom; Ke pakoten lom, kom in forma nu sik.
| ואל-תסתר פניך מעבדך כי-צר-לי מהר ענני | 17 |
Nikmet okanla motom liki mwet kulansap lom, Nga muta in ongoiya lulap — topukyu inge!
| קרבה אל-נפשי גאלה למען איבי פדני | 18 |
Kaluku nu yuruk ac moliyula. Moliyula liki mwet lokoalok luk.
| אתה ידעת--חרפתי ובשתי וכלמתי נגדך כל-צוררי | 19 |
Kom etu lupan kas koluk lun mwet uh keik, Ac lupan akmwekin ac aklusrongten orek nu sik. Kom liye mwet lokoalok luk nukewa.
| חרפה שברה לבי-- ואנושה ואקוה לנוד ואין ולמנחמים ולא מצאתי | 20 |
Kas in akkoluk lalos kunausla insiuk, Ac nga muta in ongoiya. Nga finsrak mu ac oasr pakomuta nu sik, tuh pa wangin, Nga nunku mu ac oasr mwet tuku akwoyeyu, a wangin.
| ויתנו בברותי ראש ולצמאי ישקוני חמץ | 21 |
Ke nga masrinsral, elos se pwasin, Ac ke nga malu, elos se vinegar nimuk.
| יהי-שלחנם לפניהם לפח ולשלומים למוקש | 22 |
Lela tepu lalos in ekla mwe kwasrip nu selos; Lela kufwa mutal lalos in mwe lusla nu selos.
| תחשכנה עיניהם מראות ומתניהם תמיד המעד | 23 |
Oru tuh mutalos in kunla, Ac oru tuh fintokolos in munas pacl e nukewa.
| שפך-עליהם זעמך וחרון אפך ישיגם | 24 |
Okoaung mulat lom nu faclos; Ac lela kasrkusrak lom in ukwalos ac sruokolosi.
| תהי-טירתם נשמה באהליהם אל-יהי ישב | 25 |
Lela iwen aktuktuk lalos in pisala, Ac in wangin mwet moul lula in lohm nuknuk selos.
| כי-אתה אשר-הכית רדפו ואל-מכאוב חלליך יספרו | 26 |
Elos kalyaelos su kom kai, Ac elos kaskas ke keok lun mwet su kom kanteya.
| תנה-עון על-עונם ואל-יבאו בצדקתך | 27 |
Kom in simusla ma koluk lalos nukewa, Ac tia lela elos in wi eis molela sum.
| ימחו מספר חיים ועם צדיקים אל-יכתבו | 28 |
Lela tuh inelos in iyukla liki book in moul, Ac lela elos in tia wi sikyak inmasrlon mwet suwoswos lom.
| ואני עני וכואב ישועתך אלהים תשגבני | 29 |
A nga muta in keok ac ongoiya, Srukyuyak, O God, ac moliyula!
| אהללה שם-אלהים בשיר ואגדלנו בתודה | 30 |
Nga ac fah kaksakin God ke soko on; Nga ac fah akkalemye fulat lal ke nga sang kulo nu sel.
| ותיטב ליהוה משור פר מקרן מפריס | 31 |
Ma inge mwe akinsewowoye LEUM GOD, yohk liki in kisakin cow, Aok, yohk liki kisakin cow mukul ma matula ac oasr koac kac.
| ראו ענוים ישמחו דרשי אלהים ויחי לבבכם | 32 |
Ke mwet su muta in ongoiya elos ac liye ma inge, elos ac engan; Ac fah mwe akkeye insien mwet su alu nu sin God.
| כי-שמע אל-אביונים יהוה ואת-אסיריו לא בזה | 33 |
LEUM GOD El porongalos su muta in enenu Ac El tia mulkunulosla su muta in presin.
| יהללוהו שמים וארץ ימים וכל-רמש בם | 34 |
Kaksakin God, kusrao ac faclu, Meoa ac ma nukewa loac.
| כי אלהים יושיע ציון ויבנה ערי יהודה וישבו שם וירשוה | 35 |
Tuh God El fah molela Jerusalem Ac sifil musaeak siti in Judah. Mwet lun God elos ac fah muta we, ac acn we ac fah ma lalos.
| וזרע עבדיו ינחלוה ואהבי שמו ישכנו-בה | 36 |
Tuh fwilin tulik nutin mwet kulansap lal fah usrui acn inge, Ac elos su lungse El, fah muta we.
