תהילים 35
| לדוד ריבה יהוה את-יריבי לחם את-לחמי | 1 |
Nzembo ya Davidi. Yawe, kota likambo na ngai liboso ya bayini na ngai; bundisa bato oyo bazali kobundisa ngai.
| החזק מגן וצנה וקומה בעזרתי | 2 |
Kamata nguba ya moke mpe ya monene, mpe telema mpo na kosunga ngai.
| והרק חנית וסגר לקראת רדפי אמר לנפשי ישעתך אני | 3 |
Tombola likonga ya monene mpe ya moke mpo na kobundisa bato oyo bazali kolanda ngai. Loba na ngai: « Nazali lobiko na Yo. »
| יבשו ויכלמו מבקשי נפשי יסגו אחור ויחפרו--חשבי רעתי | 4 |
Tika ete bato oyo bazali komeka bomoi na ngai basambwa mpe bayoka soni; tika ete bato oyo bazali kokana kosala ngai mabe bazonga sima mpe bakoma mawa-mawa!
| יהיו כמץ לפני-רוח ומלאך יהוה דוחה | 5 |
Tika ete bakoma lokola matiti ya kokawuka oyo mopepe ezali kopumbwisa, tango anjelu ya Yawe akotindika bango;
| יהי-דרכם חשך וחלקלקת ומלאך יהוה רדפם | 6 |
tika ete nzela na bango ekoma molili mpe moselu tango anjelu ya Yawe akobengana bango.
| כי-חנם טמנו-לי שחת רשתם חנם חפרו לנפשי | 7 |
Mpo ete, na kozanga tina, mpo na kokanga ngai, batielaki ngai mitambo mpe batimolaki mabulu,
| תבואהו שואה לא-ידע ורשתו אשר-טמן תלכדו בשואה יפל-בה | 8 |
tika ete libebi ekweyela bango na mbalakata, bakangama bango moko na mitambo oyo batielaki ngai mpe bakweya kati na mabulu yango!
| ונפשי תגיל ביהוה תשיש בישועתו | 9 |
Nakotonda na esengo kati na Yawe mpe nakosepela kati na lobiko na Ye.
| כל עצמותי תאמרנה-- יהוה מי כמוך מציל עני מחזק ממנו ועני ואביון מגזלו | 10 |
Mikuwa na ngai nyonso ekoloba: « Oh Yawe, nani akoki kokangola, lokola Yo, mobola wuta na maboko ya moto oyo aleki ye na makasi, mobola mpe mokeleli wuta na maboko ya banyokoli na bango? »
| יקומון עדי חמס אשר לא-ידעתי ישאלוני | 11 |
Batatoli oyo bamipesa na kanza batelemi, bazali kopesa ngai mituna na tina na makambo oyo nayebi te.
| ישלמוני רעה תחת טובה שכול לנפשי | 12 |
Bazali kozongisela ngai mabe mpo na bolamu oyo nasalaki, mpe kosundola ngai lokola monyokolami.
| ואני בחלותם לבושי שק-- עניתי בצום נפשי ותפלתי על-חיקי תשוב | 13 |
Nzokande tango bango babelaki, ngai nalataki saki, namikitisaki na kokila bilei, nazalaki kobondela mpo na bango.
| כרע-כאח לי התהלכתי כאבל-אם קדר שחותי | 14 |
Nazalaki kotambola na mawa lokola mpo na moninga to mpo na ndeko; nazalaki kokitisa moto na se mpo na mawa lokola moto oyo azali kolela mama na ye.
| ובצלעי שמחו ונאספו נאספו עלי נכים ולא ידעתי קרעו ולא-דמו | 15 |
Kasi awa ngai nakomi na pasi, bango bazali kosepela mpe kosangana; wana ngai nayebi te, bango bazali kosangana mpo na kotonga ngai, bazali kolemba te kofinga ngai.
| בחנפי לעגי מעוג-- חרק עלי שנימו | 16 |
Lokola bapagano, bazali koseka ngai, bazali kolia minu na tina na ngai.
| אדני כמה תראה השיבה נפשי משאיהם מכפירים יחידתי | 17 |
Yawe, kino tango nini okotala kaka boye? Kangola ngai wuta na misala na bango ya mabe, bomoi na ngai wuta na manzaka ya bankosi oyo.
| אודך בקהל רב בעם עצום אהללך | 18 |
Nakokumisa Yo kati na mayangani monene, nakosanzola Yo kati na ebele ya bato.
| אל-ישמחו-לי איבי שקר שנאי חנם יקרצו-עין | 19 |
Tika ete banguna na ngai basepela te na tina na ngai; tika ete bayini na ngai na kozanga tina bakanga miso te.
| כי לא שלום ידברו ועל רגעי-ארץ--דברי מרמות יחשבון | 20 |
Pamba te balobaka te maloba ya kimia, kasi babongisaka lokuta mpo na kokosela bato ya kimia makambo kati na mboka.
| וירחיבו עלי פיהם אמרו האח האח ראתה עיננו | 21 |
Balobaka na mongongo makasi: « Eh! Eh! Tomonaki ye! »
| ראיתה יהוה אל-תחרש אדני אל-תרחק ממני | 22 |
Yawe, omoni nyonso wana; kovanda nye te! Nkolo, kozala mosika na ngai te!
| העירה והקיצה למשפטי אלהי ואדני לריבי | 23 |
Lamuka mpe telema mpo na kolongisa ngai! Nzambe na ngai mpe Nkolo na ngai, kota likambo na ngai.
| שפטני כצדקך יהוה אלהי ואל-ישמחו-לי | 24 |
Yawe, Nzambe na ngai, longisa ngai na bosembo na Yo; kotika bango te kosepela na tina na ngai.
| אל-יאמרו בלבם האח נפשנו אל-יאמרו בלענוהו | 25 |
Tika ete bamilobela te: « Ah! Tala makambo oyo tozalaki koluka! » Tika ete baloba te: « Tolie ye. »
| יבשו ויחפרו יחדו-- שמחי רעתי ילבשו-בשת וכלמה-- המגדילים עלי | 26 |
Tika ete bato nyonso oyo basepelaka na pasi na ngai, bango nyonso lisanga, bayoka soni mpe basambwa! Tika ete bato oyo batombokelaka ngai balata soni mpe bazala kati na yikiyiki!
| ירנו וישמחו חפצי צדקי ויאמרו תמיד יגדל יהוה החפץ שלום עבדו | 27 |
Tika ete bato oyo basepelaka na bosembo na ngai baganga na esengo mpe basepela; tika ete balobaka tango nyonso: « Tika ete Yawe anetolama, Ye oyo asepelaka na kimia ya mowumbu na Ye! »
| ולשוני תהגה צדקך כל-היום תהלתך | 28 |
Nakosakola bosembo na Yo, nakokumisa Yo mikolo nyonso.
