תהילים 64

1 למנצח מזמור לדוד ב שמע-אלהים קולי בשיחי מפחד אויב תצר חיי

O Elohim Pathen, ka kiphinna hi neingaipeh tei in. Ka melmaten eigihnauva kon hin neihuh doh in.

2 תסתירני מסוד מרעים מרגשת פעלי און

Hiche engset lungput a tohgon nei mipiho a kon'in neiselmang in, hiche thilse bol hon hoa kon in.

3 אשר שננו כחרב לשונם דרכו חצם דבר מר

Amahon chemjam kinolhem bang'in alei'u anolhem'un thalchang kikap doh bang'in thucheng ngaimo tah tah in mi adoi leleu ve.

4 לירת במסתרים תם פתאם ירהו ולא ייראו

Themmona neilou miho chu akiselnauva kon in ahin kap un kichatna neilouvin gangtah in anokhum jiuvin ahi.

5 יחזקו-למו דבר רע-- יספרו לטמון מוקשים אמרו מי יראה-למו

Thilse bol ding in amaho le amaho akitilkhou un chujongle aguh a iti thang kam ding ham, tichu agong'un ahi. “Hiche hi kon amudoh ding ham?” atiuve.

6 יחפשו עולת-- תמנו חפש מחפש וקרב איש ולב עמק

Athilse gonpat'u chun hitin aseijun, “Hiche hi thilgon hoipen ahitai!” atiuve. Henge mihem lunggel le lungthim vang hi aphalou mong ahi.

7 וירם אלהים חץ פתאום--היו מכותם

Ahinla Elohim Pathen amatah'in athalchang ahin kap ding gangtah a akaplhuh diu ahi.

8 ויכשילוהו עלימו לשונם יתנדדו כל-ראה בם

Amaho tah kampao in ahin thagam diu ahi, koi hileh amaho muchan chun alunghan khum uva alu ahihdiu ahi.

9 וייראו כל-אדם ויגידו פעל אלהים ומעשהו השכילו

Chujouteng mijouse kicha diu, Elohim Pathen thil boltheina kidangtah chu aphondoh diu, chuleh athilbol datmo umtahho chu ahin hetchen diu ahi.

10 ישמח צדיק ביהוה וחסה בו ויתהללו כל-ישרי-לב

Mi chonphaho Yahweh Pakai a kipah thanom diu chuleh Ama chu kiselna ahin neidiu ahi. Koi hileh thilpha bolho jousen Elohim Pathen ahin vahchoidiu ahi.