תהילים 35
| לדוד ריבה יהוה את-יריבי לחם את-לחמי | 1 |
[Psalm lal David] LEUM GOD, lainulos su lainyu, Ac mweunelos su mweun lainyu!
| החזק מגן וצנה וקומה בעזרתי | 2 |
Srukak mwe loeyuk ac mwe loang lom Ac fahsru moliyula.
| והרק חנית וסגר לקראת רדפי אמר לנפשי ישעתך אני | 3 |
Srukak osra ac tula in mweun nutum Ac lainulos su ukweyu. Wulema nu sik lah kom ac moliyula.
| יבשו ויכלמו מבקשי נפשי יסגו אחור ויחפרו--חשבי רעתי | 4 |
Lela tuh elos su suk in uniyu Elos in kutangyukla ac akmwekinyeyuk! Lela tuh elos su kinauk pwapa koluk in lainyu Elos in folokinyukla ac akfohsyeyukyak!
| יהיו כמץ לפני-רוח ומלאך יהוה דוחה | 5 |
Lela tuh elos in oana loa su eng uh okla Ke lipufan lun LEUM GOD ukwalos.
| יהי-דרכם חשך וחלקלקת ומלאך יהוה רדפם | 6 |
Lela tuh inkanek lalos in lohsr ac musresre Ke lipufan lun LEUM GOD srunglulosi!
| כי-חנם טמנו-לי שחת רשתם חנם חפרו לנפשי | 7 |
Elos filiya mwe kwasrip in sruokyu ke wanginna sripa, Ac elos pukanak luf loal tuh in sruokyu.
| תבואהו שואה לא-ידע ורשתו אשר-טמן תלכדו בשואה יפל-בה | 8 |
Tusruktu kunausten ac fah sruokolosi meet liki elos etu; Elos ac fah sremla in kwasrip lalos sifacna Ac putatyang nu in kunausten.
| ונפשי תגיל ביהוה תשיש בישועתו | 9 |
Na nga ac fah engan ke sripen LEUM GOD; Nga ac fah engan mweyen El moliyula.
| כל עצמותי תאמרנה-- יהוה מי כמוך מציל עני מחזק ממנו ועני ואביון מגזלו | 10 |
Ke insiuk nufon nga ac fah fahk nu sin LEUM GOD, “Wangin sie oana kom. Kom loangulosla su munas, liki elos su ku, Ac mwet sukasrup, liki poun mwet funmwet.”
| יקומון עדי חמס אשר לא-ידעתי ישאלוני | 11 |
Mwet koluk elos orek loh lainyu Ac akkolukyeyu ke ma koluk su wangin etu luk kac.
| ישלמוני רעה תחת טובה שכול לנפשי | 12 |
Elos folokin nu sik ma koluk ke ma wo, Ac forteya nunak luk.
| ואני בחלותם לבושי שק-- עניתי בצום נפשי ותפלתי על-חיקי תשוב | 13 |
A ke elos mas, nga nuknukyang ke nuknuk in asor; Nga lafwekinyu sifacna ac tia eis mwe mongo; Nga kui nwe ten ke nga pre,
| כרע-כאח לי התהלכתי כאבל-אם קדר שחותי | 14 |
Oana ngan pre ke sie mwet kawuk luk, ku sie tamulel wiuk. Nga fahsr kui ke asor luk, Oana mwet se su asor ke nina kial sifacna.
| ובצלעי שמחו ונאספו נאספו עלי נכים ולא ידעתי קרעו ולא-דמו | 15 |
A ke nga muta in ongoiya, elos nukewa engan Ac fahsreni in aksruksrukyeyu; Mwetsac elos puokyu Ac sringilyu.
| בחנפי לעגי מעוג-- חרק עלי שנימו | 16 |
Elos sracsralik nu sik ke kasrkusrak, Oana sie mwet funmwet el aksruksruki sie mwet sukapas.
| אדני כמה תראה השיבה נפשי משאיהם מכפירים יחידתי | 17 |
Leum, putaka kom ac suiyuwi ac tia kasreyu? Karinginyu liki mwet su orek lokoalok nu sik; Moliyula liki lion inge!
| אודך בקהל רב בעם עצום אהללך | 18 |
Na nga fah fahk kulo nu sum in walil lun mwet lom; Nga ac fah kaksakin kom ye mutalos nukewa.
| אל-ישמחו-לי איבי שקר שנאי חנם יקרצו-עין | 19 |
Nikmet lela mwet lokoalok luk, su kikiap, In engankin munas luk. Nikmet lela elos su srungayu ke wangin sripa In pwarkin asor luk.
| כי לא שלום ידברו ועל רגעי-ארץ--דברי מרמות יחשבון | 20 |
Tuh elos tia kaskas in kulang; A elos kinauk kain in kikiap nukewa ke mwet su lungse suk misla.
| וירחיבו עלי פיהם אמרו האח האח ראתה עיננו | 21 |
Elos akkolukyeyu ac fahk, “Kut liye na ma kom oru!”
| ראיתה יהוה אל-תחרש אדני אל-תרחק ממני | 22 |
Tusruktu, LEUM GOD, kom liye na ma inge. Nikmet misla, Leum; Nik kom loesla likiyu.
| העירה והקיצה למשפטי אלהי ואדני לריבי | 23 |
Mukuiyak, O Leum God, ac kasreyu; Tuyak, Leum God luk, ac oru tuh nununku suwohs in wiyu.
| שפטני כצדקך יהוה אלהי ואל-ישמחו-לי | 24 |
LEUM GOD, kom suwoswos, ke ma inge akkalemye lah wangin mwetik; Nikmet lela tuh mwet lokoalok luk elos in aksruksrukyeyu.
| אל-יאמרו בלבם האח נפשנו אל-יאמרו בלענוהו | 25 |
Nikmet lela elos in fahk insialos mu, “Kut kunausulla! Sun na pwaye lungse lasr!”
| יבשו ויחפרו יחדו-- שמחי רעתי ילבשו-בשת וכלמה-- המגדילים עלי | 26 |
Finsrak tuh elos nukewa su engankin keok luk In arulana kutangyukla ac akfohsyeyukyak; Lela tuh elos su fahk mu elos wo likiyu In akmwekinyeyuk ac akpusiselyeyuk.
| ירנו וישמחו חפצי צדקי ויאמרו תמיד יגדל יהוה החפץ שלום עבדו | 27 |
Lela tuh elos su wiyu lac, In sasa ke engan ac fahk, “LEUM GOD El fulatlana! El insewowo ke kutangla lun mwet kulansap lal.”
| ולשוני תהגה צדקך כל-היום תהלתך | 28 |
Na nga ac fah fahkak ke suwoswos lom, Ac nga ac fah kaksakin kom len nufon.
