תהילים 37

1 לדוד אל-תתחר במרעים אל-תקנא בעשי עולה

زەبوورێکی داود. بەهۆی خراپەکاران مەراق مەخۆ، بەغیلی بە بەدکاران مەبە،

2 כי כחציר מהרה ימלו וכירק דשא יבולון

چونکە وەک گیان، زوو وشک دەبن، وەک گژوگیای سەوز زوو سیس دەبن.

3 בטח ביהוה ועשה-טוב שכן-ארץ ורעה אמונה

پشت بە یەزدان ببەستە و چاکە بکە، لەسەر خاکەکە نیشتەجێ بە و چاودێری دڵسۆزی بکە.

4 והתענג על-יהוה ויתן-לך משאלת לבך

خۆشی لە یەزدان ببینە، داواکارییەکانی دڵت پێدەبەخشێت.

5 גול על-יהוה דרכך ובטח עליו והוא יעשה

ڕێگای خۆت بە یەزدان بسپێرە و متمانەی پێ بکە و ئەو ئاوا دەکات:

6 והוציא כאור צדקך ומשפטך כצהרים

ڕاستودروستیت وەک ڕووناکی دەردەخات، بێتاوانییەکەت وەک خۆری نیوەڕۆ.

7 דום ליהוה-- והתחולל-לו אל-תתחר במצליח דרכו באיש עשה מזמות

لەبەردەم یەزدان بێدەنگ بە و بە ئارامییەوە چاوەڕێی بکە، کاتێک ئەوانە لە ڕێگاکانیان سەردەکەون، کاتێک فرتوفێڵەکانیان جێبەجێ دەکەن، مەراق مەخۆ.

8 הרף מאף ועזב חמה אל-תתחר אך-להרע

لە تووڕەیی هێوربەوە و خۆت لە قین لابدە. مەراق مەخۆ، دەنا بەرەو خراپەت دەبات.

9 כי-מרעים יכרתון וקוי יהוה המה יירשו-ארץ

بەدکاران دوایان دەبڕدرێتەوە، بەڵام ئەوانەی ئومێدیان بە یەزدانە، دەبنە میراتگری خاکەکە.

10 ועוד מעט ואין רשע והתבוננת על-מקומו ואיננו

پاش ماوەیەکی کەم بەدکار نامێنێت، دەڕوانیتە شوێنەکەی، لەوێ نەماوە.

11 וענוים יירשו-ארץ והתענגו על-רב שלום

بەڵام بێفیزەکان دەبن بە میراتگری خاکەکە و خۆشی لە زۆری ئاشتی دەبینن.

12 זמם רשע לצדיק וחרק עליו שניו

خراپەکار پیلان لە دژی کەسی ڕاستودروست دادەڕێژێت و ددانی لێ جیڕدەکاتەوە،

13 אדני ישחק-לו כי-ראה כי-יבא יומו

بەڵام پەروەردگار پێی پێدەکەنێت، چونکە دەزانێت ڕۆژی دێت.

14 חרב פתחו רשעים-- ודרכו קשתם להפיל עני ואביון לטבוח ישרי-דרך

بەدکاران شمشێر هەڵدەکێشن و کەوانەکانیان دەچەمێننەوە، بۆ ئەوەی هەژار و نەدارەکان بپێکن، بۆ سەربڕینی ئەوانەی ڕێگایان ڕاستە.

15 חרבם תבוא בלבם וקשתותם תשברנה

بەڵام شمشێرەکانیان دەچێتە ناو دڵی خۆیان، کەوانەکانیان تێکدەشکێت.

16 טוב-מעט לצדיק-- מהמון רשעים רבים

ئەو کەمەی کە کەسی ڕاستودروست هەیەتی، لە سامانی گەلێک بەدکاران باشترە،

17 כי זרועות רשעים תשברנה וסומך צדיקים יהוה

چونکە بەدکارەکان بازوویان دەشکێت، بەڵام یەزدان پشتی ڕاستودروستان دەگرێت.

18 יודע יהוה ימי תמימם ונחלתם לעולם תהיה

یەزدان تەمەنی ئەوانە دەزانێت کە بێ کەموکوڕین، هەتاهەتایە میراتیان دەمێنێت.

19 לא-יבשו בעת רעה ובימי רעבון ישבעו

لە ڕۆژگاری بەڵا شەرمەزار نابن، لە ڕۆژگاری قاتوقڕیدا تێر دەبن.

20 כי רשעים יאבדו ואיבי יהוה כיקר כרים כלו בעשן כלו

بەڵام بەدکاران دەفەوتێن، دوژمنەکانی یەزدانیش وەک گوڵی کێوی لەناودەچن، وەک دووکەڵ لەناودەچن.

21 לוה רשע ולא ישלם וצדיק חונן ונותן

بەدکاران قەرز دەکەن و پێیان نادرێتەوە، بەڵام ڕاستودروستەکان بە دڵفراوانییەوە دەبەخشن.

22 כי מברכיו יירשו ארץ ומקלליו יכרתו

ئەوانەی یەزدان بەرەکەتداری کردوون دەبن بە میراتگری خاکەکە، بەڵام ئەوانەی بەر نەفرەتی کەوتوون دوایان دەبڕدرێتەوە.

23 מיהוה מצעדי-גבר כוננו ודרכו יחפץ

یەزدان هەنگاوەکانی مرۆڤ دەچەسپێنێ، بە ڕێگاکەی دڵخۆش دەبێ.

24 כי-יפל לא-יוטל כי-יהוה סומך ידו

ئەگەر پێی بخزێت، ناکەوێت، چونکە یەزدان بە دەستی خۆی پشتی دەگرێت.

25 נער הייתי-- גם-זקנתי ולא-ראיתי צדיק נעזב וזרעו מבקש-לחם

من گەنج بووم و ئێستا پیرم، هەرگیز نەمبینی ڕاستودروست وازی لێ بهێنرێت، یان منداڵەکانی سواڵی نان بکەن.

26 כל-היום חונן ומלוה וזרעו לברכה

هەردەم دڵفراوانە و قەرز دەدات، منداڵەکانیشی بەرەکەتدار دەبن.

27 סור מרע ועשה-טוב ושכן לעולם

لە بەدکاری لابدە و چاکە بکە، ئینجا هەتاهەتایە لە خاکەکە نیشتەجێ دەبیت،

28 כי יהוה אהב משפט ולא-יעזב את-חסידיו לעולם נשמרו וזרע רשעים נכרת

چونکە یەزدان حەز لە دادپەروەری دەکات، واز لە خۆشەویستانی ناهێنێ. هەتاهەتایە دەپارێزرێن، بەڵام منداڵەکانی بەدکاران دوایان دەبڕدرێتەوە.

29 צדיקים יירשו-ארץ וישכנו לעד עליה

ڕاستودروستان دەبن بە میراتگری خاکەکە و هەتاهەتایە لەسەری نیشتەجێ دەبن.

30 פי-צדיק יהגה חכמה ולשונו תדבר משפט

دەمی پیاوچاک بە دانایی دەدوێت، زمانیشی باسی دادپەروەری دەکات.

31 תורת אלהיו בלבו לא תמעד אשריו

فێرکردنی خودای خۆی لەناو دڵیەتی، بۆیە پێی ناخلیسکێت.

32 צופה רשע לצדיק ומבקש להמיתו

بەدکار خۆی مات دەکات بۆ ڕاستودروست، هەوڵدەدات بیکوژێت،

33 יהוה לא-יעזבנו בידו ולא ירשיענו בהשפטו

بەڵام یەزدان لەبەردەستی بەجێی ناهێڵێت، ناهێڵێ لە دادگاش تاوانبار بکرێت.

34 קוה אל-יהוה ושמר דרכו וירוממך לרשת ארץ בהכרת רשעים תראה

چاوەڕێی یەزدان بکە و ڕێگای ئەو بگرە. ئەویش بەرزت دەکاتەوە و دەتکات بە میراتگری خاکەکە، کاتێک بەدکاران دوایان دەبڕدرێتەوە، دەیانبینیت.

35 ראיתי רשע עריץ ומתערה כאזרח רענן

بەدکارم دی بێ ویژدان بوو، وەک دار ئورزێکی سەوز لە خاکێکی بەپیت گەشەی دەکرد،

36 ויעבר והנה איננו ואבקשהו ולא נמצא

بەڵام زوو تێپەڕی و نەما، هەرچەند بۆی گەڕام بەڵام دیار نەبوو.

37 שמר-תם וראה ישר כי-אחרית לאיש שלום

بڕوانە مرۆڤی بێ کەموکوڕی، سەیری مرۆڤی ڕاست بکە، مرۆڤی ئاشتیخواز دواڕۆژی هەیە.

38 ופשעים נשמדו יחדו אחרית רשעים נכרתה

بەڵام هەموو یاخیبووەکان لەناودەچن، دواڕۆژی بەدکاران دەبڕدرێتەوە.

39 ותשועת צדיקים מיהוה מעוזם בעת צרה

ڕزگاریی ڕاستودروستان لەلایەن یەزدانەوە دێت، ئەو قەڵای ئەوانە لە کاتی تەنگانە.

40 ויעזרם יהוה ויפלטם יפלטם מרשעים ויושיעם--כי-חסו בו

یەزدان یارمەتییان دەدات و دەربازیان دەکات، لە بەدکاران دەربازیان دەکات و ڕزگاریان دەکات، چونکە پەنا بۆ ئەو دەبەن.