תהילים 24

1 לדוד מזמור ליהוה הארץ ומלואה תבל וישבי בה

Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

2 כי-הוא על-ימים יסדה ועל-נהרות יכוננה

Pamba te ezali Yawe nde atia yango na likolo ya bibale minene mpe apikaki yango na likolo ya miluka.

3 מי-יעלה בהר-יהוה ומי-יקום במקום קדשו

Nani akokoka komata ngomba ya Yawe? Nani akokoka kotelema kati na Esika na Ye ya bule?

4 נקי כפים ובר-לבב אשר לא-נשא לשוא נפשי ולא נשבע למרמה

Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

5 ישא ברכה מאת יהוה וצדקה מאלהי ישעו

Yawe akopambola ye; mpe Nzambe, Mobikisi na ye, akokomisa ye sembo.

6 זה דור דרשו מבקשי פניך יעקב סלה

Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

7 שאו שערים ראשיכם והנשאו פתחי עולם ויבוא מלך הכבוד

Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

8 מי זה מלך הכבוד יהוה עזוז וגבור יהוה גבור מלחמה

Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

9 שאו שערים ראשיכם ושאו פתחי עולם ויבא מלך הכבוד

Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

10 מי הוא זה מלך הכבוד יהוה צבאות-- הוא מלך הכבוד סלה

Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!