תהילים 35

1 לדוד ריבה יהוה את-יריבי לחם את-לחמי

Ry Iehovà, atretréo o miatreatre ahio, mialia amo mifandrapak’ amakoo.

2 החזק מגן וצנה וקומה בעזרתי

Andrambeso fikalan-defoñe naho fikala-meso, le miongaha hañolotse ahy.

3 והרק חנית וסגר לקראת רדפי אמר לנפשי ישעתך אני

Apontsoaño ty lefo’o naho i fekon’ aliy; hatreatrè’o o mañoridañ’ahikoo saontsio ami’ty fiaiko ty hoe: Izaho ro fandrombahañe azo.

4 יבשו ויכלמו מבקשי נפשי יסגו אחור ויחפרו--חשבי רעתי

Salatse naho po-asiñe o mipay ty fiaikoo; ampiambohò vaho ampimeñaro o mikilily hijoy ahikoo.

5 יהיו כמץ לפני-רוח ומלאך יהוה דוחה

Ano ho kafo’e aolon-tioke eo, le hatao’ i anjeli’ Iehovày soike.

6 יהי-דרכם חשך וחלקלקת ומלאך יהוה רדפם

Ano haieñe naho halamañe ty fombà’ iareo, horidañe’ i anjeli’ Iehovày.

7 כי-חנם טמנו-לי שחת רשתם חנם חפרו לנפשי

Tsy aman-taly ty nañetaha’iareo harato, tsy vente’e ty nihalien-koboñe ty fiaiko,

8 תבואהו שואה לא-ידע ורשתו אשר-טמן תלכדו בשואה יפל-בה

Hivovò ama’e abey ty firotsahañe, le ho tsepahe’ i harato naeta’ey; vaho amy firotsahañey ty hivarinjonjoha’e.

9 ונפשי תגיל ביהוה תשיש בישועתו

Hirebek’ am’ Iehovà ty fiaiko, hirenge amy fandrombaha’ey.

10 כל עצמותי תאמרנה-- יהוה מי כמוך מציל עני מחזק ממנו ועני ואביון מגזלו

Hanao ty hoe iaby o taolakoo: Ry Iehovà ia ty hambañ’ Ama’o? Mpandrombake o rarakeo amy maozatse te ama’ey; Eka, ty poie’e naho ty mpisotry amy mpamaok’ azey.

11 יקומון עדי חמס אשר לא-ידעתי ישאלוני

Mitroatse o mpitalily tsivokatseo, mañody ahy an-draha amoeako.

12 ישלמוני רעה תחת טובה שכול לנפשי

Valè’ iereo raty ty soa; mampioremeñe ty fiaiko.

13 ואני בחלותם לבושי שק-- עניתי בצום נפשי ותפלתי על-חיקי תשוב

Aa naho izaho, nisaron-gony te natindry iereo, nirè-batañ’aman-dilitse, fe nimpoly an-troko i halalikoy.

14 כרע-כאח לי התהלכתי כאבל-אם קדר שחותי

Nandenako hoe t’ie nirañeko ndra nirahalahiko; nidròdreke an-kontoke manahake te nandala rene.

15 ובצלעי שמחו ונאספו נאספו עלי נכים ולא ידעתי קרעו ולא-דמו

Fe nirebeke iereo t’ie nikoletra, nifañosoñe, nifanontoñe hiatreatre ahy o mpamofoke alik’ amakoo, nandrimitse ahy avao tsy nitroatse;

16 בחנפי לעגי מעוג-- חרק עלי שנימו

hoe mpiteratera tsi-aman-Kake an-tsabadidake, ty ikodrita’ iareo nife;

17 אדני כמה תראה השיבה נפשי משאיהם מכפירים יחידתי

O Talè, pak’ ombia te hisamba avao? Avotsoro ami’ty fandrotsaha’ iareo ty troko; amo lionao ty fiaiko.

18 אודך בקהל רב בעם עצום אהללך

Andriañeko am-pivori-bey ao; mijejo azo am-balobohòk’ ao.

19 אל-ישמחו-לי איבי שקר שנאי חנם יקרצו-עין

Lonike tsy hirebeha’ o rafelahiko tsy amam-poto’eo; tsy hipie maso amako o malaiñe ahy tsy aman-tali’eo.

20 כי לא שלום ידברו ועל רגעי-ארץ--דברי מרמות יחשבון

Tsy mivolam-pilongoañe iereo, te mone mikilily volam-pitake amo mianjiñe an-tane atoio.

21 וירחיבו עלי פיהם אמרו האח האח ראתה עיננו

Eka ivañavaña’ iereo vava manao ty hoe: Hiy! Hiy! fa nitrea’ o maso’aio.

22 ראיתה יהוה אל-תחרש אדני אל-תרחק ממני

Nivazoho’o ry Iehovà, ko mianjiñe; ry Talè, ko mitòtse amako

23 העירה והקיצה למשפטי אלהי ואדני לריבי

Mitsekafa, mivañona hañomea’o to! Imbao i ahikoy ry Andrianañahareko naho Talèko.

24 שפטני כצדקך יהוה אלהי ואל-ישמחו-לי

Izakao ry Iehovà Andrianañahareko ty amy havantaña’oy; le ko apo’o hirebeha’ iereo.

25 אל-יאמרו בלבם האח נפשנו אל-יאמרו בלענוהו

Ko ado’o hanoe’e ty hoe an-troke: Hiry! ty fañiria’ay! ndra ty hoe: Fa nabea’ay.

26 יבשו ויחפרו יחדו-- שמחי רעתי ילבשו-בשת וכלמה-- המגדילים עלי

Atraofo salareñe naho meñareñe o mitohàk’ amy haemberakoio; ampisikinen-kameñarañe naho inje o mirengèvok’ amakoo.

27 ירנו וישמחו חפצי צדקי ויאמרו תמיד יגדל יהוה החפץ שלום עבדו

Hipoñak’ an-drebeke naho handia-taroba o mifale ami’ty halio tahikoo; hitolom-panao ty hoe: Onjono t’Iehovà, ry mpifale amy fanintsiña’ i mpitoro’eiy.

28 ולשוני תהגה צדקך כל-היום תהלתך

Hitaroñe ty havantaña’o ty lelako, ty enge’o lomoñandro.