תהילים 58

1 למנצח אל-תשחת לדוד מכתם ב האמנם--אלם צדק תדברון מישרים תשפטו בני אדם

Kwa mtsogoleri wa mayimbidwe. Potsata mayimbidwe a “Musawononge.” Ndakatulo ya Davide. Kodi inu olamulira mumayankhuladi molungama? Kodi mumaweruza mwachilungamo pakati pa anthu?

2 אף-בלב עולת תפעלון בארץ--חמס ידיכם תפלסון

Ayi, mʼmitima mwanu mumakonzekera zosalungama, ndipo manja anu amatulutsa zachiwawa pa dziko lapansi.

3 זרו רשעים מרחם תעו מבטן דברי כזב

Ngakhale kuchokera tsiku lawo lobadwa oyipa amasochera; kuchokera mʼmimba ya amayi awo, iwo ndi otayika ndipo amayankhula mabodza.

4 חמת-למו כדמות חמת-נחש כמו-פתן חרש יאטם אזנו

Ululu wawo uli ngati ululu wa njoka, ngati uja wa mphiri imene yatseka mʼmakutu mwake.

5 אשר לא-ישמע לקול מלחשים חובר חברים מחכם

Imene simva liwu la munthu wamatsenga, ngakhale akhale wa luso lotani munthu wamatsengayo.

6 אלהים--הרס שנימו בפימו מלתעות כפירים נתץ יהוה

Gululani mano mʼkamwa mwawo, Inu Mulungu, Yehova khadzulani mano a mikango!

7 ימאסו כמו-מים יתהלכו-למו ידרך חצו כמו יתמללו

Mulole kuti asowe ngati madzi oyenda pamene iwo akoka uta mulole kuti mivi yawo ikhale yosathwa.

8 כמו שבלול תמס יהלך נפל אשת בל-חזו שמש

Akhale ngati nkhono imene imasungunuka pamene ikuyenda; ngati mwana wakufa asanabadwe, iwo asaone dzuwa.

9 בטרם יבינו סירתכם אטד כמו-חי כמו-חרון ישערנו

Miphika yanu isanagwire moto waminga ya mkandankhuku, kaya iyo ndi yobiriwira kapena yowuma, oyipa adzachotsedwa.

10 ישמח צדיק כי-חזה נקם פעמיו ירחץ בדם הרשע

Olungama adzasangalala poona kubwezera chilango, pamene adzasambitsa mapazi awo mʼmagazi a anthu oyipa.

11 ויאמר אדם אך-פרי לצדיק אך יש-אלהים שפטים בארץ

Ndipo anthu adzanena kuti, “Zoonadi, olungama amalandirabe mphotho; zoonadi kuli Mulungu amene amaweruza dziko lapansi.”