תהילים 50

1 מזמור לאסף אל אלהים יהוה-- דבר ויקרא-ארץ ממזרח-שמש עד-מבאו

Thaburi ya Asafu Jehova, o we Ngai ũcio Mwene-Hinya, nĩaraaria, ageeta thĩ yothe kuuma irathĩro rĩa riũa nginya kũrĩa rĩthũagĩra.

2 מציון מכלל-יפי-- אלהים הופיע

Ngai aracangarara arĩ Zayuni itũũra rĩu ithaka mũno.

3 יבא אלהינו ואל-יחרש אש-לפניו תאכל וסביביו נשערה מאד

Ngai witũ nĩ gũũka arooka na ndegũkira; mbere yake nĩ mwaki ũrakana, na akarigiicĩrio nĩ kĩhuhũkanio kĩnene.

4 יקרא אל-השמים מעל ואל-הארץ לדין עמו

Areeta igũrũ na thĩ nĩguo ituĩke aira agĩciirithia andũ ake:

5 אספו-לי חסידי-- כרתי בריתי עלי-זבח

“Cookanĩrĩrai harĩ niĩ inyuĩ andũ akwa aamũre, o inyuĩ mwagĩire kĩrĩkanĩro na niĩ na ũndũ wa kũndutĩra igongona.”

6 ויגידו שמים צדקו כי-אלהים שפט הוא סלה

Narĩo igũrũ rĩanagĩrĩra ũthingu wake, nĩgũkorwo Ngai we mwene nĩwe mũtuanĩri ciira.

7 שמעה עמי ואדברה-- ישראל ואעידה בך אלהים אלהיך אנכי

“Inyuĩ andũ akwa, thikĩrĩriai na nĩngwaria, ũthikĩrĩrie, wee Isiraeli, na nĩngũruta ũira wa gũgũthita: nĩ niĩ Ngai, o Ngai waku.

8 לא על-זבחיך אוכיחך ועולתיך לנגדי תמיד

Ndirakũrũithia nĩ ũndũ wa magongona maku, o na kana nĩ ũndũ wa maruta maku ma njino, marĩa makoragwo mbere yakwa hĩndĩ ciothe.

9 לא-אקח מביתך פר ממכלאתיך עתודים

Ndibatarĩtio nĩ ndegwa yumĩte kiugũ gĩaku, kana mbũri ciumĩte ciugũ ciaku,

10 כי-לי כל-חיתו-יער בהמות בהררי-אלף

nĩgũkorwo nyamũ ciothe cia gĩthaka nĩ ciakwa, na ngʼombe iria irĩ tũrĩma-inĩ ngiri na ngiri.

11 ידעתי כל-עוף הרים וזיז שדי עמדי

Nyoni ciothe iria irĩ kũu irĩma-inĩ, gũtirĩ o na ĩmwe itooĩ, na ciũmbe ciothe cia werũ-inĩ nĩ ciakwa.

12 אם-ארעב לא-אמר לך כי-לי תבל ומלאה

Ingĩkorwo hũtiĩ, ndingĩkwĩra, nĩgũkorwo thĩ nĩ yakwa, na kĩrĩa gĩothe kĩrĩ thĩinĩ wayo.

13 האוכל בשר אבירים ודם עתודים אשתה

Niĩ nĩndĩĩaga nyama cia ndegwa, o na kana nganyua thakame ya mbũri?

14 זבח לאלהים תודה ושלם לעליון נדריך

Rutĩra Ngai igongona rĩa gũcookia ngaatho, na ũhingagĩrie Ũrĩa-ũrĩ-Igũrũ-Mũno mĩĩhĩtwa yaku,

15 וקראני ביום צרה אחלצך ותכבדני

na ũngayagĩre mũthenya wa mĩnyamaro; na nĩndĩrĩkũhonokagia, nawe ũngoocage.”

16 ולרשע אמר אלהים מה-לך לספר חקי ותשא בריתי עלי-פיך

No rĩrĩ, mũndũ ũrĩa mwaganu Ngai ekũmũũria atĩrĩ: “Ũrĩ na kĩhooto kĩrĩkũ gĩa kuuga mawatho makwa, kana kwaria ũhoro wa kĩrĩkanĩro gĩakwa?

17 ואתה שנאת מוסר ותשלך דברי אחריך

Nĩũmenete ũrutani wakwa, na ũgateanĩria ciugo ciakwa.

18 אם-ראית גנב ותרץ עמו ועם מנאפים חלקך

Rĩrĩa wona mũici, ũnyiitanagĩra nake; na ũgĩĩaga ũrũmwe na itharia.

19 פיך שלחת ברעה ולשונך תצמיד מרמה

Ũhũthagĩra kanua gaku kwaria ndeto njũru, na rũrĩmĩ rwaku naruo rũkaaragia maheeni.

20 תשב באחיך תדבר בבן-אמך תתן-דפי

Hĩndĩ ciothe waragia ndeto cia gũũkĩrĩra mũrũ wa thoguo, ũgagĩcambia mũrũ-wa-nyũkwa.

21 אלה עשית והחרשתי-- דמית היות-אהיה כמוך אוכיחך ואערכה לעיניך

Maũndũ macio ũmekaga o ngirĩte, nawe ũgeciiria atĩ niĩ ndariĩ o tawe. No rĩrĩ, rĩu nĩngũkũrũithia, nguonie maũndũ marĩa wĩkĩte.

22 בינו-נא זאת שכחי אלוה פן-אטרף ואין מציל

“Mwĩcũraniei ũhoro ũyũ, inyuĩ mũriganagĩrwo nĩ Ngai, nĩguo ndikamũtambuure, na haage mũndũ wa kũmũteithũra.

23 זבח תודה יכבדנני ושם דרך--אראנו בישע אלהים

Mũndũ ũrĩa ũrutaga igongona rĩa gũcookia ngaatho nĩ niĩ atĩĩaga, na akahaarĩria njĩra nĩgeetha ndĩmuonie ũhonokanio wa Ngai.”