תהילים 68

1 למנצח לדוד מזמור שיר ב יקום אלהים יפוצו אויביו וינוסו משנאיו מפניו

Kwa mtsogoleri wa mayimbidwe. Salimo la Davide. Adzuke Mulungu, adani ake amwazikane; adani ake athawe pamaso pake.

2 כהנדף עשן תנדף כהמס דונג מפני-אש-- יאבדו רשעים מפני אלהים

Monga momwe mphepo imachotsera utsi; Inu muwawulutsire kutali. Monga phula limasungunukira pa moto, oyipa awonongeke pamaso pa Mulungu.

3 וצדיקים--ישמחו יעלצו לפני אלהים וישישו בשמחה

Koma olungama asangalale ndi kukondwera pamaso pa Mulungu; iwo akondwere ndi kusangalala.

4 שירו לאלהים-- זמרו שמו סלו לרכב בערבות--ביה שמו ועלזו לפניו

Imbirani Mulungu imbirani dzina lake matamando, mukwezeni Iye amene amakwera pa mitambo; dzina lake ndi Yehova ndipo sangalalani pamaso pake.

5 אבי יתומים ודין אלמנות-- אלהים במעון קדשו

Atate wa ana amasiye, mtetezi wa akazi amasiye, ndiye Mulungu amene amakhala mʼmalo oyera.

6 אלהים מושיב יחידים ביתה-- מוציא אסירים בכושרות אך סוררים שכנו צחיחה

Mulungu amakhazikitsa mtima pansi osungulumwa mʼmabanja, amatsogolera amʼndende ndi kuyimba; koma anthu osamvera amakhala ku malo owuma a dziko lapansi.

7 אלהים--בצאתך לפני עמך בצעדך בישימון סלה

Pamene munatuluka kutsogolera anthu anu, Inu Mulungu, pamene munayenda kudutsa chipululu,

8 ארץ רעשה אף-שמים נטפו-- מפני אלהים זה סיני-- מפני אלהים אלהי ישראל

dziko lapansi linagwedezeka, miyamba inakhuthula pansi mvula, pamaso pa Mulungu, Mmodzi uja wa ku Sinai. Pamaso pa Mulungu, Mulungu wa Israeli.

9 גשם נדבות תניף אלהים נחלתך ונלאה אתה כוננתה

Munapereka mivumbi yochuluka, Inu Mulungu; munatsitsimutsa cholowa chanu cholefuka.

10 חיתך ישבו-בה תכין בטובתך לעני אלהים

Anthu anu anakhala mʼmenemo ndipo munapatsa anthu osauka zimene zinkawasowa chifukwa cha ubwino wanu Mulungu.

11 אדני יתן-אמר המבשרות צבא רב

Ambuye analengeza mawu, ndipo gulu linali lalikulu la iwo amene anapita kukawafalitsa;

12 מלכי צבאות ידדון ידדון ונות-בית תחלק שלל

“Mafumu ndi ankhondo anathawa mwaliwiro; mʼmisasa anthu anagawana zolanda pa nkhondo.

13 אם-תשכבון בין שפתים כנפי יונה נחפה בכסף ואברותיה בירקרק חרוץ

Ngakhale mukugona pakati pa makola a ziweto, mapiko a nkhunda akutidwa ndi siliva, nthenga zake ndi golide wonyezimira.”

14 בפרש שדי מלכים בה-- תשלג בצלמון

Pamene Wamphamvuzonse anabalalitsa mafumu mʼdziko, zinali ngati matalala akugwa pa Zalimoni.

15 הר-אלהים הר-בשן הר גבננים הר-בשן

Mapiri a Basani ndi mapiri aulemerero; mapiri a Basani, ndi mapiri a msonga zambiri.

16 למה תרצדון-- הרים גבננים ההר--חמד אלהים לשבתו אף-יהוה ישכן לנצח

Muyangʼaniranji mwansanje inu mapiri a msonga zambiri, pa phiri limene Mulungu analisankha kuti azilamulira, kumene Yehova mwini adzakhalako kwamuyaya?

17 רכב אלהים רבתים אלפי שנאן אדני בם סיני בקדש

Magaleta a Mulungu ndi osawerengeka, ndi miyandamiyanda; Ambuye wabwera kuchokera ku Sinai, walowa mʼmalo ake opatulika.

18 עלית למרום שבית שבי-- לקחת מתנות באדם ואף סוררים לשכן יה אלהים

Pamene Inu munakwera mmwamba, munatsogolera a mʼndende ambiri; munalandira mphatso kuchokera kwa anthu, ngakhale kuchokera kwa owukira, kuti Inu Mulungu, mukhale kumeneko.

19 ברוך אדני יום יום יעמס-לנו--האל ישועתנו סלה

Matamando akhale kwa Ambuye, kwa Mulungu Mpulumutsi wathu amene tsiku ndi tsiku amasenza zolemetsa zathu.

20 האל לנו אל למושעות וליהוה אדני--למות תצאות

Mulungu wathu ndi Mulungu amene amapulumutsa; Ambuye Wamphamvuzonse ndiye amene amatipulumutsa ku imfa.

21 אך-אלהים--ימחץ ראש איביו קדקד שער--מתהלך באשמיו

Ndithu Mulungu adzaphwanya mitu ya adani ake, zipewa za ubweya za iwo amene amapitiriza kuchita machimo awo.

22 אמר אדני מבשן אשיב אשיב ממצלות ים

Ambuye akunena kuti, “Ndidzawabweretsa kuchokera ku Basani; ndidzawabweretsa kuchokera ku nyanja zozama.

23 למען תמחץ רגלך--בדם לשון כלביך--מאיבים מנהו

Kuti muviyike mapazi anu mʼmagazi a adani anu, pamene malilime a agalu anu akudyapo gawo lawo.”

24 ראו הליכותיך אלהים הליכות אלי מלכי בקדש

Mayendedwe aulemu a anthu anu aonekera poyera, Inu Mulungu; mayendedwe olemekeza Mulungu wanga ndi Mfumu yanga yokalowa mʼmalo opatulika.

25 קדמו שרים אחר נגנים בתוך עלמות תופפות

Patsogolo pali oyimba nyimbo pakamwa, pambuyo pawo oyimba nyimbo ndi zipangizo; pamodzi ndi iwo pali atsikana akuyimba matambolini.

26 במקהלות ברכו אלהים אדני ממקור ישראל

Tamandani Mulungu mu msonkhano waukulu; tamandani Yehova mu msonkhano wa Israeli.

27 שם בנימן צעיר רדם--שרי יהודה רגמתם שרי זבלון שרי נפתלי

Pali fuko lalingʼono la Benjamini, kuwatsogolera, pali gulu lalikulu la ana a mafumu a Yuda, ndiponso pali ana a mafumu a Zebuloni ndi Nafutali.

28 צוה אלהיך עזך עוזה אלהים--זו פעלת לנו

Kungani mphamvu zanu Mulungu; tionetseni nyonga zanu, Inu Mulungu, monga munachitira poyamba.

29 מהיכלך על-ירושלם-- לך יובילו מלכים שי

Chifukwa cha Nyumba yanu ku Yerusalemu, mafumu adzabweretsa kwa Inu mphatso.

30 גער חית קנה עדת אבירים בעגלי עמים-- מתרפס ברצי-כסף בזר עמים קרבות יחפצו

Dzudzulani chirombo pakati pa mabango, gulu la ngʼombe zazimuna pakati pa ana angʼombe a mitundu ya anthu. Mochititsidwa manyazi, abweretse mitanda ya siliva. Balalitsani anthu a mitundu ina amene amasangalatsidwa ndi nkhondo.

31 יאתיו חשמנים מני מצרים כוש תריץ ידיו לאלהים

Nthumwi zidzachokera ku Igupto; Kusi adzadzipereka yekha kwa Mulungu.

32 ממלכות הארץ שירו לאלהים זמרו אדני סלה

Imbirani Mulungu Inu mafumu a dziko lapansi imbirani Ambuye matamando. (Sela)

33 לרכב בשמי שמי-קדם-- הן יתן בקולו קול עז

Kwa Iye amene amakwera pa mitambo yakalekale ya mmwamba amene amabangula ndi mawu amphamvu.

34 תנו עז לאלהים על-ישראל גאותו ועזו בשחקים

Lengezani za mphamvu za Mulungu, amene ulemerero wake uli pa Israeli amene mphamvu zake zili mʼmitambo.

35 נורא אלהים ממקדשיך אל ישראל-- הוא נתן עז ותעצמות לעם ברוך אלהים

Ndinu woopsa, Inu Mulungu mʼmalo anu opatulika; Mulungu wa Israeli amapereka mphamvu ndi nyonga kwa anthu ake. Matamando akhale kwa Mulungu!