תהילים 29

1 מזמור לדוד הבו ליהוה בני אלים הבו ליהוה כבוד ועז

Monafima nemaniza maka ankeromota Ra Anumzamofo agia ahentesga hunenteta, agri agigu'ene hankave'agu'enena husga hunenteta muse hunteho.

2 הבו ליהוה כבוד שמו השתחוו ליהוה בהדרת-קדש

Ra Anumzamofoma so'e zantfama hu'nea agia ahentesga nehuta, ruotage'ma huno hankave nentake'ma hu'nea Anumzana monora hunteho.

3 קול יהוה על-המים אל-הכבוד הרעים יהוה על-מים רבים

Ra Anumzamofo agerumo'a hagerimofo agofetu'ma vuno eno nehigeno, hankavenentake Ra Anumzamofo ageru'mo'a hagerimofo agofetura monagema hiaza huno runagraseno vuno eno nehie.

4 קול-יהוה בכח קול יהוה בהדר

Ra Anumzamofo agerumo'a hankavenentake higeno, konariri'amo'a avite'ne.

5 קול יהוה שבר ארזים וישבר יהוה את-ארזי הלבנון

Hagi Ra Anumzamofo agerumo'a, sida zafaramina runagaza penetreno, Ra Anumzamo'a Lebanoni kokampima me'nea Sida zafaramina, ru futagi atre'ne.

6 וירקידם כמו-עגל לבנון ושרין כמו בן-ראמים

Ana nehuno Lebanoni agonamofona higeno bulimakao anenta'mo'ma hiaza huno, takaure takaure nehigeno, Hemoni agonamofona higeno, afi agaho bulimakao afumo'ma hiaza huno takaunere.

7 קול-יהוה חצב להבות אש

Ra Anumzamofo agerumo'a kopsi'namo'ma hiaza huno rumarave marave nehigeno tevenefa rukru nehie.

8 קול יהוה יחיל מדבר יחיל יהוה מדבר קדש

Ra Anumzamofo agerumo'a hagege koka eri kanage nehigeno, Ra Anumzamofo agerumo'a, Kadesima me'nea ka'ma koka eri tore nehie.

9 קול יהוה יחולל אילות-- ויחשף יערות ובהיכלו-- כלו אמר כבוד

Ra Anumzamo'ma ageru'ma nerigeno'a, dia afu'mo'za anopa anenta nentageno, zafa ani'namo'za harari hu'za mopafinke eneramize. Ana nehazage'za agri mono nompima mani'naza vahe'mo'za hu'za, Anumzamo'a hankavenentake hu'ne hu'za agia ahentesga nehaze.

10 יהוה למבול ישב וישב יהוה מלך לעולם

Ra Anumzamo'a kini tra'are mani'neno, ranra hagerintamina kegava hu'ne. Ana hu'neankino agrake kinia mani'neno kegava hu vava hugahie.

11 יהוה--עז לעמו יתן יהוה יברך את-עמו בשלום

Ra Anumzamo'a agra vahe'a hankavea nezamino, rimpa fruzanteti asomura huzmantesie.