תהילים 51

1 למנצח מזמור לדוד ב בבוא-אליו נתן הנביא-- כאשר-בא אל-בת-שבע ג חנני אלהים כחסדך כרב רחמיך מחה פשעי

Abụ dịrị onyeisi abụ. Abụ Ọma Devid. Mgbe Netan bụ onye amụma bịakwutere Devid nʼoge ya na Batsheba kwara iko. O Chineke, meere m ebere, nʼihi ịhụnanya gị nke na-adịgide adịgide; nʼihi oke ọmịiko gị, hichapụ njehie m niile.

2 הרבה (הרב) כבסני מעוני ומחטאתי טהרני

Sachapụ mmehie m niile, ma mee m ka m dị ọcha.

3 כי-פשעי אני אדע וחטאתי נגדי תמיד

Nʼihi na amaara m njehie m niile, mmehie m dịkwa nʼihu m mgbe niile.

4 לך לבדך חטאתי והרע בעיניך עשיתי למען תצדק בדברך-- תזכה בשפטך

Ọ bụkwa naanị gị ka m mehiere megide, mee ihe ahụ bụ ihe ọjọọ nʼihu gị, nke mere na ị bụ onye na-ekpe ikpe ziri ezi mgbe ị na-ekwu okwu, na onye ezi omume mgbe ị na-ekpe ikpe.

5 הן-בעוון חוללתי ובחטא יחמתני אמי

Nʼezie, onye mmehie ka m bụ site nʼoge amụrụ m; bụrụkwa onye mmehie site nʼoge nne m tụrụ ime m.

6 הן-אמת חפצת בטחות ובסתם חכמה תודיעני

Nʼezie, ị na-achọ eziokwu nʼakụkụ niile zoro ezo; ị na-akụziri m amamihe nʼakụkụ niile zoro ezo.

7 תחטאני באזוב ואטהר תכבסני ומשלג אלבין

Were hisọp sachaa m, aga m adị ọcha; sachaa m ka m dị ọcha karịa snoo.

8 תשמיעני ששון ושמחה תגלנה עצמות דכית

Mee ka m nụrụ olu obi ụtọ na ọṅụ; ka okpukpu ndị i gwepịara ṅụrịkwaa.

9 הסתר פניך מחטאי וכל-עונתי מחה

Zopu ihu gị nʼebe mmehie m niile dị, hichapụkwa mmehie m niile.

10 לב טהור ברא-לי אלהים ורוח נכון חדש בקרבי

Kee obi dị ọcha nʼime m, O Chineke, nwogharịa ezi mmụọ nʼime m.

11 אל-תשליכני מלפניך ורוח קדשך אל-תקח ממני

Achụpụla m nʼihu gị, anapụkwala m Mmụọ Nsọ gị.

12 השיבה לי ששון ישעך ורוח נדיבה תסמכני

Nyeghachikwa m ọṅụ nke nzọpụta gị, ma jiri ezi mmụọ kwagide m.

13 אלמדה פשעים דרכיך וחטאים אליך ישובו

Mgbe ahụ, aga m enwe ike izi ndị njehie ụzọ gị, ndị mmehie ga-echegharị lọghachikwute gị.

14 הצילני מדמים אלהים-- אלהי תשועתי תרנן לשוני צדקתך

O Chineke, zọpụta m site nʼikpe ọmụma nke mwụfu ọbara, Chineke, gị bụ Chineke Onye nzọpụta m, ire m ga-abụ abụ banyere ezi omume gị.

15 אדני שפתי תפתח ופי יגיד תהלתך

O, Onyenwe m, meghee ọnụ m, ka m kwupụta otuto gị.

16 כי לא-תחפץ זבח ואתנה עולה לא תרצה

Ị naghị enwe mmasị nʼaja, ma ọ bụghị ya, agaara m eweta ya. Ị naghị enwe mmasị nʼaja nsure ọkụ.

17 זבחי אלהים רוח נשברה לב-נשבר ונדכה-- אלהים לא תבזה

Aja Chineke chọrọ bụ mmụọ tiwara etiwa, O Chineke, ị naghị elefu anya, nʼobi tiwara etiwa na nke nwere ezi nchegharị.

18 היטיבה ברצונך את-ציון תבנה חומות ירושלם

Ka ọ masị gị inye Zayọn ọganihu; i wulie mgbidi niile nke Jerusalem.

19 אז תחפץ זבחי-צדק עולה וכליל אז יעלו על-מזבחך פרים

Mgbe ahụ, a ga-enwe ezi aja, aja nsure ọkụ nke ga-atọ gị ụtọ; mgbe ahụ, a ga-achụkwa aja ọtụtụ oke ehi nʼelu ebe ịchụ aja gị.