תהילים 36

1 למנצח לעבד-יהוה לדוד ב נאם-פשע לרשע בקרב לבי אין-פחד אלהים לנגד עיניו

Kwa mtsogoleri wa mayimbidwe. Salimo la Davide, mtumiki wa Yehova. Uthenga uli mu mtima mwanga wonena za kuchimwa kwa munthu woyipa: Mu mtima mwake mulibe kuopa Mulungu.

2 כי-החליק אליו בעיניו למצא עונו לשנא

Pakuti iye mʼkuona kwake amadzinyenga yekha kwambiri, sazindikira kapena kudana ndi tchimo lake.

3 דברי-פיו און ומרמה חדל להשכיל להיטיב

Mawu a pakamwa pake ndi oyipa ndi achinyengo; iyeyo waleka kukhala wanzeru ndi kuchita zabwino.

4 און יחשב--על-משכבו יתיצב על-דרך לא-טוב רע לא ימאס

Ngakhale ali pa bedi pake amakonzekera zoyipa; iye amadzipereka yekha ku njira ya uchimo ndipo sakana cholakwa chilichonse.

5 יהוה בהשמים חסדך אמונתך עד-שחקים

Chikondi chanu Yehova, chimafika ku mayiko a kumwamba, kukhulupirika kwanu mpaka ku mitambo.

6 צדקתך כהררי-אל--משפטיך תהום רבה אדם ובהמה תושיע יהוה

Chilungamo chanu Mulungu chili ngati mapiri aakulu, chiweruzo chanu chili ngati kuzama kwakukulu. Yehova mumasunga munthu pamodzi ndi chinyama.

7 מה-יקר חסדך אלהים ובני אדם--בצל כנפיך יחסיון

Chikondi chanu chosatha ndi chamtengowapatali! Otchuka pamodzi ndi anthu wamba pakati pa anthu amapeza pothawirapo mu mthunzi wa mapiko anu.

8 ירוין מדשן ביתך ונחל עדניך תשקם

Iwo amadyerera zinthu zambiri za mʼnyumba yanu; Inu mumawapatsa chakumwa kuchokera mu mtsinje wanu wachikondwerero.

9 כי-עמך מקור חיים באורך נראה-אור

Pakuti kwa Inu kuli kasupe wamoyo; mʼkuwala kwanu ifenso timaona kuwala.

10 משך חסדך לידעיך וצדקתך לישרי-לב

Pitirizani chikondi chanu pa iwo amene amakudziwani, chilungamo chanu kwa olungama mtima.

11 אל-תבואני רגל גאוה ויד-רשעים אל-תנדני

Musalole kuti phazi la wodzikuza libwere kulimbana nane, kapena dzanja la oyipa kundithamangitsa.

12 שם נפלו פעלי און דחו ולא-יכלו קום

Onani momwe ochita zoyipa agonera atagwa, aponyeni pansi, kuti asathe kudzukanso!