תהילים 33

1 רננו צדיקים ביהוה לישרים נאוה תהלה

Tienụ mkpu ọṅụ nye Onyenwe anyị, unu ndị ezi omume; nʼihi na ọ bụ ihe ziri ezi ka ndị obi ha ziri ezi too ya.

2 הודו ליהוה בכנור בנבל עשור זמרו-לו

Werenụ ụbọ akwara too Onyenwe anyị; werenụ une nke nwere akwara iri kpọọrọ ya egwu.

3 שירו-לו שיר חדש היטיבו נגן בתרועה

Bụkuonụ ya abụ ọhụrụ; were ǹka kpọọ ụbọ akwara ma tiekwa mkpu ọṅụ.

4 כי-ישר דבר-יהוה וכל-מעשהו באמונה

Nʼihi na okwu Onyenwe anyị niile ziri ezi bụrụkwa eziokwu; o kwesiri ntụkwasị obi nʼọrụ ya niile.

5 אהב צדקה ומשפט חסד יהוה מלאה הארץ

Onyenwe anyị na-ahụ ezi omume na ikpe ziri ezi nʼanya; ụwa niile jupụtara nʼịhụnanya ya nke na-enweghị ọgwụgwụ.

6 בדבר יהוה שמים נעשו וברוח פיו כל-צבאם

Ọ bụ site nʼokwu ọnụ Onyenwe anyị ka e ji kee eluigwe niile, jirikwa nkuume nke ọnụ ya mee anwụ, na ọnwa na kpakpando niile.

7 כנס כנד מי הים נתן באוצרות תהומות

Ọ bụ ya kekwara osimiri niile chịkọta ha nʼotu ebe, kpaa oke ebe ha ga-anọ dịka ụlọakụ dị ukwuu.

8 ייראו מיהוה כל-הארץ ממנו יגורו כל-ישבי תבל

Ka ụwa niile tụọ Onyenwe anyị egwu; ka mmadụ niile bi nʼụwa sọpụrụ ya.

9 כי הוא אמר ויהי הוא-צוה ויעמד

Nʼihi na o kwuru okwu, okwu ahụ mezukwara; o nyere iwu, iwu ahụ guzokwara chịm.

10 יהוה הפיר עצת-גוים הניא מחשבות עמים

Onyenwe anyị na-emebi atụmatụ mba niile; ọ na-emebi ebumnobi ụmụ mmadụ.

11 עצת יהוה לעולם תעמד מחשבות לבו לדר ודר

Atụmatụ Onyenwe anyị na-adịgide ruo mgbe ebighị ebi, ebumnobi ya ruo ọgbọ niile.

12 אשרי הגוי אשר-יהוה אלהיו העם בחר לנחלה לו

Mba a gọziri agọzi ka mba ahụ bụ, bụ ndị Chineke bụ Onyenwe anyị ha; bụ ndị ọ họpụtara ka ha bụrụ ihe nketa ya.

13 משמים הביט יהוה ראה את-כל-בני האדם

Onyenwe anyị si nʼeluigwe na-ele ndị mmadụ bi nʼụwa anya. Ọ na-ahụzu ụmụ mmadụ niile anya.

14 ממכון-שבתו השגיח-- אל כל-ישבי הארץ

O sitere nʼebe obibi ya na-ele onye ọbụla bi nʼelu ụwa anya.

15 היצר יחד לבם המבין אל-כל-מעשיהם

Ebe ọ bụ ya kpụrụ obi mmadụ niile nʼotu na otu; ọ na-ahụzu, na-amazukwa ihe niile ha na-eme.

16 אין-המלך נושע ברב-חיל גבור לא-ינצל ברב-כח

Ọnụọgụgụ ndị agha eze apụghị ịzọpụta ya; o nweghị onye agha ọbụla na-azọpụta onwe ya, site nʼịdị ukwuu nke ike ya.

17 שקר הסוס לתשועה וברב חילו לא ימלט

Ịnyịnya agha ezukwaghị iwetara ndị na-agba ha mmeri nʼagha. Ọ bụ ezie na ịnyịnya dị ike, ma ha apụghị ịzọpụta ndị nwe ha.

18 הנה עין יהוה אל-יראיו למיחלים לחסדו

Ma Onyenwe anyị ji anya ya na-eche ndị niile na-atụ ya egwu nche, ya bụ ndị niile na-atụkwasị obi ha nʼịhụnanya ya, nke na-adịghị agwụ agwụ.

19 להציל ממות נפשם ולחיותם ברעב

Ọ ga-anapụta ha site nʼaka ọnwụ. Ọ ga-echebekwa ha ọ bụladị nʼoge ụnwụ.

20 נפשנו חכתה ליהוה עזרנו ומגננו הוא

Anyị ji olileanya eche Onyenwe anyị; ọ bụ ya bụ inyeaka anyị na ọta anyị.

21 כי-בו ישמח לבנו כי בשם קדשו בטחנו

Obi anyị na-aṅụrị ọṅụ nʼime ya; nʼihi na anyị tụkwasịrị aha nsọ ya obi.

22 יהי-חסדך יהוה עלינו כאשר יחלנו לך

O Onyenwe anyị, ka ịhụnanya gị na-adịgidere anyị, dịka olileanya anyị dị na gị.