תהילים 33
| רננו צדיקים ביהוה לישרים נאוה תהלה | 1 |
Fatgo avu'ava'ma nehaza vahe'mota zagamera huta Ra Anumzamofona musena hunteho. Na'ankure fatgo avu'ava'ma nehia vahe'mo'ma Ra Anumzamofo agima erisgama haniana knare hugahie.
| הודו ליהוה בכנור בנבל עשור זמרו-לו | 2 |
Hapu zavena neheta zagamera huta Ra Anumzamofona agia erisga nehuta, 10ni'a strini nofi'ma me'nea zavenagu'ma laeriema nehaza zavena neheta zagamera huta musena hiho.
| שירו-לו שיר חדש היטיבו נגן בתרועה | 3 |
Kasefa zagame huta agia erisga hiho. Knarezantfa huta zavena neheta ranke huta agi'a erisga huta musena hiho.
| כי-ישר דבר-יהוה וכל-מעשהו באמונה | 4 |
Na'ankure Ra Anumzamofonkea tamage naneke me'neankino, nazano hugahuema hu'nea zantamina Agra ana maka nehie.
| אהב צדקה ומשפט חסד יהוה מלאה הארץ | 5 |
Ra Anumzamo'a fatgo avu'avazane, mago zanke'ma huno maka zama refkohu avu'ava zanku'ene avenesigeno, ama mopafina Agri vagaore avesizamo avite'ne.
| בדבר יהוה שמים נעשו וברוח פיו כל-צבאם | 6 |
Ra Anumzamo'a ke higeno mona fore nehigeno, Agra ke higeno monafima me'nea hanafitamine zagene ikanena fore hu'ne.
| כנס כנד מי הים נתן באוצרות תהומות | 7 |
Agra, Ra Anumzamo hagerina repapa higeno magokepina umareno moriri huno marerigeno, tinkerifima tima afinteankna huno hagerina magokepi renatinte'ne.
| ייראו מיהוה כל-הארץ ממנו יגורו כל-ישבי תבל | 8 |
Maka ama mopafima mani'naza vahe'mo'za Ra Anumzamofonku korora hunte'za agoraga'a maniho. Maka ama mopafi vahe'mo'za Agrira kesga hu'za monora hunte'za agorga maniho.
| כי הוא אמר ויהי הוא-צוה ויעמד | 9 |
Na'ankure Agra ke nehigeno ama mopa fore hu'ne. Agra huno, efore huo huno higeno ama mopamo'a efore hu'no me'ne.
| יהוה הפיר עצת-גוים הניא מחשבות עמים | 10 |
Ama mopafi vahe'mo'zama e'ina hugahune hu'zama antahintahima retro'ma haza antahintahia Ra Anumzamo'a zamahe savri nehuno, mika zama hugahune hu'zama kema anakiza zana eri haviza nehie.
| עצת יהוה לעולם תעמד מחשבות לבו לדר ודר | 11 |
Hianagi Ra Anumzamo'ma mago'zama hunaku'ma antahintahima retro'ma hu'nenia zamo'a mevava huno vugahie. Hugahue huno'ma hu'nenia zana Agra tamage huno fore'ma hu anante anante'ma hanigeno manino vania vahete'enena meno vugahie.
| אשרי הגוי אשר-יהוה אלהיו העם בחר לנחלה לו | 12 |
Ra Anumzanku'ma tagri Anumzane hu'zama hanaza vahe'mo'za muse nehinkeno, Nagri fenozane huno'ma eri santimahare'nea vahe'mo'za muse hiho.
| משמים הביט יהוה ראה את-כל-בני האדם | 13 |
Monafinkatira Ra Anumzamo'a kefenka atreno ama mopafima mani'naza vahera maka nezamagie
| ממכון-שבתו השגיח-- אל כל-ישבי הארץ | 14 |
Agrama nemania kumapintira kefenka ateno mika ama mopafima nemaniza vahera nezamage.
| היצר יחד לבם המבין אל-כל-מעשיהם | 15 |
Agra vahe'mofo tumora trohunte'neankino, maka zama hu'na zana antahino keno nehie.
| אין-המלך נושע ברב-חיל גבור לא-ינצל ברב-כח | 16 |
Hankavenentake sondia vahetmimo'za kini nera agura ovazi'nageno, harafa sondia ne'mo'a agra'a hanave'aretira kini nera agura ovazigahie
| שקר הסוס לתשועה וברב חילו לא ימלט | 17 |
Hosi afu'mo'za naza hanage'na hara agateregahue hunka amuhara osuo. Na'ankure hosi afu'mofo hankavemo'a kaza huno kagura ovazigahie.
| הנה עין יהוה אל-יראיו למיחלים לחסדו | 18 |
Hianagi Ra Anumzamo'a Agriku'ma koro'ma hu'za agoraga'ama nemani'za, vagaore avesizama'mofonte'ma amuha'ma nehaza vahete avua anteno nege.
| להציל ממות נפשם ולחיותם ברעב | 19 |
Agra frizampintira zamagu'nevazino agatonto knafina zamatrege'za ne'zankura nofrize.
| נפשנו חכתה ליהוה עזרנו ומגננו הוא | 20 |
Ra Anumzamofonku tagra avega anteta manineta amuhara nehunankino, Agrake'za hankotia mani'neankino, taza hugahie.
| כי-בו ישמח לבנו כי בשם קדשו בטחנו | 21 |
Agriku tagu'amo'a musena nehie, na'ankure tagra, Agri ruotge agifi tamentintia nehune.
| יהי-חסדך יהוה עלינו כאשר יחלנו לך | 22 |
Ra Anumzamoka kagripi amuha zantia me'neanki, vagaore kavesi'zanteti maka knafina kegava hunka refiteranto.
